انا عرفت اليوم من احدى المصادر الموثق منها فى شركه المصريه للسيارات ان هناك نقص شديد فى سيارات سبيرانزا a113 فى السوق المصرى وده بيدل على تفوقها والطلب الكبير عليها ولو سمحت اى حد عندوه معلومه بخصوص هذا الموضوع ده يريت يفدنا.....
عرض للطباعة
انا عرفت اليوم من احدى المصادر الموثق منها فى شركه المصريه للسيارات ان هناك نقص شديد فى سيارات سبيرانزا a113 فى السوق المصرى وده بيدل على تفوقها والطلب الكبير عليها ولو سمحت اى حد عندوه معلومه بخصوص هذا الموضوع ده يريت يفدنا.....
مهما كانت كفاءة العربية
ما تصدقش المصرية
ولا تغرك اللى بيدوه هدية
كلام مش معقول
اعمل بحث عن المصرية فى المنتدى وشوف اللى اكتب
صعب يبقى في جملة مفيدة فيها a113 وتفوق مع بعض .... دي عربية عيانة تجيب المرض يا راجل
على فكره الىاما سمعتوه عن العربيه انها فعلا كويسه وامكانيتها كويسه جدا بنسبه لسعرها وفى ناس كتير شكرت فيهه وناس اشتكت منها بس الاكتر شكروا فيها وبعدين مفيش عربيه مفهاش عيوب
بصراحة العربية معايا من 5 شهور و تستاهل ولله انهاردة جايب بيها 140 و على عربية صغيرة و ثبات كان مش بطال بس خفيفة حبتين ..
مبدئيًا صعب حد يعلم عليا في السواقة علشان أنا سواق كويس ...... ولو حد بيعرف يسوق أحسن أنا روحي رياضية .... واطمن ماحدش سواق يشتري عربية زي دي ...وأنا جبت بيها 150 ...بس مش دي الفكرة.....
أنا سقت العربية دي كتير لإن صاحبها لسة جديد في السواقة ...ولما بنكون في مشوار سوا أنا اللي بسوق ..... وسافرت بيها كذا مرة ..... فـأنا عارف العربية كويس ... ولأني مهندس ...فأقدر أحكم على العربية بطريقة علمية ومحايدة ....مش كلام مصاطب بتاع سحبها كويس وجراية والكلام ده ......
والعربية دي سيئة لدرجة إني مبسبش ولا حسيب مناسبة أقول فيها كده إلى لما أقول إنها زبالة ....عارف ليه ...... علشان أنا راجل فاهم و لازم الناس الفاهمة تنصح الناس اللي مش فاهمة .... مسألة مبدأ يا عزيزي
تحياتي الحاره ليك يا صديقي
ذى مانت بتقول انك مهندس و فاهم اكيد انا مش بتكلم من فراغ انا مهندس ميكانيكا ولى خبرة عملية كتير بالعربيات و trucks كمان ... مادام انت اولت انت سواق جامد و بتاع انا كدة فهمتك و مش هتكلم معاك ... الى بيتكلم بس و انا و انا سواق و سواقة رياضى و بتاع كلنا عرفين الناس البوء دى بتطلع ايه و الطريق يحكم ... العربية دى مظلومة عشان اسمها صينى و التوكيل اكتر واحد ظلمها ..... نصحتى ليك انت كدة كدة بعيد عنها فوكك بقى و سيبك من الاسبرنزا خالص و الصين و ماتتكلمش عليها او روح هاتلك واحدة الاول بعدين تعالى اتكلم و سيبك من وهم النصيحة الى انت عايش فيه
تحذير لمخالفة القاعده 13
ممنوع تماما التهجم أو التهكم أو شخصنة الحوار فى المنتدى سواء بالإهانة او السخرية او ايه اساليب مشابهة
مشرف الساحه
انا بقى هتكلم من واقع تجربه شفتها بعيني الاتنين.
شفت حادثه قدام جنينة الفسطاط والحادثه ماكانتش تستاهل بس العربيه كانت معجونه وتحس ان الشاسيه بتاعها ورق ووماتحملش اي صدمه والدركسيون كان بالضبط مكان ضهر الكرسي الامامي وضهر الكرسي طبعا مكسور والعربيه كلها مرحله لورا. وحالة السواق والراكب الامامي كانت لا تسر عدو ولا حبيب . الدركسيون لما دخل لجوه اذى السواق بشكل كبير وكانت الناس شايلاه وهو بينقط دم من كل حته ومش دريان بحاجه وماشفتش الراكب الامامي بس سمعت ناس بتقول ان فيه ميتين.
وللعلم انا خبير حوادث :) مرتين اتقلبت بالعربيه و3 حوادث كبيره اتعوجت فيها شاسيهات واقدر اقول ان كثافة الشاسيه فعلا اقل من اللازم بكتييييييير. وربنا بجد يستر على كل اللى سايقينها واوعوا تجروا بيها.
اخي العزيز :
كويس إن الواحد يلاقي مهندس زميل يتكلم معاه ..... وكمان سواق رياضي ..... الواحد اتشرف واللهِ .
المهم بالنسبة للعربية ...وإنت مهندس وفاهم ... تجمعها مش كويس ...ده حتى في ال manual بتاعها بيقولك 87hp/6000rpm..... و 118nm/3800rpm وده كلام ظريف بس فين , و إنت شفت لما تدوس بنزين ال response بتاع العربية ايه مايتناسبش مع الكلام اللي speranza بتقولوا .....من الآخر أنا ماليش دعوة باللي بتقوله الناس ...أنا لما بسوق العربية بحكم ..... إنت شايف حاجة تانية ....إنت حر ....مبروك عليك ....قبولك العربية دي بالشكل ده والسعر ده مشكلتك ...وقبولي ليها أو رفضي دي مشكلتي .....إنت بتقول مهندس وسواق رياضي وعاجبك ماشي رغم إني شايف إنه ماينفعش .....بس ok..... إنت حر
أما رأيي فده مزاجي ..... وموضوع وهم النصيحة ....فبرغم أن الإسلوب فيه تهكم بس عادي برده.... ردي ببساطة إني كنت في جامعة محترمة وهناك درسولنا كورس اسمه ETHICS of Engineering practice يعني اخلاقيات مهنة الهندسة ... كان بيدرسوا واحد اسمه dr/ شريف عبد العظيم..... الكورس ده الطلبة اللي خدوه طلعوا وعملوا حاجة اسمها جمعية رسالة للاعمال الخيرية ..... فـأنا اتعلمت إن الاخلاق أفعال مش كلام وبس .......وإن النصيحة دي لله ....فـدي مسألة مبدأ ....بس الموضوع مش ذنبك ....للاسف مش كل الجامعة محترمة كفاية في البلد دي
وأظن إن كده موضوع وهم النصيحة حيستمر للاسف ....فـدور على طريقة تعمل بيها بلوك للمشاركة بتاعتي أو متبصش عليها ..... :S_thum1[1]:
تحياتي الحاره ليك يا صديقي من اخوك عدو الSPERANZA
شكرا جدا ياباشا ايوه كده يا اجمعه ياريت بس حد يقولى عزم من اكتر الاسبيرانزا الىعزمها3800/118 ولا الجيلى باندا 5200/11
the A113 could actually be limited in terms of availability due to being one of the competitors in the new taxi program....
remember that the lanos faced the same thing....and you couldnt be able to find a new lanos for some time and it was written in contactcars and they said that it was sold in the black market with 5000 over-price and that was due to it being in the taxi program.....
ماشى يعنى هو ده اللى مزعلك من العربيه
ال response بتاع العربية كان ماله اوصفلنا ايه مايتناسبش مع العربيات التانيه ال 4200 سى سى مثلا ولا مع العربيات ال 6 سلندر اللى ماليه البلد
انت سواق رياضي عايز ايه من عربيه 1300 سى سى اقتصاديه تعمله
انا والله ولا معايا صينى ولا معايا اسبرانز بس مش فاهم ليه الهجوم ده كله على العربيه
ليه الناس متقارنهاش بفئاتها الحقيقه وتشوف العربيه كويسه ولا وحشه
قولى على عربيه افضل منها فى الفئه السعريه دى
يا جماعه حد يجوبنى عزم مين اكتر الجيلى باند الى عزمها 5200/11 ولا الاسبيرانزا الى عزمها 3800/11 ياريت حد يجوبنى
والله العظيم عندك حق انا معيش اسبرانزا انا معايا golf3 بس مقتنع بالاسبرانزا و مش عارف ايه كل الهجوم ده و باسوق a516 & a113 كتييييييير وعيوبها كلها تقفيل و مشاكل بسيطة و بشوف انيل منها فالجولف و الاسبرانزا قطع غيارها رخيصة و ارخص من الكورى و انتشرت اوى و كمان سعرها . و يارب m12 تنزل
مش للدرجة دة لان فى الافضل منها متاخدش على كلام المصرية
مبدئيا : لما تحب تقارن بتقارن الفئة بنفس الفئة .... يعني أنا بقارن بينها وبين العربيات ال 1300 cc ولما تدوس بنزين (لو اعتبرنا في تدريج من 1 ل 10, 1 أول ماتبدأ تدوس we-10 آخر حاجة تقدر تدوسها ) أول درجتين مايحركش العربية ومالهمش لازمة يبقى فيه حاجة مش مظبوطة وده والعربية زيرو,يعني لسة بظبطة المصنع , يبقى في مشكلة ..... الظريف إنه صوت العربية بيعلى جدا عند 3000 لفة ولو نقلت قبل كده العربية تكركر ...يعني على نفس ال scale اللي قلته إن لحد 2 ملوش لازمة ... ولو نقلت قبل 6 العربية تكركر ..... ده مسألة sense علشان كده مش أي حد يحكم فيها ....
ولو عايز list بال عربيات اللي 1300cc قولي وانا اعملك واحدة ...وروح سوق ايواحدة فيهم وبعدين سوق ال A113 وشوف الفرق
طب بلاش ال 1300cc روح قارنها بال i10 أو بلاش لو واحد صاحبك عنده polo حاجة وتسعين بس يكون بيحافظ عليها جربها كده وقل لي رأيك ايه ....وعلى فكرة ال polo دي 1100cc
تحياتي الحارة للجميع
يووه ....اسمع يا سيدي
alto
celario
picanto
i10
verna
atos
spark
logan
lanos
كمان ولا كفاية....وقبل ماتقول مفهمش الكاسيت اللي في ال A113 ...بس قال ابقى ادفع 1000 جنيه زيادة وهاته بعدين .....ماحدش بيشتري عربية علشان فيها كاسيت يا جدعان...
و على فكرة أقل عربية في دول واخدة 2 ونص في ال euroncap مش صفر ....
وكلهم قطع غيرهم رخيصة ...
أي خدمة يا باشا
الله ينور عليك ...الراجل اعتذر والمفروض باقى الاخوة يتبادلوا الاعتذار والموضوع مش مستاهل يا جماعة احنا ناس كبار
وبعدين اللى معاه سبيرانزا ربنا يسعده بيها
واللى معهوش وشايف انها وحشة ممكن يقول رأيه بس بدون تجريح ويراعى مشاعر الناس اللى معاها العربية .
ولو انى شايف ان اصحاب العربية هم اقدر ناس يقدروا يحكموا عليها
((ولولا اختلاف الاذواق لبارت السلع))
استمر يافندم الله يباركلك ويفتح عليك
الدين النصيحه
الدين النصيحه
الدين النصيحه
ماينفعش نسيب النصيحه لانها جزء من الدين
انا معجب باسلوبك المحترم الهادى
انا تعبت من النصايح من زمان خاصة فى قسم الصينى
لانك ممكن كلامك يكون مقبول على اى عربيه فى الدنيا
انما صينى غير قابله للنقد
طب جرب كده قول اى حاجه على ياريس لوجان فيرنا اى حاجه
حاتلاقى ماحدش رد او يكون يرد مناقشه عادى (احباب الصينى حايقوللك شوفت ؟؟ ادى العربيات وبس بتنتقدوا الصينى ) انما انتقد اى حاجه صينى انتظر ما لا يسرك
مره اخرى انت انسان محترم
الدين النصيحه
الدين النصيحه
الدين النصيحه
هذا حديث عظيم رواه مسلم في الصحيح من حديث تميم الداري وله شواهد عند غير مسلم، يقول صلى الله عليه وسلم: ((الدين النصيحة، قلنا: لمن يا رسول الله؟ قال: لله ولكتابه ولرسوله ولأئمة المسلمين وعامتهم)).
فهذا الحديث العظيم يدل على أن الدين هو النصيحة، وذلك يدل على عظم شأنها؛ لأنه جعلها الدين كما قال النبي صلى الله عليه وسلم: ((الحج عرفة))[1]، وهذا الحديث يدل على أن النصيحة هي الدين وهي الإخلاص في الشيء والصدق فيه حتى يؤدى كما أوجب الله، فالدين النصيحة في جميع ما أوجب الله، وفي ترك ما حرم الله، وهذا يعم حق الله وحق الرسول وحق القرآن وحق الأئمة وحق العامة.
والنصيحة كما تقدم هي الإخلاص في الشيء والعناية بها، والحرص على أن يؤدى كاملاً تاماً لا غش فيه ولا خيانة ولا تقصير
يبقى الطبيعى انك تنصح
الغير طبيعى انى اطلب منك ان تتوقف عن ذللك
او انى اتعمد مناقشتك ان بالذات واقلل من قيمة رايك انت بالذات ؟؟ لان غلطت وبتقول كلام
محرم على عربيات مقدسه مثلا لا سمح الله
عارفين كثرة الكلام عن الاسبيرانزا سواء بالايجاب او بالسلب جعل الاسبيرانزا اكيد ظاهره تستحق الاهتمام و الدراسه مثل كل المنتجات الصينيه ولكن الكل يعلم ان الاسيارات الصينيه مشاكلها اكثر من السيارات الاخري التي قطعا يوجد بها العديد من المشاكل فكلها ماكينات من صنع الانسان و لكن مع احترامي لجميع اصحاب الاسبيرانزا او المدافعين عنها فعلا عدد المشاكل و عدد المشتكين من الاسبيرانزا بيتضاعف و ذلك لقلة الجوده و ضعف اداء التوكيل المستغل
ارجوكم ياريت نتعلم نناقش و ننختلف من غير ما نتخانق و انا اول واحد و الله لو الاسبيرانزا 113 دي كانت ب 35000 كنت اول واحد هيركبها فهي تحفه علي هذه القيمه و ستكون عمليه جدا لكن بجد كتير عليها 52000 اوي .
تصدق وتأمن بالله إني ساعات بزهق ...وأقول أنا مالي ...مااللي عايز يلبس يلبس ....أنا واخد ايه من الكلام ده ... غير حرقة الدم وال إحباط لما تلاقي الناس .... بتسمع كلام أي حد ...وال مصيبة إنها تنقلوا للناس اللي حواليها كأنه هو الحقيقة الوحدة في الكون..... وبصراحة الواد اخويا هو اللي بيشيل في الآخر ...ويقولي إنت اللي عليك تنصح وكل واحد حر ...... لانك لو مانصحتيش تبقى متستاهلش العلم اللي ربنا ادهولك .... فـنفسيتي تتحسن وأرجع تاني اناهد في الناس وال ناس تناهدني ... تعرف إن واحد قال لي وش كده مرة خليك في حالك وسيبك من وهم النصحية اللي إنت عايش فيه ده :36_1_34[1]: