الموضوع: ارجوا المساعدة في اوبل فيكترا 1999 مميزات و عيوب

وهل موديل 99 الماني ام مصري؟؟

اولا حضرتك لازم توضح 1600 ، 2000 cc
حضرتك انا معايا الفيكترا 99 1600

هى تقفيل مصرى بس تقفيل مش وحش
البنزين بيعمل 9 او 10 كيلو فى اللتر

عيوب السيارة
العربية تقيلة جدا على الموتور بتحس بيه فى طلعت العربية بس ثبات عالى جداجدا
الشاشة الى فى التابلوه وهى تبين التاريخ ودرجة الحرارة مع ركنة العربية فى الشمس بتبوظ
التكييف مش بكفاءة اليابانى طبعا وياخد وقت على ما يبرد العربية

قطع الغيار بالنسبة لعمرها كويسة جدا

مثلا المساعدين الامامى عدد 2 700 ج ، 600ج
الخلفى 600 ج
تيل الفرامل انواع من 80 الى 140 ج
الطنابير الامامية عدد2 حوالى 300 ج
الطنابير الخلفية عدد2 حوالى 350 ج
سير الكاتينة 75 ج بيعمل 60 الف كيلو
سير دينامو 65 ج

طبعا الاسعار ده من خارج التوكيل وده الى انا فاكره

واي خدمه انا تحت امرك

( العربية تقيلة جدا على الموتور بتحس بيه فى طلعت العربية بس ثبات عالى جداجدا )

فعلا ال 1600 سى سى ثقيلة فى الطلعة فقط و لا كن ال 2000 سى سى اوتوماتيك قوية جدا و ممتازة

(الشاشة الى فى التابلوه وهى تبين التاريخ ودرجة الحرارة مع ركنة العربية فى الشمس بتبوظ )
فعلا الشاشة بتبوظ من الحرارة العالية و ايضا من اسبراى التابلوه انا عربيتى عملت كده وكانت الشاشة سوده و نجحت فى اصلاحا بنفسى ( طبعا بعد ما لفيت فى المنتديات الأجنبية على طريق اصلاحها ) و الى عاوز يعرف الطريقة يقولى

(التكييف مش بكفاءة اليابانى طبعا وياخد وقت على ما يبرد العربية )
التكييف كان عندى ثلاجة بمعنى الكلمة المهم الصيانة و نظافة السربنتينة
باختصار الفيكترا عربية محترمة جدا جدا ( ال 2000 سى سى اكثر احتراما ) و احلى موديل فيها 2003 سى دى اكس 0 اثنين كامة )

المشاركة الأصلية كتبت بواسطة hesham2004

(الشاشة الى فى التابلوه وهى تبين التاريخ ودرجة الحرارة مع ركنة العربية فى الشمس بتبوظ )
فعلا الشاشة بتبوظ من الحرارة العالية و ايضا من اسبراى التابلوه انا عربيتى عملت كده وكانت الشاشة سوده و نجحت فى اصلاحا بنفسى ( طبعا بعد ما لفيت فى المنتديات الأجنبية على طريق اصلاحها ) و الى عاوز يعرف الطريقة يقولى

ياريت لو سمحت طريقة تصليح الشاشة

ياريت لو سمحت طريقة تصليح الشاشة , وما هي تلك المواقع

انا ببيع اوبل فيكترا موديل 2000
مانوال 1600 سى سى لون فضى متالك
فابريقه عامله 80,000 كيلو صيانه بالتوكيل
4 زجاج كهرباء بوحدات رفع مع السنتر مرايات كهرباء Abs تكيف
العربية بحاله ممتازه جدا مرفوعه 4 سنوات للبيع
نهائى 75,000
للاسفتسار 0122555242

لم تعد للبيع بصراحه مستخسرها :)

عندك حق! العربية متتعوضش.. مش هتلاقى حاجة بنفس المستوى والسعر :)