الموضوع: فتيس اللوجان

المشاركة الأصلية كتبت بواسطة engziada

• الفتيس عندي فيه هزة بس بسيطة جدا .. مش زي الـ 128 مثلا.
• أنا ركبت فيرنا على طريق سفر من إسماعيلية لحد المطار بس بصراحة كل اللي أخدت بالي منه إنها كانت بتعوم جامد أوي .
• أنا معايا مو2010 و جوز أختي معاه مو2010 و من مكانين مختلفين و إحنا اللي إتنين الكاسيت بتاعنا أوديو بس.

• أنا حسبتها قبل كده كذا مرة .. 3.5 rpm بيعمل 135 ك/س , و الـ 120 ك/س على 3 rpm.
• الكلام ده سليم.
• الصوت مكتوم جدا من جوه حتى و إنت فاتح الإزاز .. ماعدا في حالتين

1. لو لسه العربية بتسخن الصبح.
2. لو فاتح التكييف بعد الدرجة التانية.

• الفرامل الحمد لله حاسس إنها كويسة جدا (ممتازة) و لحقت بيها نفسي مرتين.
• الباور ماقارنتوش بالكوري بس قارنته باللانسر و هو هو حتى صاحب اللانسر قالي نفس الكلام.

• هو ده الكلام المظبوط ... الإهتزازة اللي في دواسات ديه بجد رخمة و (بتنملي) رجلي.

هوة حضرتك عربيتك mcv ولا العادية ؟؟

المشاركة الأصلية كتبت بواسطة elsherif_2000

يا جماعه كان عندي شوية استفسارات:

• هزة الفتيس في اللوجان هل ليها حل او علاج في التوكيل ولا لا؟؟؟؟
• هل حد حاسس بفرق ان الموتور كامة واحدة و8 صباب مش 2 كامة و 16 صباب عايز حد يكون جرب الموتورين ويقولنا؟؟؟؟؟
• هل موديل 2010 بقى ينزل في كله كاسيت mp3????

. هزة بسيطة جدا جدا جدا ومش فارقة فى اى حاجة وانا مبعتبرهاش مشكلة اصلا ولا محتاجة علاج ياريت حضرتك تشوف اى عربية لوجان وتحكم على الهزة بنفسك

. انا مجربتش ال موتور ال 16 صباب بتاع اللوجان بس عمتا موتور اللوجان تجميعه مرضى جداا

. لأ مش شرط ممكن يكون اوديو عادى انتة وحظك

المشاركة الأصلية كتبت بواسطة elsherif_2000

• سرعة 120 علي الخامس بتعمل كام rpm??
• حد كان كاتب او موتور اللوجان هو موتور ميجان القديم ياريت مصدر المعلومة دي من الانترنت و ياريت الينك؟؟
• صوت الموتور والعربية دايرة علي السلانسية اعلي و لا صوت موتور الفيرنا او موتور الافيو؟؟؟
• هل فرامل العربية زي العربيات الكوري ولا اقل او اجود
• الباور بتاع العربية هل فعلا تقيل؟؟ وياريت مقارنة مع اي باور عربية تانية في نفس رينج السعر

سرعة 120 حوالى 3 ونص ار بى ام بس مش متأكد قوى 120 ولا 125 اللى 3 ونص

سرعة 109 = 3 ار بى ام

الفرامل كويسة اعتقد اجود من الكورى بكتير

الباور تقيل شوية ( لو هتقارنة بلانوس او فيرنا ) بس فرق مش كبير قوى يعنى بسيط بس

المشاركة الأصلية كتبت بواسطة kojyad

ازاي بس ياجماعة السرعات ؟؟؟ امال انا ليه معايا الخامس على 3 rpm بكون لسة على 100 والله , والرابع على 3 rpm بكون يادوب 80 !!! ليه الفرق ده ؟؟؟؟
انا خلصت تليين وعامل 1200 كيلو تقريبا , هل ده بيفرق ؟؟؟
يعني المفرود استنى شوية ؟ ولا كدة المفروض خلاص تجيب افضل اداء ليها ؟؟
بجد ياريت حد يرد عليا

انا العربية عندى ال ار بى ام من وهيا عاملة 13 كيلو لغاية 6400 كيلو 3 ار بى ام = 109 كيلو وعلى اى سرعة الأر بى ام متغيرش يعنى هوة هوة عدد الكيلومترات مفرقش فى اى حاجة

من رأيى انك تستنى شوية
وتحاول تمشى بالعربية على rpm عالى شوية
يعنى لو بتنقل الغيار على 3.5 خليها 4.5 مثلا
من الاخر تقرص علي الموتور شوية