السلام عليكم ..
أنا ليا صديق أشتري عربيه نيسان صني بالتقسيط علي 3 سنوات و لكنه بعد 8 شهور زهق من الغربيه و حب يبيعها .. هل في أي طريقه لبيع السياره .. خصوصا و انه عاوز يجيب عربيه أخري
و لكم الشكر
عرض للطباعة
السلام عليكم ..
أنا ليا صديق أشتري عربيه نيسان صني بالتقسيط علي 3 سنوات و لكنه بعد 8 شهور زهق من الغربيه و حب يبيعها .. هل في أي طريقه لبيع السياره .. خصوصا و انه عاوز يجيب عربيه أخري
و لكم الشكر
مش ممكن يبيعها إلا لو سدد الاقساط اللي عليها لان العربية المشترا عن طريق قرض من بنك :
1- عليها تأمين إجباري لصالح البنك , ودة ممكن الطرف الشاري ميرضاش بية.
2- عليها حظر بيع في المرور , يعني الشاري مش ممكن يجدد الترخيص إلا بخطاب من البنك بالتجديد ودة بعد دفع التأمين الإجباري ودة ما بينمش إلا عن طريق البائع ( صاحب السيارة المقترض ) يبقي كدة مش هيعرف يجدد الرخصة.
3- بعد مرور فترة القرض , لازم علشان يفك حظر البيع من المرور خطاب من البنك وبردة مش هيقدر ياخدة عير صاحبك.
إلا .....
لو هما الاثنين أصحاب و واثقين في بعض يبقى البيع هيكون من غير أي مستندات والرخصة هاتفضل بأسم صاحبك ( البائع ) لغاية ما يخلص الاقساط بتاعتها ( لا يفضل هذا الحل لانة اوقات كتيرة بيجيب مشاكل )
ياجماعة الموضوع سهل جدا
اولا حضرتك بتشوف مشتري و تتفق معاه على السعر
ثانيا بتاخد منه الفلوس و تمضيله على وصل امانه مثلا او تسلمه العربية او اي طريق يضمن بيها حقه
ثالثا حضرتك تروح البنك و تطلب عمل سداد معجل للقرض
البنك حيحسبلك باقي الاقساط و يشيل منهم الفايدة و يقولك المفروض تدفع مبلغ معين
حتسدد المبلغ ده في البنك و بعدين البنك حيديك جواب فك حظر للمرور و بيه تقدر تبيع العربية و تنقل ملكيتها للمشتري في المرور
بس طبعا حتلاقي نفسك خسران مبلغ محترم في الموضوع ده
كمان انا مش عارف ايه وضع وثيقة التأمين في الموضوع ده لكن غالبا مش حتقدر تستفيد بيها
شكرااا يا جماعه علي الردود السريعه ديه
في حاجه تاني
لو واحد عايزها زي ما هيا باقساطها
بتتفقو علي ان كان هيدفعلك قد ايه من المقدم الي اندفع في العربيه في الاول
وبعدين بتعمل له توكيل تشغيل واداره للعربيه غير قابل للالغاء
بتاخد منه ضمانات بقي تتفقو عليها بحيس ينزلك القسط الشهري في حسابك كل شهر علشان البنك يسحبه
بكده هوا ضمن حقه وانتا ضمنت حقك
وكتير بتتعمل الحكايه دي وشوفت اكتر من عربيه اتباعت بالطريقه دي
A.Yakout
طيب يا باشا هي موديل كام و مانوال و لا اوتو و اكس و لا سوبر صالون و هو عاوز يبيعها ازاي و يا ريت هو دفع فيها مقدم كام و اد ايه اقساط و فاضل عليها كام علشان لو حابب اكملها قسط
و الله يا باشا انا مش عارف التفاصيل بالتحديد ..
هشوفها و هتأكد من رغبته بالبيع و أرد علي حضرتك
و شكراا علي الردود يا جماعه