الموضوع: حد عنده معلومات عن طريق شرم

وعليكم السلام ورحمة الله و بركاته
انا اخر مرة سافرت الشرم كانت من 3 سنين و على حسب ما انا فاكر :
1- طريق السويس
2- النفق
3- كمين عيون موسى
4- رأس سدر "ممكن تعمل راحة في محطة موبيل"
5- كمين طريق سانت كاترين
6- كمين ابو زنيمة
7- كمين الطور
8-كمين مدخل الشرم

المسافة حوالي 500 كيلو

كل ديه كماين
انا خلاص قررت اني هطلع الغردقة وحجزت في فندق صين رايز
انا عارف طريق الغردقة بس بقالي كتير ماسفرتش عليه بس سامع ان بقي في رادارات ليلية كتير فعلا الكلام ده ؟

المشاركة الأصلية كتبت بواسطة brown-eyes

كل ديه كماين
انا خلاص قررت اني هطلع الغردقة وحجزت في فندق صين رايز
انا عارف طريق الغردقة بس بقالي كتير ماسفرتش عليه بس سامع ان بقي في رادارات ليلية كتير فعلا الكلام ده ؟

فعلا توجد رادارات ليلية و انا حقولك على الاماكن اللي عديت عليها:
1- قبل كمين رأس غارب ب 5 كيلو ( السرعة 110 كيلو)
2- الكيلو 100 طريق راس غارب - الغردقة و ايضا ممكن بيخلوه في الكيلو 80 قبل محطة مصر للبترول ب 7 كيلو تقريبا منطقة جبل الزيت ( السرعة 110 كيلو)
3- داخل الغردقة وخصوصا طريق المطار ( السرعة 60 كيلو)

شكرا علي ردودكو انا روحت شرم في اخر لحظة ويارتني ما روحتها
طريقها وحش جدا جدا جدا حاجة بجد تضايق انا مش عارف ازاي طريق مهم زي ده يكون كده ولا يفط ولا نور ولا اي حاجة ده طريق موت انا بحمد ربنا اني رجعت سليم ده غير اني تهت مرتين في الطريق بصراحة طريق الغردقة احسن بمليون مرة ربنا يهدي كل واحد مقصر في شغله ومعندوش ضمير

هههههههههه
ياباشا انت ايه اللى خلاك بس تسافر بليل

هوه الطريق بس بتاع الطور هوه اللى مش تمام لانه كله جبال وملفات حاجات غريبه
وحمدلله على سلامتك

نصيحه بلاش بليل خالص فى طريق شرم نهائى لسبب واحد

انه من بعد طريق السويس وبعد النفق الطريق مفتوح على بعض يعنى مفيش فواصل نهائى وطبعا غير انه خطر على شان هو كله بالظبط حاره رايح وحاره جاى انت مسافر بليل يعنى انت والى فى الاتجاه التانى محتاجين النور العالى

والطريق خطر اصلا وزى الزفت بلاش بليل خليك بالنهار افضل

وربنا معاك

بالظبط كده اليستحسن السفر نهارا
حتى اى حته خليك فى النهار احسن
اما انت لو حافظ بقي يبقي بليل عادى