بص ياباشا
انا كان معايا الاوتوماتيك وغيرت التيل بعد 40 الف وانا سواقتي سريعه فبضغط فرامل مفاجأه كتير. فالمانيوال اكيد هيقعد اكتر.
برضه للاسف انا ماسمعتش اي صفاره او انخفاض في كفاءة الفرامل الا لما التيل خلص فعلا وبقى حديد على الطنابير ورحت التوكيل قالولي الطنابير لازم تتغير.
المهم انا مكنتش مشيت بيها كتير والتيل خلصان فحسيت ان الطنابير مش متدمره وانهم بيعملوا شغل. ففضت ليهم وماغيرتش الطنابير وغيرت التيل بس والحمد لله العربيه مشيت كويس وماكنش فيها مشكله.
خلاصة الكلام ان مافيش حاجه تنبهك ان الفرامل قربت تخلص ونصيحه لوجه الله روح شوفها ان شالله حتى عند ميكانيكي يشوف فاضل قد ايه في التيل عشان مايخلصش وتلاقي نفسك هتغير طنابير. ولو التيل فاضل فيه حاجه بسيطه غيره اضمن.
سعر الطنابير 1500 جنيه
سعر التيل 400 جنيه و 50 تركيب في التوكيل طبعا
المفضلات