--- ركـــــــبت فــــرش جـــــــديد و دى الصـــــــور ---
النهارده روحت لسبير كار أركب الفرش إللى روحت إتفقت عليه الإسبوع الماضى و صراحة كان فرش سبيشيال أوردر يعنى عمولة مش من الموجود و بيتباع علاطول
لما روحتلهم كان معايا 2 حبايبى أوى همه صراحة إللى ساعدونى فى إختيار اللون و بجد طلع اللون تحفة
أول حاجة أحب أشكر حبيبى إسلام شاهين الراجل قابلنى عند سبير كار مرتين مرة فى الإختيار و مرة فى التركيب النهارده و بجد إسلام من الناس الخدومة جدا و جزاه الله كل خير
و الشخص التانى إللى كان معايا فى الإختيار هو كريم منير حبيبى و بجد من غير كريم و إسلام مكنتش هاعرف أختار لوحدى خصوصا إن الفرش و هو مش متلبس بيكون صعب تخيله أوى
بجد شغل سبير كار فى الفرش محترم عجبنى شغلهم و التلبيس فضلوا ورى الفرش لحد ما جسم كويس على الكراسى
مش هاطول عليكم و آدى الصور بس قبل ما تشوفوها و تاخدوا أى إنطباع أنا لون عربيتى مش فضى صافى
أنا لون عربيتى سيلفر ميتالك قالب على سنة سماوى مع إختلاف إسقاط الضوء عليه يعنى لما تبص من بعيد حبة و تتحرك تحس إن فيه سنة زرقان عشان كده الفرش ده لونه هايكون حلو عليه إن شاء الله أوى:
http://mahmoud.elhefnawy.googlepages.com/Side_View.jpg
http://mahmoud.elhefnawy.googlepages.com/front_view.jpg
http://mahmoud.elhefnawy.googlepages...ront_right.jpg
http://mahmoud.elhefnawy.googlepages...ont_right2.jpg
http://mahmoud.elhefnawy.googlepages.com/back.jpg