أنا يا جماعة عندي صيانة ال 5000 الأسبوع اللي جاي إن شاء الله, فا عايز من حضراتكم أعرف لو ممكن ما يلي,
- أجيب فلتر من بره التوكيل و لا أخد بتاعهم و خلاص, رغم إن هو هو بتاع الانسر مع فرق السعر طبعا؟ و لو هاجيب من بره أجيب منين و بكام؟ بتاع اللانسر هاتلاقيه ب 45 جنيه ..... و بتاع الجين 2 عند التوكيل ثمنه 55 ..... يعني الفرق مش كبير و مش عارف هما بيقبلوا قطع غيار من برة و لا لاءة بصراحة
- أغير توتال 5000عندهم و لا فيه حاجة تانية أحسن؟ و الله أنا جربت توتال قبل كدا و هو زيت كويس خليك مع توتال على الأقل لغاية ما تخلص صيانة 10 الاف إن شاء الله .
- تكلفة الصيانة كام في التوكيل و هي عبارة عن إيه؟ الدكتور عماد مشكورا أرفق الرابط .
- أعمل الصيانة في الصحراوي و لا ممكن تبقي في العجوزة و خصوصا إن اللي ماسك العجوزة دلوقتي هو م/ أحمد مرزوق وده راجل محترم جدا, مع الإعتبار إني عندي شوية حاجات مهيسة كده زي الريفرس سينسور و الخبطة اللي إياها بتاعت علبة الدريكسيون. حساس الرجوع للخلف فيه أيه ؟؟؟؟ و بالنسبة لخبطة الدريسكيون دي ملهاش حل علشان دي مش عيب ..... حضرتك لازم تتعود على مدى الدريسكيون و تعرف أمتى تظبها علشان الصوت اللي بيطلع ..... و الصوت ده موجود في كل العربيات بأختلافه ( أنا قلت على أساس صوت مجال زاوية الدريسكيون ) إنما لو صوت خبطة مع المطبات أو حاجة كدا ... طبعا لازم تكشف عليه .و أعتقد أن أنت لو قريب من العجوزة ..... أقربلك و أحسنلك و توفير في الوقت لك. كلمهم في التليفون و أسألهم و شوف أن كان الموضوع ده ممكن يتعمل عندهم و لا لاءة الأول . و بالتوفيق
أرجو الإفادة من الأخوة الأعزاء أعضاء الوحش بروتون.
م/ تامر حافظ