أنا امتلك عربية النترا 2008 من سنة و 4 شهور و العربية رائعة كموتور و سحب و الحمد لله
حتي البور انا اتعودت علية و حاسس انه مريح جدا
مشكلتي ان العربية واطية جدا من الخلف ووطيت عن مثيلتها الجديدة 3سم اما عند تحميل شخص او اتنين علي الكنبة بحس ان العربية بتسحف و بتحك في كل المطبات
انا رحت توكيل غبور و وعدوني يغيروا السوست في الصيانة القادمة علشان الوقت كان متأخر
بس لم يفدني أحد هل تصميم السوست الجديدة اتحسن ( قوة - ابعاد ) انا رأيي ان لازم نرفع الموضوع ده لهيونداي كوريا نفسها حتي نستطيع ايجاد الحل الامثل بدون التأثير علي ثبات العربية
و هل لو ركبت جنوط تساعد في حل المشكلة؟
كمان سألت علي تركيب abs و قالولي في التوكيل صعب جدا لأنك لازم تغير الضفيرة كلها مع أشياء أخري انا شايف ان قوة موتور العربية يلزمله abs
انا عارف ان محبي هيونداي بيزعلوا من الكلام ده بس انا كمان بحب السيارة ده و لازم نعترف بنقط الضعف علشان نقدر نلاقي ليها حل