وسقط حبي للسيراتو:(

**mastr_n** · 11-12-2009 06:29 AM

المشاركة الأصلية كتبت بواسطة eng.geo

انا معتبر العربية ده من اجمل تصميمات العربيات اللي نزلت مصر الفترة الاخيرة وكنت معجب بيها جدا
ولكن
بعد كذا حاجة بدات تقل اسهم السيراتو في بورصة تفكيري
منها اللي اتحرقت وهي واقفة ومنها بتاعة الباشمهندس غازي ربنا يشفيه ويقومه بالسلامه ومنها اللي الكاوتش فرقع ومنها ومنها ومنها ....
و اخرها مالم اتوقعهه للاسف :
كنت سايق لانوس في طريق اتجاهين يادوب ياخد عربيتين جمب بعض مستريح
كنت ماشي 50 وشايف ورايا سيراتو وكان الطريق فاضي من الاتجاهين مفيش غيري انا وهو وكان علي يميننا ارض زراعية المهم شوية وسمعت صوت موتور شادد وبيجري وشوية ولقيته علي شمالي وراح واخد غرزة جامدة وكاسر عليا بس مخبطنيش طبعا هو جاب يمين والمفروض يجيب شمال عشان يرد العربية ويبقي قدامي هو خد اليمين من هنا وفجأة لقيت العجل اليمين بتاعه بيترفع من علي الارض وهوب راح نازل مقلوب في الارض الزراعية وخدله قلبتين والعربية ثبتت مقلوبة انا طبعا اتفزعت واول ماشفت كدة فرملت جامد جدا ونزلت من العربية جري علي الارض الزراعية وكان معايا واحد صاحبي المهم اول حاجة عملتها مديت ايدي جوة العربية وقفلت المفتاح وقمنا انا وصاحبي عادلين العربية وفتحت الباب وبعدين الكبوت وقمت شادد البوجيهات وفكيت البطارية وصاحبي كان مع الناس اللي في العربية بيسألهم ايه اخبارهم ان كان فيهم اي حاجة او اي كسور او اي حاجة بتوجعهم ونزلناهم من العربية كان واحد عنده تقريبا 35 سنة وهو اللي سايق وكان معاه واحد كبير في السن تقريبا والده المهم خدناهم وبعدنا عن العربية شوية عشان نطمن عليهم والكلام ه كله ماخدش اكتر من اربع دقايق فعلا وده اللي كنت مستغرب منه ان العربية تتقلب واحنا نعدلها وكل الكلام ده يحصل بس من كتر الخضه علي الناس كنا بنعمل كل حاجة بسرعة متناهية والناس بعد كدة اتلمت واحنا قعدنا نقولهم نوديكوا مستشفي او اي حاجة وهما اللي عليهم مبتسمين مش عارف ليه والحمد لله مفيش حد فيهم فيه حاجة والعربية اتكسر فيها كتير وجابت قوايم بس نشكر ربنا علي كل حاجة.
بعد كل ده انا بدات اقلق من العربية ده وبأنصح كل اللي جابها او هيجيبها انه يبقي حريص جدا لاني مكنتش اتوقع اللي حصل ده
انا مش بهاجم العربية ومقلتش ماتشتروهاش بس ماتتغروش من موتورها لانه شديد جدا علي عربية ضعيفة
انا منتظر هجوم شديد جدا من بعض الملاك ولكن حقيقي هو ده اللي حصل
واسف لو كنت ضايقت حد بكلامي مع كامل اعتزاري لكم

وتعتذر لية انا حاسس ان مؤلف حكايات الف ليلة وليلة عمل حكاوى للنيو سيراتو هوة كل يوم حادثة وبعدين الى انتى بتقولة دة غلطة سواق مليون المية سايق على سرعة 60 وعمل حادثة وبعدين لما انت ناوى تنزل الموضوع كدة ماصورتوش لية
وكفاية بقى رعبتوا الناس ودة مش منة فايدة والعربية بردة بتتباع وبتنتشر بطريقة جامدة جدا وماترعبوش الناس اكتر من كدة

**egynoor** · 11-12-2009 06:48 AM

بصوا بقه, عيب شعبنا الجميل انه عاطفي و مفيش منطق. الناس بتدور علي عيوب السيراتو زي ما يكون بيوزعوها مع زيت التموين و اللي بيشتريها مغصوب عليها و الكل زعلان علشان مافيش عربيات تانيه و مش عارف يشتري غيرها.
أو أن السيراتو دي صاروخ فضاء مثلا, مش عربية زي أي عربية ... بتعمل حوادث لو أن قائد المكوك اللي سايقها, سواق علي قده.
بصوا يا جماعه العربية زي عربيات تانيه ... زي الفل أنا بسوقها علي الدائري و المحور و جوه البلد و زي الفل... . مسمتع بثابتها و سواقتها جداً جداً. sx الوكيل 10000 كم

**egynoor** · 11-12-2009 06:57 AM

و معلش طلب كمان ... بلاش يا جماعة العنواين الدرامتيكية " و سقط حبي للسيراتو"... يا جماعة دي عربية مش فاتن حمامة في فيلم عربي.

**mastr_n** · 11-12-2009 07:29 AM

المشاركة الأصلية كتبت بواسطة egynoor

و معلش طلب كمان ... بلاش يا جماعة العنواين الدرامتيكية " و سقط حبي للسيراتو"... يا جماعة دي عربية مش فاتن حمامة في فيلم عربي.

,والله اؤيدك وبشدة انا حاسس ان الموضوع بقى زايد عن حدة اوى سقط حبى اية والكلام الكبير دة احب اقول للى كاتب الموضوع حبك يسقط او مايسقطش دية حاجة راجعة ليك وياريت المرة الجاية تكون حدوتة الحادثة الى جاية واقعية شوية على شان نسدقها وشوفوا واحد بتاع سيناريو كويس على شان يسبكها احسن من كدة مش عارف اية الى ماشى على 60 دة ويتقلب دة لو فيديو جيم ماتسدقش بردة كفاية بقى بجد وغيروا الموضوع دة شوية سيبوكوا من النيو سيراتو هوة مافيش غيرها فى مصر

برجاء مراعاة الدقة في كتابة لفظ الجلالة
مشرف عام 4

**sam07** · 11-12-2009 08:08 AM

انا مش عاوف ايه حكايه السيراتو ديه كل لما حد يقول عيب فيها تقوم الدنيا وتقعد من ملاكها زي ميكون العربيه ديه فريق كوره زي الاهلي والزامالك
الواحد كره مواضيع السيراتو ديه عشان التعصب الي بيجصل ده !!

**mastr_n** · 11-12-2009 08:41 AM

المشاركة الأصلية كتبت بواسطة sam07

انا مش عاوف ايه حكايه السيراتو ديه كل لما حد يقول عيب فيها تقوم الدنيا وتقعد من ملاكها زي ميكون العربيه ديه فريق كوره زي الاهلي والزامالك
الواحد كره مواضيع السيراتو ديه عشان التعصب الي بيجصل ده !!

والله انا اول مرة اركب العربية ولا متحيذ ولا حاجة ولا كان عندى عربية كيا قبل كدة وبقول عربية عادية مش خارقة للعادة عربية زى اى عربية يعنى بس مش لدرجة ان كل يوم حادثة شركة كيا مش اول مرة تعمل عربيات يعنى على شان تعمل عربية بالعيوب القاتلة الى الناس بتقول عليها دية دة لو كان كدة كانت الشركة قفلت من زمان مش كدة ولا اية

برجاء مراعاة الدقة في كتابة لفظ الجلالة
مشرف عام 4

**ALSHARIEF** · 11-12-2009 10:38 AM

بداية السلام عليكم و رحمة الله و بركاته .......
مشكور أخونا العزيز الذى نقل و جهة نظرة و ما حدث أمام عينيه فى الحادث و جزاه الله خيرا على اللى عمله و الحمد لله على كل شىء و على سلامة اللى كانوا فالعربية .
ثانيا : العربية لسه جديدة و إمكانيتها كتير و موتورها جااااااامد و حاجات تانية كتيير دا بيخلى ناس كتير تتغر فيها و تجرى بيها و تعمل بيها العمايل و بعد كده يقوللك ربنا بيسترها ثم العربية هتسعفنى و هتلحقنى و ده مرة يحصل و مرة لأ.
لازم نتأكد أن العربية مهما كانت مسخرة لتلقى الأوامر من اللى سايق معنى كده أن السايق لازم يبقى عنده سرعة بديهة و حسن تصرف و يعرف امتى يجرى و امتى يهدى و امتى يدوس فرامل جامد و امتى يريح رجله بس على الفرامل لانه عنده حسن تقدير للمسافات و امتى ياخد الغرز و هكذا .

بجد با جماعة مع أحتراااااااااامى الشديد لكل الأعضاء اللى بيحللوا اللى بيحصل بمنتهى الموضوعية و المنطقية و انا و الله ببقى مستمتع بالنقاش بينهم إلا إنى شايف إن العربية لسه فى طور التجريب و الأكتشاف لذلك ينبغى على الأصحابها التأنى و الاكتشاف بدون تهور و عدم الإنسياق وراء إن العربية تحفة و جامدة و كل الكلام الجميل اللى بحب أسمعه على العربية ديه .

بالله عليكوا خدوا بالكم من أنفسكم و من عربياتكم و أستمتعوا بيها و أنقلوا لينا كل كبيرة و صغيرة عن العربية و نفسى نرجع تانى نشوف التقارير المصورة الجميلة اللى عودتونا عليها .

أسف على الأطالة و لكم تحياتى و جزيل شكرى لحسن المتابعة .

**Eng.Geo** · 11-12-2009 12:13 PM

المشاركة الأصلية كتبت بواسطة mastr_n

وتعتذر لية انا حاسس ان مؤلف حكايات الف ليلة وليلة عمل حكاوى للنيو سيراتو هوة كل يوم حادثة وبعدين الى انتى بتقولة دة غلطة سواق مليون المية سايق على سرعة 60 وعمل حادثة وبعدين لما انت ناوى تنزل الموضوع كدة ماصورتوش لية
وكفاية بقى رعبتوا الناس ودة مش منة فايدة والعربية بردة بتتباع وبتنتشر بطريقة جامدة جدا وماترعبوش الناس اكتر من كدة

انا بعتذر لان في ناس هتذعل من اللي بقوله
انا اكيد مش هصور لان يعني هتبقي قلة زوق مني ان الناس عاملة حادثة وانا باصور عربيتهم ولا ايه؟؟

**Eng.Geo** · 11-12-2009 12:19 PM

المشاركة الأصلية كتبت بواسطة egynoor

و معلش طلب كمان ... بلاش يا جماعة العنواين الدرامتيكية " و سقط حبي للسيراتو"... يا جماعة دي عربية مش فاتن حمامة في فيلم عربي.

المشاركة الأصلية كتبت بواسطة mastr_n

,واللة اؤيدك وبشدة انا حاسس ان الموضوع بقى زايد عن حدة اوى سقط حبى اية والكلام الكبير دة احب اقول للى كاتب الموضوع حبك يسقط او مايسقطش دية حاجة راجعة ليك وياريت المرة الجاية تكون حدوتة الحادثة الى جاية واقعية شوية على شان نسدقها وشوفوا واحد بتاع سيناريو كويس على شان يسبكها احسن من كدة مش عارف اية الى ماشى على 60 دة ويتقلب دة لو فيديو جيم ماتسدقش بردة كفاية بقى بجد وغيروا الموضوع دة شوية سيبوكوا من النيو سيراتو هوة مافيش غيرها فى مصر

انا باتأسفلكوا جدا
ولكن اللي خلاني اكتب العنوان كدة هو اني كنت بحب العربية ده
وفعلا حبي يسقط عن العربية او لا ده مش هيفرق عند حد انا بقول رأيي وكان لازم اقول اللي شوفتة وانا ماكدبتش ومابجبش سيناريوهات
انا لما اقول اني مبقتش احب العربية ده دا معناه اني بقول للناس ماتجيبوهاش؟ لأ طبعا انا رايي زي اي رأي موجود
وشكرا ليكوا

**Eng.Geo** · 11-12-2009 12:25 PM

المشاركة الأصلية كتبت بواسطة ALSHARIEF

بداية السلام عليكم و رحمة الله و بركاته .......
مشكور أخونا العزيز الذى نقل و جهة نظرة و ما حدث أمام عينيه فى الحادث و جزاه الله خيرا على اللى عمله و الحمد لله على كل شىء و على سلامة اللى كانوا فالعربية .
ثانيا : العربية لسه جديدة و إمكانيتها كتير و موتورها جااااااامد و حاجات تانية كتيير دا بيخلى ناس كتير تتغر فيها و تجرى بيها و تعمل بيها العمايل و بعد كده يقوللك ربنا بيسترها ثم العربية هتسعفنى و هتلحقنى و ده مرة يحصل و مرة لأ.
لازم نتأكد أن العربية مهما كانت مسخرة لتلقى الأوامر من اللى سايق معنى كده أن السايق لازم يبقى عنده سرعة بديهة و حسن تصرف و يعرف امتى يجرى و امتى يهدى و امتى يدوس فرامل جامد و امتى يريح رجله بس على الفرامل لانه عنده حسن تقدير للمسافات و امتى ياخد الغرز و هكذا .

بجد با جماعة مع أحتراااااااااامى الشديد لكل الأعضاء اللى بيحللوا اللى بيحصل بمنتهى الموضوعية و المنطقية و انا و الله ببقى مستمتع بالنقاش بينهم إلا إنى شايف إن العربية لسه فى طور التجريب و الأكتشاف لذلك ينبغى على الأصحابها التأنى و الاكتشاف بدون تهور و عدم الإنسياق وراء إن العربية تحفة و جامدة و كل الكلام الجميل اللى بحب أسمعه على العربية ديه .

بالله عليكوا خدوا بالكم من أنفسكم و من عربياتكم و أستمتعوا بيها و أنقلوا لينا كل كبيرة و صغيرة عن العربية و نفسى نرجع تانى نشوف التقارير المصورة الجميلة اللى عودتونا عليها .

أسف على الأطالة و لكم تحياتى و جزيل شكرى لحسن المتابعة .