كيف تتجنب فقد بياناتك فى حالة تغيير أو سرقة الموبايل؟

**جندى مجند** · 14-05-2007 09:54 PM

كلنا أكيد دلوقت بقينا معتمدين على الموبايل فى تخزين كم كبير جداً من البيانات تشمل مئات بل و آلاف أرقام التليفونات و الرسائل و المواعيد ... و بتقابلنا مشكلة جامدة لو الموبايل لا قدر الله اتسرق ان الزعل مش بيبقى بس على الموبايل نفسه لأ دة كمان كل البيانات دى بتضيع ... أو لو اشترينا موبايل جديد و عايزين ننقل البيانات دى من الموبايل القديم للجديد برضة بتبقى مشكلة و بتاخد وقت و مجهود كبير ... لكن فى حل سهل جداً و مبيتكلفش حاجة لتفادى المشاكل دى ... الحل دة اننا نعمل نسخة احتياطية من البيانات اللى على التليفون باستخدام نظام اسمه SyncML و نحرص على تحديث النسخة دى اسبوعياً بحيث لو جبنا جهاز جديد نقدر نعمل download للبيانات دى كلها فى ثوانى بدون أى مجهود ... فى مواقع كتير بتقدم الخدمة دى مجاناً و اللى أنا اتعاملت معاه منهم الموقع دة:

www.mobical.net

و الخدمة دى بتشتغل على معظم الموبايلات الحديثة و بتتطلب انك تكون مفعل خاصية الواب WAP

**محمد المرسي** · 15-05-2007 12:36 AM

شكراً على المعلومة المفيدة

**Nader** · 15-05-2007 01:20 AM

في كمان برنامج بيعمل نفس الحكاية بتيبعت النمر والنسيجات للكمبيوتر عن طريق البلوتوث او الانفرا -للاسف مش فاكر اسمة-

**hazem_khidr** · 15-05-2007 08:23 AM

انا حاطط كل حاجه علي الكمبيوتر من خلال الكابل و غير كده عندي عاده قديمه اني بكتب كل لاسماء في ورقه و بحطها في المكتب علشان لو السوفت وير ضرب او الموبايل لا قدر الله اتسرق اعرف الاقي الارقام

**جندى مجند** · 15-05-2007 11:52 AM

ممكن تعمل backup للجهاز على الكمبيوتر بتاعك بدون الحاجة للإتصال بالنت ومعظم التليفونات معاها البرنامج الخاص فى الاسطوانة اللى جاية معاها

تمام .. بس دة مبيحلش مشكلة لو حبيت تنقل البيانات كلها بما فيها الـ reminders لتليفون من نوع آخر ... و دى المشكلة اللى قابلتنى لما غيرت من النوكيا 7610 الى imate jamin و كان أسرع حل و اكثرهم فعالية هو استخدام أسلوب الـ syncML من خلال المواقع اللى زى mobical.net