استاذ TeMoON ربنا يوفقك فى اختيار سياره احسن منها و لو نويت تلغى الحجز انا ممكن اخد دورك لو انت حاجز قبل 1/11 لانى حاجز فى التاريخ ده
ممكن تبعتلى تليفونك على الخاص و انا تليفونى 0101108124 لو حبيت تتكلم
عرض للطباعة
يا سلام على كلام حضرتك و الله فىالجون و هو ده المفيد و المنتدى بالظبط هو نبض الشارع عن كل انواع العربيات انما تعالى نبص لشوية حاجات بمناسبة اللى عملته حضرتك و بعت لكيا كوريا و رد عليك مسئول كبير فى كيا مصر و كده
اولا عن شركة كيا كوريا و ردود افعالهم طب ماهما سابوا الوكيل السابق و كان بيسرق من العربيات اللى داخلة صيانة سنيييييييين و فيييييييييييييييين لما اتحركوا و خلعوا الوكيل و الحكاية دى معروفة و ثابتة و اسال اصحاب الموديلات القديمة من كيا
ثانيا شركة كيا كوريا عملت ايه للوكيل الحالى اللى بيلعب بالناس بموضوع الاوفر برايز و مقدرتش تجبر الوكيل على انهاء النقطة دى بل انها بتزيد و الاوفر برايز بيزيد يوم بعد يوم
ثالثا كل اللى عملته الشركة و من غير ماتبص قوى على الكلام قامت باعتة لوكيل كيا مصر و هو يعنى الوكيل هو اللى عامل تصميم للعربية طب ماتردوا انتوا و تقولولنا عيوب التصميم دى ايه و حد مهندس من المهندسين بتوع كيا يفسرلنا
رابعا ما هو المنتظر من مسئول مبيعات فى اى وكيل لاى عربية فى مصر لما يجى حد يقوله ده عربياتكوا فيها عيوب تصميم و فيها و فيها هل يقول اه سورى ده عربياتنا زبالة و الا لازم يدافع طبعا و ده عربياتنا زى الفل لا طب بص المبيعات قد ايه على مستوى العالم طب ماشى ماهو كله بيبيع انما ماهو مدى تفوق كيا على باقى الماركات؟؟ هل التفوق فى الخليج يعنى لما بتيجى تنزل الامارات او السعودية او الكويت بتلاقى كله راكب كيا؟؟؟ طب هل التفوق فى اوربا يعنى لو رحت فرنسا او رومانيا او البرتغال هتلاقى الناس ضاربة كيا؟؟ و فى امريكا هيسيبوا الامريكانى و يركبوا كيا؟؟ و فى شرق اسيا هيسبوا اليابانى و يركبوا كيا؟؟ و حتى فى مصر قبل زمن السيراتو على حبايبنا فى المنتدى كان ماهو انتشار عربيات كيا بنسبة كام فى المية يعنى؟؟ ثم حكاية الخمس سنين ضمان هو فعلا المفروض لما وكيل يحط خمس سنين ضمان على عربية يبقى لازم انه مالى ايده منها فنيا قوى تمام بس تعالى عمليا زى الاخ مابيقول هو في توكيل اصلا فى مصر مهما كان مدى ضمان لعربية بتروح تقوله ده العربية دى فيها عيوب تصنيع و فى كتير من الحالات بيكون العيب واضح وضوح الشمس و الوكيل لازم يقعد يقولك لا ده عادى او ده عيب استخدام او او و يقعد يجادل و فييييين لو غير حاجة على حسابه لدرجة اننا بنضطر نبعت للشركات الام كتير جدا لان الوكيل مش راضى يعوضنا عن عيب التصنيع ده
خامسا: مواضيع سخونة الكونسول و نشوفية العفشة و الحدفة شمال و ده اعترف بيه كذا مالك للعربية و ده كلامهم مش كلامى الاستاذ المدير اللى كلم حضرتك يا ترى هيعملهم ايه فى المواضيع دى ؟؟ هيديهم عربية تانية و الا هيصلح العيوب دى و الا هيقولوهم ده بيتهيالكوااااا؟؟؟
الف حمد لله على السلامة يا باشمهندس و يارب دائما سالم
انا بس ليا كام استفسار على النقاط اللى حضرتك اثرتها
و عشان نكون محددين
ايه علاقة المقص اللى انكسر و خامته الرديئة بوجود ال esp فى الفرامل
و يا ريت نكون اكثر تحديدا " هل العفشة كلها رديئة ولا الجنط ال 17 هو اللى تقيل على العفشة.....بمعنى ان لو كدة يبقى ال ex مافيهاش مشاكل لانها تعتمد على جنط 16
FINAL VERDICT
At under $50,000 in SX trim, the Forte represents tremendous value-for-money for what it can offer. It offers more equipment and features than any of its competitors out there. The engine offers sufficient performance while there’s an European like feel to the way it rides. Other than the lifeless steering and the slightly hard materials in the cabin, there is hardly anything we can nitpick in the Forte. The competition ought to be very worried with the brilliance of Kia’s new offering.
و فيه سؤال اخر...هو حضرتك ازاى طرت من البربريز و الازاز اللى قدامك موجود
تعليقا على كلام العضو الفاضل واحقاقا للحق اعتقد ان كلامك مجحف للغاية فى حق المنتدى
فهذا المنتدى الذى افادنى وافاد الاف الاعضاء والذى شارك فيه معظم الاعضاء بخبراتهم
وتجاربهم التى افادت الكثير من الناس - ازاى اصبح غير مفيد - واذا كانت بعض الموضوعات
تدخل فى اطار جدلى فدى طبيعة المنتديات عموما لتباين وجهات نظر الاعضاء وفى النهاية بتتبقى
وجهات النظر المنطقية والمبنية على الحقائق وليس الظنون وتذهب الموضيع الجدلية بدون قيمة
فى اطار المشاركات المنسية - حقيقى تحية للمنتدى واعضاءه الاعزاء على قلبى
عشان نكون اكثر حيادية لازم كل ملاك السيراتو يتجمعوا فى موضوع واحد...و كل واحد يقول عمل كام الف كيلو و ايه المشاكل اللى قابلته ...عشان نعمل زى احصاء للمشاكل... و نعمل للكلام دة update كل اسبوع و نشوف نسبة الحوادث اللى حصلت و نشوف اذا كانت فى ال range المسموح بيه ولا فيه حاجة غريبة لاتخاذ action
و يا ريت حد من توكيل كيا يرد على الحاجات و التساؤلات دى بالبراهين و الصور و التحليل
عشان مانفضلش لايصين كدة
اشكرك على موضوعك الجامد قوى ده .. بس ياريت ماتقولش انك مش عاوز تدخل المنتدى تانى لان انت كده هاتدى فرصة للناس اللى بتروج اشاعات على العربية والناس اللى بتتكلم من غير ضمير انها تتكلم كلام كتير ملوش لازمة ..
تحياتى لملااك النيو سيراتو .. انا مش منهم على فكرة
شكرا لردك يا باشمهندس غازى و حقيقى انا مستمتع بالحوار معاك
بس فيه شوية نقط
انت قلت قبل كدة ان خامات العفشة رديئة ...دة كلامك...و دلوقتى قلت لا دة الجنط 17 العفشة مش مستحملاه...اذا فيه خلط للكلام و احنا مش عارفين الخطأ فين..اذا كان فى رداءة العفشة عموما ام فى وجود الجنط ال 17..غير كده قلت ان ال ex محتاجة للesp و انه نازل كاختيار اساسى للex زى ما فى الريفيو فى حين ان الريفيو بيقول انه اختيار اساسى لل sx ....فيه نقطة اخرى ان انا فليت المنتدى و سألت كل الناس ماحدش قال ان المساعديين بيزيقوا قبل الخمس تلاف و لا المقص انكسر قبل العشر تلاف غيرك...و انت بتقول ان واحد صاحبك حصله الموضوع دة بعد 32 يوم بالظبط....اذا من المحتمل جدا انها تكون حالات فردية...لان العربية ماشية فى العالم كله مصر و الخليج و غيره و بتاخد نقر و مطبات بالهبل و فيه ناس قفلت بيها العشرين الف و محصلش حاجة...اذا احنا محتاجين التقرير بتاع الحادثة بتاعتك لو تكرمت عشان نتأكد اكتر...و اكيد ان شاء الله هنخلُص لنتيجة...مين عالم مش يمكن يكون كلامك صح و يصبح تركيب esp للعربية منقذ لارواح ناس كتير بأذن الله
و شكرا ليك يا هندسة
مفيش اي مشكلة و المنتدى هدفه تبادل الاراء و الاستفاده... و الكل بجد في المنتدى عايز يفيد و يستفيد بكل احترام
اولا: هو مفيش خلط ولا حاجه بس انت بتفهم كلامي بشكل متلخبط شوية و هحاول ابسطلك الامور اكتر
1- خامات العفشه رديئه و اللي كشف ده الجنط الـ17" (عشان العفشه مش مستحملاه)... متفقين كده
2- انا قلت ان الesp تجهيز اساسي في موديل الـ sx مش الex ( و ده حسب الكلام في الريفيو, يعني انا بترجم مش اكتر) و ارجع لمشاركتي و اتأكد, بس قلت وجهة نظر و هي ان الاتزان و الثبات على السرعات العالية و مع الجنط الـ16" هيكون ضعيف, و هنا هنكون محتاجين للـesp...
3- مش لازم كل الناس المساعدين تزيق عندها (دي كانت عندي انا) ممكن تحصل تاني و ممكن لأ, لكن موضوع المقص حصل بالفعل, الحدفه الشمال موجوده بالجمله, عدم جودة التصنيع موجوده بس هنسييب الناس تكتشفها بعد فتره من الاستخدام (بس يا رب يكون من غير حوادث ابداا والله) و على فكره انا حسيت بيه من قبل ما اعمل الحادث لأن بركب عربيتي و عربيات تانية و مش هقول المرسيدس او اللانسر, بس هقول بركب سيراتو 2005 (مش هنروح بعيد) و الفرق واضح لصالح السيراتو الشكل القديم...
4- انا بالفعل اشتكيت من الحدفة الشمال في التوكيل مرتين (قبل الألف كيلو و عند صيانة الألف) و في المره الأولى قاللي فعلا العربية فيها حدفة شمال بس الجهاز عطلان بتاع ظبط الزرايا, ممكن تيجي في اي وقت و هنعملهالك بدون تكاليف..
روحت اعمل صيانة الألف و كررت شكوتي و فكرته, قاللي حاضر هنكشف عليها و الجهاز شغال, و انا باستلم العربية قاللي العربية ما فيهاش حدفة ده كان الكوتش مش مظبوط كضغط هواء و معملناش ظبط زوايا, دي زي الفل..!!!!! خدت العربية و جربتها و انا راجع لقيتها لسة بتحدف برده... قلت يمكن انا بيتهيألي... خدتها في شارع الهرم بالليل و جربتها بعد كام بوم لاقيت حدفة و واضحة جداا...
اما تقرير الحادثة, انا طلبت و على حسابي ايا كانت التكاليف تقرير مفصل و سبب الحادث بشكل منطقي من التوكيل... قيللي اسف مقدرش اعمل كده..!!!! ليه يا سيدي؟؟؟ قاللي احنا بنعمل تقرير بالتلفيات و تكاليف تصليحها بس.. لكن سبب الحادث لأ, مينفعش..!!!! و هجيب تقرير التلفيات بردو و هحاول ارفعهولكوا و هشوف التقارير القديمة اللي كنت بشتكي فيها من اللي في العربية و بردو هرفعهالكوا...