وسقط حبي للسيراتو:(

**PoweRPassioN** · 10-12-2009 10:39 PM

ربنا يجازيك خير
بس العربيه كدا تقلق !!
اشمعنه هي اللي بتقلب على 60 "مهما كانت الغرزه" !!!!!!!!!!!!
دي عربيه 2009 مش 69
هي توزيع الوزن فيها اخباره ايه؟؟

**khaledlouda88** · 10-12-2009 10:50 PM

كلام سليم
وكمان نفس الحاكي بيقول هو جاب يمين وكان المفروض يجيب شمال
ياجماعة العربية مش سوبر صاروخ ولا هي وحش حوادث هي عربية بها مزايا وطبعا عيوب لكن مافيهاش لا سحر ولا دمار
الي عاجباه يتوكل على الله والي مش عاجباه يسيبها ويشتري الي تعجبه
أرجو أن نترك الحوارات الساخنة الشاذة ونتكلم في الأمور المنطقية فقط
وجازا الله الراوي على مساعدته

**Eng.Geo** · 10-12-2009 10:52 PM

المشاركة الأصلية كتبت بواسطة ali357

المهم ان الناس خرجوا منها بالسلامة
وبعدين اتفرج بقا على الهجوم عليك عشان الكلمتين اللى قولتهم على العربية من ملاكها لما يدخلوا
لان انا واحد من الناس القدام اللى اتهاجمت بردوا بسبب نقل وجهة نظر لما قولت ان العربية صاجها خفيف وضعيف وبردوا ناس كتير قالو ان الاداء الفعلى الصافى بتعها للماتور اقل من 124 ومش قادر اقولك على اللى حصل فيهم بردوا من ابداء الراى , لان الناس احيانا بتنسى اننا فى نقاش مفيد ومحترم مع بعض وليس متعصبين لشى او منحازين لحاجة معينة لان كل واضح للكل وعلى عينك ياتاجر,
وربنا يكرمك على وقوفك جنبهم فى الحادث وربنا يشلهولك فى ميزان حسناتك وتصرف سليم منك فى عزل البطارية والبوجيهات

شكرا لمرورك انا الحقيقة كنت متوقع الاسوأ ولكن فضل ربنا انهم خرجو سلام ومبتسمين كمان
الحمد لله ربنا الهمني اعمل ايه في الوقت المناسب
لو حد سألني تعمل ايه لو عربية اتقلبت قدامك كنت هاخد وقت اطول في التفكير ولكن ربنا الهمني وعملت الحاجات ده كأني حافظ

**Eng.Geo** · 10-12-2009 10:53 PM

المشاركة الأصلية كتبت بواسطة m7amd_7amdy

لا حول ولا قوه الا بالله
ربنا يجازيك كل خير
ايه الحكايه انا كده قلقت من السيراتو جامد وبالأخص الناس اللى بتسوقها ربنا يستر ويكفيكوا شر الطريق

ما تقلقش بس هي عربية ليها معاملة خاصة

**Eng.Geo** · 10-12-2009 10:59 PM

المشاركة الأصلية كتبت بواسطة normal

مشكور على نقلك للى شفته
وربنا يكرمك على مساعده الناس
وبعدين محدش هيهاجمك ولا حاجه
ليه محسس نافسك ام ملاك السيراتو عالم همج ومش بيتفهموا
محدش هايهجمك
عايز اقولك حاجه بس
مش معنى ان اى حد عمل حادثه بعربيه تبقى المشكله فى العربيه...طبعا هتقولى منا فاهم
طيب انت عارف فى كام سيراتو ماشيه فى الشارع...عارف كام عربيه اتباعت...عارف كام واحده محجوزه!!
العربيه منتشره بصوره فوق الجباره وبيركبها الى بيعرف يسوق والى مبيعرفش الى راكبها علشان يروح شغله والى بيسابق فى رالى
سايقها المتهور والعاقل
فمن الاف العربيات الى ماشيه فى شوارعنا لما كام واحد متهور يعمل بيها حادثه تبقى العربيه فيها عيب
او منجريش بيها!!
لو راكب اامن عربيه فى العالم وتسوقها وتدخل بيها فى الحيطه هتفرمل لوحدها
العربيه حبه حديد فى بعضه والمفروض بيتحكم فيها انسان عاقل له قدره على اتخاذ القرار الصحيح فى الوقت السليم
اذا متوافرتش المقومات دى فى البنى آدم الى سايق العربيه تبقى مشكله العربيه؟؟؟!!
ارجو فى الاخير ان ترفعوا ايديكم عن العربيه ومش معنى ان فى ناس متهوره بتعمل بيها حوادث ان العربيه وحشه او فيها عيب صنع.
وشكرا ليك مره تانيه

طبعا انا ماقصدش ان ملاك السيراتو بالتحديد همج لاسمح الله انا قلت ان في بعض الناس كدة وده في اي حاجة مش السيراتو بس او العربيات ولكن اي حاجة
انا ماعرفش عددها كام الحقيقة بس واضح ان عليها طلب كبير من عدد الحجوزات بس مش العدد هو اللي هيقول ان العربية كويسة او وحشة واقرب مثال الافيو شوف في افيو قد ايه وكان عليها حجوزات قد ايه وهي عربية تعبانة جدا
انا اللي استغربتله من الحادثة ده انها كانت علي 60 والغرزة مش قاتلة عشان تقلبه اعتقد كان فيها عيب

**Eng.Geo** · 10-12-2009 11:02 PM

المشاركة الأصلية كتبت بواسطة s m a r t m a n

ربنا يجازيك خير
بس العربيه كدا تقلق !!
اشمعنه هي اللي بتقلب على 60 "مهما كانت الغرزه" !!!!!!!!!!!!
دي عربيه 2009 مش 69
هي توزيع الوزن فيها اخباره ايه؟؟

الله يكرمك
فكرة انها بتقلب علي 60 فاعتقد جت صدفة ولكن انها تقلب علي اقل من 100 وغرزة مش قوي يبقي في حاجة
مش فاهم قصدك ايه بتوزيع الوزن؟
التعليق؟

**Hosam_Optrawy** · 10-12-2009 11:04 PM

والله انا شايف ان الحوادث دى قضاء وقدر

والجرى مش حلو وملوش أمان والطريق ملوش كبير مهما كان نوع العربيه اللى الواحد راكبها

نيجى لموضوع الحادثه اللى حضرتك شفتها

طبعا انا مش باكدبك

بس انا كان معايا من 3 سنين عربيه أكسنت 1300 الشكل القديم موديل 2006

وكنت باخد غرز على 100 ومتقلبتش ولا عومت

هل معنى كدا ان الأكسنت احسن من السيراتو ؟

اللى عايز أقوله ان مش منطقى ان السيراتو تاخد غرزه على 60 تتقلب

وان الحادث اللى انت شوفته مش مرتبط بنوع العربيه

وبعدين فى حاجه مهمه محدش واخد باله منها

الناس بتقول انها شايفه ان حوادث السيراتو كتير

وكله فسر دا بأن العربيه فيها عيوب أكيد

لكن فى سبب تانى مهم

ان العربيه أصلا منتشره جدا واتباع منها كتير فى وقت قليل

عشان كدا هاتلاحظ ان نسبة الحوادث بتاعتها أكتر من عربيه غير منتشره زى السيتى مثلا اللى بتبيع عربيه كل شهرين

**KoDaK_Gti** · 10-12-2009 11:11 PM

المشاركة الأصلية كتبت بواسطة hosam_optrawy

لكن فى سبب تانى مهم

ان العربيه أصلا منتشره جدا واتباع منها كتير فى وقت قليل

عشان كدا هاتلاحظ ان نسبة الحوادث بتاعتها أكتر من عربيه غير منتشره زى السيتى مثلا اللى بتبيع عربيه كل شهرين

بس حتى الان مجبتش عدد فى البيع زى الفيرنا والبومة واللانوس

**khaledlouda88** · 10-12-2009 11:11 PM

ياأخوان أقروا كلام الراوي الي شاف الحادثة بتأني
قال إن السائق جاب يمين وكان مفروض يجيب شمال علشان يعدل نفسه على الطريق يعني أكيد اليمين هتحدفه على الأرض الزراعية دي كمان عيوب عربية
ده قضاء الله لخطأ السائق العربية هي هي سيراتو فورت الي بتمشي في أمريكا تقلي تقفيل أضعف ماشي تابلو أقل قيمة ماشي لكن التصميم هو هو وأكيد مش مصممة علشان تعمل شقلبظات
أنا مش بادافع عن عربية أنا بس عايز تحليلنا للكلام يكون منطقي وإلا هنخاف من كل العربيات وهنقضيها مشي وبرده في ناس بتتداس لا قدر الله وهي ماشية
ماحدش يزعل مني بس أنا مش عايز الهلع يسيطر علينا لا في السيراتو ولا في الإلنترا الإتنين زي الفل دا الفيرنا الي بتعوم على 100 كيلو ماحدش قال عليها كده
يالله تصبحون على خير