اقتباس المشاركة الأصلية كتبت بواسطة islamislam مشاهدة المشاركة
شوفى يارنا بمواصفاتك دى وسعرك المطلوب فيها احسن حاجة تجيبى نوكيا3310 استعمل خفيف يعنى7 او 8 سنين مش اكتر .
بتهزر؟
3310 ؟
على فكرة انا اول موبايل جبته في حياتي كان 3330 كمان ايام ماكان لسة طالع جديد وكان وقتها اللي معاه اريكسون 688 (فردة الشبشب) ماشي يقول ياأرض اتهدي ماعليكي قدي
والموبايل الحالي اللي معايا جبته برده اول ماطلع وكنت جايباه من بره وبـ 2000 جنيه وكان سعره هنا في مصر 2500 او اكتر وقتها واللي قبله كنت جايباه بـ 1800 جنيه واتسرق بعدها ب 5 شهور ، اينعم عرفت اوصل للي اشتراه من اللي سرقه بالواسطة (مقدم مباحث) لكن في الاخر دفعلي 800 جنيه عشان اتنازل عن المحضروصعب عليا وقبلت .

يعني انا مش مشكلتي اني ادفع 2000 ولا 3000 في موبايل انا محتاجاه
بس بصراحة انا زهقت من الموبايلات الغالية دي وحرام اني ادفع فيه مبلغ زي ده ويتسرق مثلا ولا بعدها بكام شهر اجي ابيعه الاقيه ميجيبش غير 200 او 300 جنيه ولا يبوظ زي موبايلي الحالي .
وبعدين متحبطونيش بقي مافي ناس اقترحت موبايل مواصفاتة متقاربة وفي رينج السعر اللي أنا قلته يعني مطلعتش بحلم اوي يعني .