شركة مصرية جزائرية للتنقيب عن البترول!!

**I.S.L.A.M** · 08-12-2009 05:24 PM

انهاردة الصبح يا حضرات وان بفتح جريدة الاهرام لقيت فى اول صفحة وانا لسة مفوقتش عنوان خبر بيقول انه تم الاتفاق بين مصر والجزائر على انشاء شركة مشتركة للتنقيب عن البترول والغاز فى البلدين وبعض دول المنطقة طبعا حسيت بزهول ودخلت على ص 25 حسيت بالقلم الى نازل على وشى طخ والله بقيت مش مصدق عنايا وانا شايف صورة وزير البترول المصرى والجزائرى وهما جنب بعض ويبتسمو قلت هى دى اخرتها ياحكومة كده تضيعى حقنا عشان حبة جاز فى الارض يعنى خلاص موضوع السودان مات وحق المصريين بخ والاخ الشقيق شكيب (الوزير بتاعهم) بياكد على عمق العلاقات وان الكثير من الشركات الجزائرية سوف تقوم بالاستثمار فى مصر فى عدة مجالات مستقبلا بس الراجل والله عدا العيب وقزح والصراحة الراجل نسى يتكلم عن المصريين الى هناك هيرجعو امتة بالضبط بعد الكريسماس ولا قبلة عشان خاطر بس يلحقو حفلة منير فى الاوبرا والف اااااااااااه عليكى يابلد .

**I.S.L.A.M** · 09-12-2009 07:04 PM

ياه كل المشاهدات دى ومفيش ولا تعليق يبقى الحكومة حقها تعمل اكتر من كده

**TaoTao** · 09-12-2009 10:44 PM

أنا شفت الخبر الصراحة ولفت نظري بس حسيت إحساس مختلف .. وده اللي خلاني ماعلقش ع الموضوع، بس مافيش مانع نتشارك في الأفكار يمكن أنا غلطان ..
أنا حاسس إننا (شعب مصري وجزائري على حد سواء) اتلعب بينا كورة هات وخد لصالح لعبة سياسية - اقتصادية كبيرة، السناريو اللي في دماغي إن إحدى الحكومتين (مش قادر احدد مين بس غالباً المستفيدة من المشروع المذكور) سخنت الشعبين بالتصريحات الطائشة كما رأينا مما أدى لهذه الحوادث المؤسفة ثم ابتزت الحكومة الأخرى لتمرير هذا المشروع الضخم (قيمته 14 مليار دولار على ما افتكر). يعني لو الجزائر هي المستفيدة يبقى هي اللي خططت واستغلت شعبها لتحقيق هدفها ، ولو مصر هي المستفيدة (وده الأرجح) يبقى التسخين والتصعيد وكل اللي حصل كان هدفه الابتزاز لتمرير المشروع. الحكام بيلعبوا بالشعوب من أجل مصالحهم.

على جنب .. أول حاجة جات على بالي لما قرأت الخبر حكاية الطلبة المصريين اللي اتقبض عليهم في صحراء النقب الإسرائيلية (حد لعب في دماغهم وفهمهم إنهم رايحين يجاهدوا لتحرير فلسطين) واتحاكموا كإرهابيين وبعد "اتصالات سياسية ودبلوماسية على أعلى مستوى" تم الإفراج عن الطلبة وعمت الأفراح البيوت المصرية وهووووووووووووووووب خد عندك: الإفراج عن الجاسوس الإسرائيلي عزام عزام، وتمرير اتفاقية الكويز في وقت واحد زي مايكون صفقة أو مقابل. يعني حكاية الطلبة كانت مناورة من إحدى الحكومتين للضغط على الأخرى لتحقيق مكسبها !!

إيه رأيكم دام فضلكم؟

**Michael_Lanos** · 09-12-2009 10:55 PM

يا عم السياسه والفلوس ملهاش دعوه بالكوره اللى تعبت الناس

**I.S.L.A.M** · 09-12-2009 11:02 PM

والله ياباشا عندك حق فى موضع مؤامرة اقتصادية ده لان من فترة مش كبيرة حوالى كام شهر كده كان فى موضوع ما اتكتبش عنو كتير فى الجرائد عن محوالات وضغوط كبيرة فى الجزائر لافساد عمل شركة اعمار فى الجزائر بعد ما حصلت على عقود ومزادات للعمل فى مشاريع ضخمة واستثمارات رهيبة للعمل على الاراضى الجزائرية من عدة سنوات وبعد ما الشركة اشتغلت ابتديت النخورة وراها وتكسير عظامها على ايد كبار رجال الاعمال والسياسين والحلوين وبعض الرجالة السيس من اهل البلد نفسها وده كان لصالح شركات مقوالات اوربية كبيرة الظاهر كده ان الفساد للركب فى اغلب الدول العربية وربنا يستر عليكى يامصر والفاتحة على روح الغلابة .

**Lord_Fouad** · 09-12-2009 11:12 PM

يعني الموضوع مش هيبقى اسوأ من تصدير الغاز لاسرائيل
و لا موضوع الشركات الاسرائيلية اللي بتنقب عن البترول في مصر دلوقتي
نواب ينددون بمنح شركات إسرائيلية حق التنقيب عن النفط في مصر بعلم من الحكومة

يا جماعة اهم حاجة العمولات اللي داخلة جيوب البهوات
امال يعني يدفعوا اقساط الفيلل اللي في مارينا و جولف القطامية منين ؟؟
و لا انتم بقى عايزينهم يرجعوا للحرام

و على فكرة انا مش ضد التعاون مع الجزائر ابدا
و لكن انا مستني اعتذار رسمي فقط و تعويض لاموال المصريين اللي اتنهبت

**badblood** · 10-12-2009 03:09 AM

ليه هو انت كنت فاكر ان حد كان هيعمل حاجة

**lonedoctor** · 10-12-2009 08:39 AM

انا شايف انه التصعيد كان وراءه اسباب خفية ومتعددة وليس هدف واحد
1)موضوع الضريبة العقارية ونهاية المدة لتقديم الاقرارات والخوف من ثورة شعبية
2)موضوع شوبير والسيديهات اياها وبدل ما كان هيتسجن الناس نسيت الموضوع
3)قضية التوريث وتلميع لبعض الشخصيات وكسب تعاطف الجماهير
4)التغطية على فضيحة هزيمة المنتخب والتعتيم على الاسباب الحقيقية مثل ضعف المستوى وانتهاء حسن شحاتة كمدرب واللاعبين الذين لعبوا وهم مصابين وفضيحة ذهاب الحبايب من الفنانين والفنانات على حساب المعلم للسودان وترك المشجعيين الحقيقيين من ابناء الشعب المساكين
5)وانا رايى ان الفضيحة الكبرى هى الحكومة الفاشلة التى شاخت وهرمت واكل عليها الدهر وشرب والتى فشلت فى ادارة ازمة بسيطة لا تتعدى مباراة كرة قدم فما بالكم لو لاقدر الله تعرضنا لأزمة بحق وحقيق فماذا سيكون العمل؟
للاسف الاستخفاف بالشعب وصل لمرحلة خطيرة والعجيب انه مختلط بسذاجة من يمارسة ولكن ابناء مصر النابهين لم ولن يخدعوا بمثل هذه السفاهات ولكى الله مصر يا ام الدنيا والله بحبك بالرغم من كل ذلك.

**adel1414** · 10-12-2009 11:57 AM

المشاركة الأصلية كتبت بواسطة lonedoctor

انا شايف انه التصعيد كان وراءه اسباب خفية ومتعددة وليس هدف واحد
1)موضوع الضريبة العقارية ونهاية المدة لتقديم الاقرارات والخوف من ثورة شعبية
2)موضوع شوبير والسيديهات اياها وبدل ما كان هيتسجن الناس نسيت الموضوع
3)قضية التوريث وتلميع لبعض الشخصيات وكسب تعاطف الجماهير
4)التغطية على فضيحة هزيمة المنتخب والتعتيم على الاسباب الحقيقية مثل ضعف المستوى وانتهاء حسن شحاتة كمدرب واللاعبين الذين لعبوا وهم مصابين وفضيحة ذهاب الحبايب من الفنانين والفنانات على حساب المعلم للسودان وترك المشجعيين الحقيقيين من ابناء الشعب المساكين
5)وانا رايى ان الفضيحة الكبرى هى الحكومة الفاشلة التى شاخت وهرمت واكل عليها الدهر وشرب والتى فشلت فى ادارة ازمة بسيطة لا تتعدى مباراة كرة قدم فما بالكم لو لاقدر الله تعرضنا لأزمة بحق وحقيق فماذا سيكون العمل؟
للاسف الاستخفاف بالشعب وصل لمرحلة خطيرة والعجيب انه مختلط بسذاجة من يمارسة ولكن ابناء مصر النابهين لم ولن يخدعوا بمثل هذه السفاهات ولكى الله مصر يا ام الدنيا والله بحبك بالرغم من كل ذلك.