الموضوع: يا جماعة كفاية هجوم علي السيراتو !!!

ياهم انا واحد من الناس معاياة العربية دية وبفضل اللة زى الفل كل الى انت بتسمعة دة حرررررررررررررررررررررررر رررررررررررررررررررب من اصحاب المصالح التانية اللهم ممكن فعلا تكون هناك حادثة بجد لان مافبش عربية مابتقلبش
بس نصحتى ليك اتكل على اللة دة بعد الاستحارة طبعا وعليك بالخليجى وخصوصا السعودة وبلاش ياعم جنط 17 خليك فى ال 16وربنا يوفقك ومتنساناش بالدعاء:b4_592:

المشاركة الأصلية كتبت بواسطة yah

اللى عربيته قلبت واللى عربيته ولعت بالصورررررررررررر
مفيش داعى نكدبهم
ولسخونه قالو انها تسيح الشيكولاته وان التوكيل بيعالج الموضوع ده فى الصيانه
الحدفه الشمال ناس كتير اتكلمت عنها
كل دول كدابين ولا ايه
حد يفهمنى عشان احدد موقفى من العربيه دى بقى

يا سيدي هو معني ان العربية اتقلبت يبقي العيب في العربية...ثانيا هنقيم العربية بالشيكولاتة هههههه والله انا بكتب الكلام ده وانا بضحك..يا جماعة ده لو الجو حر شوية ونت حاطط الشيكولاتة في شنطة او كدة هتسيح لوحدها...عيب بقي الكلام ده انتم بتتكلمو اكنها سيحت صبعه مثلا او كان حاطط فلوس ولقاها محروقة بجد لا تعليق علي الكلام ده..

انا جربت نفس الموضوع بتاع الحدفة الشمال لاحظت ان فى حدفة شمال ويمين حسب الطريق طبعا وعلى فكرة انا مجربها على طريق مدخل شركة اسبانية فى ميناء دمياط مش طرق المقاوليين النهاببين بتوع مصر طرق غير صالحة :b4_048::b4_048::b4_048:

المشاركة الأصلية كتبت بواسطة elmoski

حضرتك انا لو شايف ان العربية مفيهاش عيوب مكنتش اديتها 8.5 من 10 وثانيا مفيش حاجة كاملة 100% لكن العيوب اللي انا قصدتها متستاهلش كل الهجوم اللي علي السيارة...الحاجة الوحيدة اللي ملحوظة في العربية هي عفشتها ناشفة حبة ودي بتتظبط مع الوقت وكمان ليها حلول ممكن تقلل ضغط الكاوتش وتحط نيتروجين مش هتحس ساعتها بموضوع العفشة ده اطلاقا...لكن بقي تلاقي واحد يقولك سخونة في الكونسول وبتولع علي الطريق وبتعمل ارجوز بجد ده كلام فاضي وهقول تاني العربية ممتازة والي عاوز يشتريها ميترددش بجد.

الكلام ده كله صحيح و انا معاك فيه و طبعا انا معايا العربية بقالها 5 اسابيع و عملت 1600 كيلو
و احمد الله على فضله - العربية كويسة جدا و مريحة مع العلم ان انا كنت راكب تويوتا ياريس قبلها
بس يمكن العربية دى من حلاوتها دايما محسودة و على فكرة انا مابهزرش

المشاركة الأصلية كتبت بواسطة yah

ياباشا ده مش كلامى حضرتك
ده كلام ناس هنا فى المنتدى
هما اللى اتكلمو عن التقييم يالشكولاته

يا سيدي متزعلش والله عارف انه مش كلامك انا بس بعلق علي الكلام مش اكتر وانا عارف انه عضو تاني مش انت قال الكلام ده ولسة هنشوف كلام كتيير.. ده في ناس يا راجل بتقولك الكرسي بيزيق !! شوفت دي

لا اللي بيهاجم شريك في توكيلات تانيه
و لا اللي بيدافع مشارك في توكيل كيا
احنا عاطفيين شوية في هجومنا و دفاعنا
اللي بيهاجم في منهم اخوة معاهم العربيه و من الواضح ان في حدفه من كلامهم للشمال اكيد مش كلهم كدابين و مفيش عربيه مفيهاش عيوب و موضوع السخونه واضح برضة انه ملحوظ لان اكيد اللي معاهم العربيه معظمهم ركبوا عربيات تانيه و حسوا بالسخونه انها ازيد من المعتاد و برضة مش كلهم كدابين معني كدة ان في مشكله و لازم يبقي فيه وقفه مع التوكيل علشان ياخد خطوات جادة في حلها مش نقعد نقول العربيه زي الفل و تحفه و محصلتشي و التوكيل يبيع زي ماهو عاوز انا مش بقول ان العربيه وحشة بس ممكن تكون العيوب دي بسيطه و التوكيل مش عايز يتعب نفسة و ياخد خطوات جادة في حلها ابعتوا اميلات للشركه الام في كوريا لحمايه المستهلك علشان الناس اللي اشترت او اللي هتشتري
انا معاكوا ان في ناس مزوداها شوية و في ناس بتهاجم لمجرد انه يثبت لنفسة انه مضحكشي عليه في عربيه تانيه بس برة في ناس كتير بتدافع لنفس السبب يعني عاطفيين في الهجوم و الدفاع و المستفيد الوحيد هو التوكيلات مش المشتري و اعتقد اننا يهمنا هنا في المنتدي المشتري اللي هو انت و انا مش التوكيل

و المهندس غازي ربنا يشفيه و يقومه بالسلامه الف شكر ليه ان الراجل مهتم بسلامه الاخوة هنا و جه علي نفسة و عمل موضوع و نزل صور علشان محدش يحصله زيه يبقي مش جزاءة ان البعض يهاجمه الموقف اللي هو كان فيه ميسمحشي ان الواحد يحلل الغلط منه و لا من العربيه
هو شرح اسباب شايف انها ممكن تكون سبب و قال بالحرف ان الدركسيون مكنش عايز يستحيب و حدف جامد منه يمين و شمال و لو دة حصل يبقي في مشكله في الثبات بتاع العربيه
يبقي لازم الوقفه مع التوكيل تبقي جامدة
و مش توكيل كيا بس كذا توكيل بيبقي عندهم مشاكل و علي فكرة مشاكل بتبقي بسيطة جدااااااااا و ممكن بسؤال للشركه الام يتم حلها و الناس تيجي تصلح عربيتها لكن بيطنشوا و للاسف احنا بنساعدهم بالسلبيه بتاعتنا و الكلمه الوحيدة اللي علي لسانا ان العربيه زي الفل و مفيهاش غلطه
اسف علي الاطاله