اعتزر يا جماعه عن التأخير
بس شايف ان عصابة اوبل قايمه بالواجب وزياده :)
بلاش الموتور ده سمعنا ان فيه مشاكل فى الكنترول يونت
مش لازم يا احمد
بتنزل سوفت وير للعداد عشان يظبط نفسه على المكنه الجديده
بس مش هيديك قرايه اكتر من 220 كم عشان ده اخر العداد
بس هيديك الحراره مظبوطه والار بى ام مظبوطه وكل حاجة تمام
انا اعرف واحد كان مغير عداد ولاحظ ان المكنه بتفصل منه بدرى على 4 rpm
رحنا للراجل اللى انا عملت شغلى عنده قال العداد ده بتاع مكنه 6 سلندر
ونزل السوفت وير بتاع المكنه ال 2000 العادى مش الايكوتك
لاقينا الار بى ام اتعدل وبقى بيفصل عند 7 والحراره كانت ديما معديه ال95 نزلت لمستواها الطبيعى وكله بقى تمام
انا افتكرت زعلان منى انا والله اتخضيت
القواعد مختلفة
طبعا كل اللى الرجاله قاللوك عليه فعلا صح
هتغير حاجات كتير
ووجع دماغ جامد جدا
وهتقعد كل شويه حاجة مش عجباك هتروح تجيب الجديد بتاعها عشان تريح دماغك
وهتصرف معاك جامد
مش كموتور وضفيره والحاجات الاساسية دى
لا ابدا
الحاجات الرفيعه هى اللى هتصرف معاك
رأيى الشخصى بعد تجربتى الخاصه
هتصرف كتير من غير داعى ووجع الدماغ كبير جدا
ظبط موتورك او هات موتور 1600 وبيع وهات وحده 2000 لو عايز
انا صرفت كتير عشان اركب عربيه على مزاجى واللى ماكنش بيعجبنى كنت برميه واجيب جديد
وفى الاخر لو بعت هخسر فيها مبلغ محترم جدا
خصوصا لو عرفوا انك انت اللى معدل العربيه
مع انى كنت جايب نص كامل واخد منه كل حاجة وخليتها زى الفابريكه حتى ضفيرة التابلوه غيرتها عشان مش نقص ونلحم والكلام ده
بس اللى بيتكلم بيقولك ياعم ده انت اللى معدله تبقى اى كلام