بيع عربيه عليها أقساط !!

**ahmedsamir5edr** · 10-12-2009 03:21 PM

السلام عليكم ..
أنا ليا صديق أشتري عربيه نيسان صني بالتقسيط علي 3 سنوات و لكنه بعد 8 شهور زهق من الغربيه و حب يبيعها .. هل في أي طريقه لبيع السياره .. خصوصا و انه عاوز يجيب عربيه أخري
و لكم الشكر

**Ahmed Sharaf** · 10-12-2009 03:41 PM

مش ممكن يبيعها إلا لو سدد الاقساط اللي عليها لان العربية المشترا عن طريق قرض من بنك :
1- عليها تأمين إجباري لصالح البنك , ودة ممكن الطرف الشاري ميرضاش بية.
2- عليها حظر بيع في المرور , يعني الشاري مش ممكن يجدد الترخيص إلا بخطاب من البنك بالتجديد ودة بعد دفع التأمين الإجباري ودة ما بينمش إلا عن طريق البائع ( صاحب السيارة المقترض ) يبقي كدة مش هيعرف يجدد الرخصة.
3- بعد مرور فترة القرض , لازم علشان يفك حظر البيع من المرور خطاب من البنك وبردة مش هيقدر ياخدة عير صاحبك.

إلا .....
لو هما الاثنين أصحاب و واثقين في بعض يبقى البيع هيكون من غير أي مستندات والرخصة هاتفضل بأسم صاحبك ( البائع ) لغاية ما يخلص الاقساط بتاعتها ( لا يفضل هذا الحل لانة اوقات كتيرة بيجيب مشاكل )

**أحمد كمال** · 10-12-2009 03:51 PM

المشاركة الأصلية كتبت بواسطة ahmed sharaf

2- عليها حظر بيع في المرور , يعني الشاري مش ممكن يجدد الترخيص إلا بخطاب من البنك بالتجديد ودة بعد دفع التأمين الإجباري ودة ما بينمش إلا عن طريق البائع ( صاحب السيارة المقترض ) يبقي كدة مش هيعرف يجدد الرخصة.

و نسيت ان كمان لازم تكون كل الاقساط حتى تاريخ تجديد الترخيص مسددة .... و التسديد بيتم عن طريق المقترض ..... و لو فيه تاخير يبقى بخ ......

**ahmedsamir5edr** · 10-12-2009 04:38 PM

شكرااا يا جماعه علي الردود السريعه ديه

**nabaster** · 10-12-2009 04:57 PM

في حاجه تاني

لو واحد عايزها زي ما هيا باقساطها

بتتفقو علي ان كان هيدفعلك قد ايه من المقدم الي اندفع في العربيه في الاول

وبعدين بتعمل له توكيل تشغيل واداره للعربيه غير قابل للالغاء

بتاخد منه ضمانات بقي تتفقو عليها بحيس ينزلك القسط الشهري في حسابك كل شهر علشان البنك يسحبه

بكده هوا ضمن حقه وانتا ضمنت حقك

وكتير بتتعمل الحكايه دي وشوفت اكتر من عربيه اتباعت بالطريقه دي

A.Yakout

**ahmedsamir5edr** · 11-12-2009 05:20 PM

و الله يا باشا انا مش عارف التفاصيل بالتحديد ..
هشوفها و هتأكد من رغبته بالبيع و أرد علي حضرتك

**ahmedsamir5edr** · 11-12-2009 05:22 PM

و شكراا علي الردود يا جماعه

**ahmedsamir5edr** · 13-12-2009 11:37 AM

المشاركة الأصلية كتبت بواسطة fdido26

طيب يا باشا هي موديل كام و مانوال و لا اوتو و اكس و لا سوبر صالون و هو عاوز يبيعها ازاي و يا ريت هو دفع فيها مقدم كام و اد ايه اقساط و فاضل عليها كام علشان لو حابب اكملها قسط

معذره سيدي الفاضل .. و لكن صديقي قرر أن يبيعها لأحد أقاربه
شكرا لك