الى كل خبراء السيارات
برجاء الافادة منكم عن ( مميزات و عيوب السيارة فيات ارجنتا ) ؟
و لكم جزيل الشكر .
عرض للطباعة
الى كل خبراء السيارات
برجاء الافادة منكم عن ( مميزات و عيوب السيارة فيات ارجنتا ) ؟
و لكم جزيل الشكر .
أن الضريبة بتاعتها خراب بيوت علشان 2000 سي سي مش عارف ولا 2500
دة غير ان قطع غيارها الخارجية قليلة
[frame="9 10"]الارجنتا هى تحديث 132
زى مالدوجان و الشاهين تحديث 131
بس العربية دى منجحتش فى مصر
وقطع غيارها اصعب من 131
موتورها والله اعلم 2000 سي سي تنين كامة
يعنى زى 132 بلاعة بنزين بس مقابل العزم
والله اعلم[/frame]
السيارة لاقيت عدد 2 فانوس خلفى لها فى الزقازيق الواحد ب 125 جنية هو كدا غالى و لا رخيص
سحبها فى البنزين 170 على الصفيحة
السيارة دى سمعت انها كانت بتمن المرسيدس 200 اول مانزلو زيرو فى مصر عام 1982
بعض الصور للسيارةمن الداخل و من الخارج طبعا ده من مواقع النت
http://up.arb-up.com/i/00090/wmd4jhs4a6e2.jpg
http://up.arb-up.com/i/00090/p23ebrbucece.jpg
http://up.arb-up.com/i/00090/wgkmmksjdssd.jpg
http://up.arb-up.com/i/00090/hnmnghnnhbyu.jpg
كموبيتر للسيارة من الداحل
http://up.arb-up.com/i/00090/xy6mr1xlgl4h.jpg
مش منتشرة زى ال 132
فى منها 2000 سى سى و1600 سى سى
والضريبة بتاعتها مش عالية اوى يعنى ولا حاجة , هى ممكن توصل ل 250 جنيه فى السنة
الفانوسين الاماميين بالكامل عاملين 550 جنيه تقريبا وسبب غلوها لان التجار عارفين ان قطع غيارها نادرة
الاكسسوارات بتاعتها حتدوخ عليها علشان تلاقيها ومش حتلاقيها
سيبك من صورها اللى موجودة من النت لانها لعربيات كانت متصورة وهى بحالة جيدة لكن اشك ان كنت حتلاقى حاجة نضيفة
بالنسبة لمميزاتها
صالونها واسع سواء قدام او ورا وشنطتها واسعة
والكمبيوتر بتاعها مفيد وفيه معلومات زى ان كان فيه ابواب مفتوحة ومبين لتآكل التيل ومبين يوضح ان فيه لمبة مش قايدة سواء من الفانوس الامامى او الخلفى والتابلوه فيه عداد بيوضح مدى ضغطك على دواسة البنزين ودى انا بتاعبها باستمرار عشان بتفيدنى انى مستهلكش بنزين كتير
طبعا ثابتة بسبب تقلها
فيها باور وسنتر
لو انت عاوز حاجة عملية يبقى متفكرش فيها ولو انت ليك دماغ فايقة ليها يبقى على البركة
لا شكر على واجب
بالنسبة للفانوس هو بيبقى فيه فرق بسيط مابينه ومابين 131 يعنى ممكن تركبله فانوس 131 ومفيش مشكلة لان الشبه مابينهم كبير
بالنسبة لاى استفسار انا فى خدمتك بس على مجيب موبايل لان بتاعى القديم اتلطش والحمد لله فلما حجيبه حرن على نمرتك وحبعتلك نمرتى على الخاص بس انت افتح الخاص بتاعك عشان مش راضى يستقبل
وحاجة كمان نسيتها
العربية دى عاوزة طرق مفتوحة وحتلاقيها موفرة معاك فى البنزين حلو بس لو ماشى بيها جوه البلد يبقى اعمل حسابك على تفويلة كل 3 او 4 ايام ولا حاجة وخاصة مع المشى والوقوف باستمرار
يعنى من الاخر العربية دى بتاعة سفريات
بس وحش على الطريق
يعنى ممكنم اجيب فانوس 131 أمامى و اركبهم
مع العلم ان فانوسها عبارة عن قطعة كبيرة رئيسية زى ال131 و واحدة قيها الاشارات بجانب الفانوس الكبير.. لانى عاوز اغير اللى عندى
نظافة
العربية معايا من اسبوع ماشاء الله عليها....افضل من البيجو و المرسديدس
العربية ممكن تقفل ال100 و انت على الثالث من غير ماتشعر انها بتجرى
طبعا فيها خمس سرعات
و ياريت نتعرف علشان عاوز اسالك على حاجات كتير فيها
دكتور مجدى 0107798886
انا شاريها من السوق الجمعه اللى فاتت على 16000و صارف عليها الى الان 2000فرش جديد و تضبيط أبواب و عفشة و ضبط كارباتير و كاسيت و سماعات و كدا كلها تعتبر كماليات فقط
و قريبا ان شاء الله هانزل صورتها لما اخلصها نهائى ... لان فاضل فيها فانوس يسار خلفى و فانوسين امامين . هما موجودين بس شكلهم قديم
اللون سماوى .1982 - 2000 سىسى بور و سنتر
طبعا انا بضبط لانى ان شاء الله هاتسمتر معايا فترة طويلةعلى فكرة العربية دى كل حاجه فيها بتاع ال132 ماعدا التابلوة و الفانوسين الامامى و الخلفى
الف مبروك على العربية وربنا يباركلك فيها ان شاء الله
العربية عندنا كانت فيها الفوانيس الامامية كانت بتاعة 131 ولما غيرتها لفوانيسها الاصلية محستش ان فيها فرق تقريبا نفس الشبه
يعنى ممكن تجيبهم بتوع 131 من غير اى مشاكل بس اتاكد ان المسامير بتاعتها اللى بتعدل بيها الضوء انها شغالة ولما بتلف بتحرك الوش اللامع الداخلى
مهو دا اللى مخلينى باقى عليها الى جانب رخص قطع غيارها وصالونها الواسع
يمكن بس مشكلتها فى الاكسسوارات بتاعتها انك تلاقيها بس اى حاجة فى الموتور تلاقيها بسهولة
خلاااااااااااص هانت والموبايل قربت اجيبه ان شاء الله:E_braces[1]:
الأخوة الأفاضل
من كلامكم فهمت إن المشكلة في الكماليات بتاعة العربية
لكن قطع غيارها الأساسية مثل (الكاربراتير - طلمبة البنزين - الاسبراتير ..... إلخ) دي قطع غيار الـ 132 والا فيه اختلاف وموجودة بقى والا مش موجودة ويطلع عين الواحد على ما يلاقيها
وبرضه مفهمتش هي العربية اللي موتورها 1600 بتستهلك بنزين كتير والا زيها زي العربيات اللي مواتيرها 1600 (الـ 132 ، الـ 131 ، البولونيز)
معلش بش عايز أعرف الحاجات دي لأن قدامي واحدة 1600 سي سي ومحتار أخدها والا لأ ، وهي أفضل والا البولونيز
شكراً
مشكله العربيه انها انتجت فى فتره كان استيراد العربيات فى مصر ممنوع وبالتالى العربيه غير منتشره كاعربيه او قطع غيار
المشكله مش كماليات بس ياجماعه اولا الصاج كمان مشكله عدم وجود رفاف جديده او مستعمله سوا اماميه او خلفيه ( الا لو هتشترى نص عربيه كامل استيراد واعتقد ده يبقى مسخره )
عدم وجود اكصطدامات جديده او مستعمله كل الفبر الداخلى غير موجود عدم وجود فوانيس او اشارات اماميه مطلقا
وحتى الشبكه وخصوصا موديل 110 ( 1985-1986 ) تركيب فوانيس ال131 عليها سئ جدا وبيضيع منظر العربيه
فى حالات منها انا شوفتها جميله جدا وبحالتها بس للاسف اصحابها رفضين تماما بيعها
واللى موجود فى السوق حالته تعبانه
دا راى والامر متروك لكم
ياه الأرجنتا دي كانت أصيله بس بابا الله يرحمه باعها عشان قطع غيارها
http://up.arb-up.com/i/00090/xy6mr1xlgl4h.jpg
الصوره دي ليها معايا ذكرايات و أنا صغير
الأخ الفاضلشكراً
بما أن السيارة معاك فعلاً ومن كلامك واضح إن قطع غيارها متوفرة ورخيصة ، ممكن بس أعرف حضرتك بتجيب قطع غيارها من مكان معين والا بتشتري من أي واحد بتاع قطع غيار
والكماليات (ايه المقصود بيها) وبتتصرف فيها إزاي طالما صعب تلاقيها يا ريت تفيدني لأن هناك عربية قدامي وبصراحة خايف أشتريها أدوخ من الدوران ورا حاجتها
بالنسبة ليا انا موجود فى الزقازيق
الفانوس الخلفى كامل استيراد ب 125 جنية و بردك نفس السعر فى المنصورة ( الحسينية عند فيات 2000) و فى عزبة شلبى
الاشارات الامامية وش بس الواحد ب 5 جنية موجود عند واحد اسمه الطيب عند كوبرى هرية فى الزقازيق
ده اللى كان صعب شويه فى العربية الا الان بالنسبة ليا.. و الحمد لله وجدت اكتر من مكان سواء فى المنصورة او الزقازيق او عزبة شلبى
فى واحد اسمه حلمى فى الزقازيق قالى لو عاوز الاشارات الاصلية اجيبهم لك بس لاقيتهم ب 50 جنية الواحد .. قلت ليه اجيب وش مصرى و خلاص
كل الشكر والتقدير د. مجدي
وبارك الله لك فيها ، والحقيقة أنا قدامي واحدة موديل 81 موتور 1600 سي سي ، والمبلغ المطلوب فيها 1600 ايه رأي سيادتك ، أنا بصراحة كنت بدور في البولونيز ﻷن موديلاتها عالية وبنفس السعر ، لكن بصراحة العربية دي زغللت عيني بس كنت قلقان شوية من ندرة قطع غيارها ، أو اكسسواراتها واستهلاكها للبنزين
اللي بيبعها قاللي إن قطع غيارها هي قطع غيار الـ 132 هل ده صحيح؟ ويا ريت تقوللي استهلاك عربيتك كام أنا عارف إنها 2000 سي سي بس ﻷخذه كدليل
شكراً لك مرة أخرى
د. مجدي
شكراً على الاهتمام ، لقد رأيت السيارة وهذه هي المواصفات موتورها جيد ، عفشة جيدة ، صالون جيد ، جنوط اسبور ، تحتاج إلى دهان من الخارج ، كما أن الباكتات حول العربية غير موجودة وأيضاً مقابض الأبواب الأصلية في 3 أبواب غير موجودة
السيارة رشة دواخل ، السعر المطلوب 15000 جنيه نزولاً من 16000 جنيه
فما رأيك هل أرفعها في بنزينة لمعرفة سبب الرش وإذا كانت حالتها جيدة أتوكل على الله وأشتريها أم أصرف نظر عنها.
شكراً
[QUOTE=asaeed;3872395100]العربية دي بيضاء اللون وبها سبويلر خلفي وبتاعة واحد شاب شغال في البنك الأهلي والعربية باسم والدته؟[/QUOTE
مضبوط
أنا مش عارف العربية باسم مين ، هو قاللي إنها معاه من سنة على ما أتذكر
واضح إن حضرتك شوفتها ، ليك تعليق عليها
[QUOTE=khmonir;3872395115] العربية دي أنا شفتها وفعلاً شدني سعرها وتقابلت مع صاحبها في شارع أحمد عرابي بالمهندسين بس العربية دي حسيت بقلق من ناحيتها لأنها مش مظبوطة، حاسسن أنها كان فيها حاجة في الشاسيه والله أعلى
وهتلاقي في القائم إللي في وسط البابين إللي على اليمين آثار لحام والله أعلم
عموماً أنا ماقدرش احكم عليها كويس، لازم تأخذها عند سمكري وميكانيكي لتحديد حالتها وعلشان تعرف هي ليه تم رشها من الداخل
وربنا يوفقك
شكراً asaeed
وأنا كنت ناوي إني أرفعها في بنزينة شل لو قررت أخدها
ربنا يسهل وأستقر على رأي
هى دى مش بتسحب بنزين كتير
الاول معلش على تاخيرى فى الرد لعدم دخولى المنتدى من فترة ولما كنت بخش بقعد فترة قليلة فمبلحقش اخش على المواضيع كلها
العربية والدى كان شاريها من الثمانينيات وعمل لها عمرة بموتور 132 فبالنسبة لقطع غيارها (الاجزاء الميكانيكية) حتلاقيها متوفرة لكن موتورها الاصلى معنديش فكرة عنه لكن الميكانيكى بيقوللى انها نفس موتور 132 بس الفرق فى الشكل بس
بالنسبة لقطع غيارها حتلاقيها عند الكيلانى وبالنسبة للإشارات الامامية حتلاقيها فى شركة الاهرام موجودة بس طبعا مش حتركب typical عليها لكن بعد متتركب مش بيبان انها متركبة اوى الا لو واحد قرب منها
الكماليات انا اقصد بيها الفوانيس امامى وخلفى والشبكة وشكل اليد اللى بينزل الزجاج وزراير التكييف والكاوتشة اللى بتحوط الفتيس
بالنسبة للتصرف فطبعا جبت دراع بتاع 132 بس شكلها بالمقارنة لبتاع العربية الاصلى مش شيك خالص لانها معدنى لكن بتاعت الارجنتا بتكون بلاستيك
بلنسبة لزرار التكييف فانا لزقته بلزق امير عشان المنظر ليس الا
فعلشان كده منصحش اى حد يشترى العربية دى الااذا كان باله طويل ودماغه رايقة لكن لو عايز حاجة عملية وتقضى بيها الغرض فمنصحكش بيها
انا بشوف العربية دى احيانا لكن منظهرها مش ولا بد خالص الا واحدة بس كان شكلها شيك فعلا ولونها كان ابيض
والعربية دى لولا ان والدى محافظ عليها من زمان كنا بعناها بس الى مخلينا متمسين بيها هى رخص قطع غيارها بالاضافة ان والدى مغيلرها عفشة بالكامل ومعمولها عمرة
يمكن العيب الوحيد اللى فيها انها زى اى 132 محتاجة بند ازمه بند بنزين
وبالنسبة لاى استفسار نمرتى هى 0108478800
أخي ainshouka
جزيل الشكر على المعلومات الوافية
السلام عليكم و رحمة الله و بركاته
ممكن اعرف سعرها يتراوح من كا إلى كام و حسب علمى انه يوجد منها بتكييف