إستفسار لمن يتعاملون مع التوكيل

**wael_dosoky** · 08-12-2009 01:23 PM

السلام عليكم : لي إستفسار لو سمحتم
انا لسه شاري ومستلم عربية شيفورليه لانوس 2010 فول اوبشن والحمد لله
دلوقتي لو انا عاوز اركب ليها إنذارهل ده يخرجها بره الضمان ؟ انا سالت تليفونياً الأخ بتاع التوكيل بتاع شارع الطيران فقعد يتوه فيا كده ومافهمتش منه حاجة بيقولي احنا موش بنركبه عندنا وموش هتلاقي وكيل معتمد بيركبه ولو ركبته بره هتخرج ضفيرة الكهرباء من الضمان
المشكلة اني محتاج اركبه فهل عند حد من الاخوة تجربة او راي يقدر يفدني بيه؟
وشكراً

**mohelmy** · 08-12-2009 01:51 PM

معظم الناس هنا مركبينه برة التوكيل ومفيش اى مشاكل عندهم بس دة فى وكيل دايو مش عارف منصور شيفروليه نظامه ايه؟

ونصيحة من اخ لما تكمل بالعربية 10.000 كم سيبك من الوكيل دة وخليك مع صنايعية كويسين برة لان التوكيل عندنا هنا عبارة عن بلاعة فلوس بلا اى فرق عن اللى برة. ولذلك ان باقول خليك لحد 10.000 على ماتطمن ان السيارة مافيهاش عيوب صناعة وبعد كدة نفض لهم. وبردة خد راى باقى الزملاء.

**eng_oss** · 08-12-2009 02:08 PM

أنا مركب واحد أول ماشتريت العربية زيرو دايو 2007 وزى ماقال الزميل توكيل ابو غالى ماقالش حاجة

**wael_dosoky** · 08-12-2009 02:38 PM

المشاركة الأصلية كتبت بواسطة eng_oss

أنا مركب واحد أول ماشتريت العربية زيرو دايو 2007 وزى ماقال الزميل توكيل ابو غالى ماقالش حاجة

فين اخونا إلي اشتروا او اتعاملوا مع توكيل منصور
مستني ردودكم

**sandras** · 08-12-2009 11:05 PM

أنا سألت فى التوكيل اللى فى المهندسين قالوا إنى أعمله عند كلاريون فى أحمد عرابى لأنه معتمد لديهم .

**wael_dosoky** · 09-12-2009 03:48 PM

المشاركة الأصلية كتبت بواسطة sandras

أنا سألت فى التوكيل اللى فى المهندسين قالوا إنى أعمله عند كلاريون فى أحمد عرابى لأنه معتمد لديهم .

اولاً اشكرك علي الرد ، ثانياً هو انت شاري من منصور ولا من غالي وبعدين مين هو التوكبل إلي في المهندسين ده
وعرفت توصل لعنوان او تليفون لا كلاريون احمد عرابي او سعر ولا ما وصلتش
الجماعة بتوع سبير كار بيركبوه بسعر متوسط يبدأ من 220 جنيه

**samcar** · 09-12-2009 04:23 PM

المشاركة الأصلية كتبت بواسطة wahm

فين اخونا إلي اشتروا او اتعاملوا مع توكيل منصور
مستني ردودكم

انا كل واحد اتعامل مع التوكيل ده لعن وشتم فيه- هم ايه حكايتهم دول؟؟؟

**sandras** · 09-12-2009 09:49 PM

التوكيل ورا سور نادى الزمالك قالوا لى أن كلاريون معتمد لديهم ورحت ركبت عندهم إنذار سيمفونى ب 225 جنيه عبارة عن ريموت عادى + ريموت مفتاح وأخذت شهادة ضمان 3 سنوات
وعنوان كلاريون 3 ب شارع أحمد عرابى - المهندسين
ت : 33051895 - 33051809

**wael_dosoky** · 10-12-2009 01:34 AM

المشاركة الأصلية كتبت بواسطة sandras

التوكيل ورا سور نادى الزمالك قالوا لى أن كلاريون معتمد لديهم ورحت ركبت عندهم إنذار سيمفونى ب 225 جنيه عبارة عن ريموت عادى + ريموت مفتاح وأخذت شهادة ضمان 3 سنوات
وعنوان كلاريون 3 ب شارع أحمد عرابى - المهندسين
ت : 33051895 - 33051809

مشكور كتير علي الرد بس ايه الفرق بين الريموت العادي وريموت مفتاح وبعدين دول متوصلين علي السنتر؟ وياتري برضجك بيخلي الشنطة تفتح من الريموت ؟؟
السؤال الثاني هو التوكيل إلي ورا سور نادي الزمالك أسمه ايه بالظبط ياعني منصور شيفورليه ولا شركة معتمدة عنده وياريت لو فيه عندك رقم تليفون ليهم.
معلهش هو انت عملت صيانة 5000 كيلو ولا ركبت السنتر قبل كده

**sandras** · 10-12-2009 07:08 PM

الريموت العادى المفاتيح الخاصة بالتشغيل فى ميداليه ، والريموت المفتاح عبارة عن مفتاح السيارة وبه أزرار التشغيل - والإنذار تم توصيله بسنتر السيارة وهو مجهز لفتح الشنطه من الريموت بس مع تركيب إربه بمبلغ 75 جنيه
والتوكيل اللى ورا سور نادى الزمالك هو توكيل منصور شيفروليه
وأنا رحت التوكيل لأستلام الضمان وكتالوج السيارة وأنا إستلمتها من 1 أيام ( شيفروليه لانوس موديل 2010 )
مع تحياتى