الى كل من تعامل مع توكيل متسوبيشى فى مصر

اللينك المرفق خاص بموضوع للاخ الفاضل ابو عبدالله فى منتدى دايهاتسو يبين فيه مركز الخدمه الخاص بدايهاتسو فى ابورواش
http://www.nilemotors.net/Nile/109645-a.html
ياريت تشوفوا الجمال والنظافه والنظام اللى فى مركز الخدمه ده وتقارنوا بينه وبين مركز خدمه قليوب .. بصراحه فارق كبيييييير جدااااا بالرغم من ان توكيل متسوبيشى بيكسب كتير الا ان المسؤلين عنه ( ومع احترامى الشديد للباشمهندس طارق ) تغاضوا عن ترتيب وتجميل وتنسيق مركز الخدمه لكى يصبح واجهه مشرفه لمتسوبيشى داخل مصر
انا مش عارف هما مابيفكروش ليه يطوروا مركز الخدمه الرئيسى ده ويحسنوا قاعات خدمه العملاء والاستراحه هما مش اقل من اى توكيل سيارات تانى جوه مصر وخاصه مع حجم المبيعات الرهيب ليهم ومن غير ولا اعلان صغير فى الجرائد والمجلات ... يعنى هما اعتمدوا فى سياسه الدعايه عندهم على تاريخ اللانسر داخل مصر من زمان وعلى اساس انها عربيه مجربه ومضمونه فمش مهم يعملولها اعلانات لان الزبون كده كده عارفها وبيشوفها فى الشارع الاف المرات كل يوم .. طيب ايه ذنب العميل اللى بيجيلهم مركز الصيانه وبيدفع مبلغ محترم جدااا فى الصيانه انه مايقعدش فى مكان جميل ورائع زى توكيل دايهاتسو كده .

انت عندك حق في كل كلمة قولتها بس المشكله الي حضرتك بتتكلم عنها ليست فقط في المركز الخدمة الرئيسي لمتسوبيشى ولكن الكلام ينطبق على معظم توكيلات ومراكز الصيانه الموجوده لمعظم انواع وفئات السياراة مش عارف ليه ؟؟!!! وبعدين يا سيدي احنا متقبلين المكان الي هما مخصصينه لخدمة العملاء ومش بنطالب كل التوكيلات انها تبقى زي توكيل دايهاتسو (وهو ده المفروض ومن حقنا طبعا ) يعني لو اتغاضينا عن النقطة دي احنا بس كل الي بنطالبه يا جماعه ان الواحد ما يتذنب ويقعد ب 6 ساعات وبيبقى شايل هم اليوم الي بيروح فيه التوكيل علشان يعمل الصيانه وبيبقى يوم تقيييييييل وضايع بالنسبالنا ايه المشكله لما تبقى الصيانه بالحجوزات في مواعيييييييييييييييد محددة وتتتم في مده محددة وقصيرة وطبعا على حسب كل صيانه بحيث ان العميل يكون عارف معاده مسبقا وعارف هو هيقعد قد ايه هناك مش يتقاله في التليفون تعالى الساعه 9.00 الصبح ويمشي من هناك على الساعه 3.00 العصر الي عاجبني في توكيل تويوتا في السعوديه انهم كان منزلين اعلانات حتى في التلفزيون بيقولوا ان صيانتك هتتم في خلال 30 دقيقه وكانوا بيغسلوا السيارة كمان ,,,, ربنا يهدي ويصلح احوال الناس

يارب نشوف لانسر كدة يارب:S_thum1[1]:

معاك حق بصراحة

بس بما اننا فى مصر فحط نفسك مكنهم

هما كده كده بيكسبوا وكده كده اللانسر سمعتها معروفة

فبلتالى إيه اللى يخليهم يدفعوا فلوس مش هتفرق معاهم فى حاجة غير زيادة فى راحة العميل

فطبيعى بصراحة بردو انهم ميدفعوش فلوس وميعملوش كده خصوصا اننا فى مصر

اقتباس:

---

المشاركة الأصلية كتبت بواسطة kemoelord

انت عندك حق في كل كلمة قولتها بس المشكله الي حضرتك بتتكلم عنها ليست فقط في المركز الخدمة الرئيسي لمتسوبيشى ولكن الكلام ينطبق على معظم توكيلات ومراكز الصيانه الموجوده لمعظم انواع وفئات السياراة مش عارف ليه ؟؟!!! وبعدين يا سيدي احنا متقبلين المكان الي هما مخصصينه لخدمة العملاء ومش بنطالب كل التوكيلات انها تبقى زي توكيل دايهاتسو (وهو ده المفروض ومن حقنا طبعا ) يعني لو اتغاضينا عن النقطة دي احنا بس كل الي بنطالبه يا جماعه ان الواحد ما يتذنب ويقعد ب 6 ساعات وبيبقى شايل هم اليوم الي بيروح فيه التوكيل علشان يعمل الصيانه وبيبقى يوم تقيييييييل وضايع بالنسبالنا ايه المشكله لما تبقى الصيانه بالحجوزات في مواعيييييييييييييييد محددة وتتتم في مده محددة وقصيرة وطبعا على حسب كل صيانه بحيث ان العميل يكون عارف معاده مسبقا وعارف هو هيقعد قد ايه هناك مش يتقاله في التليفون تعالى الساعه 9.00 الصبح ويمشي من هناك على الساعه 3.00 العصر الي عاجبني في توكيل تويوتا في السعوديه انهم كان منزلين اعلانات حتى في التلفزيون بيقولوا ان صيانتك هتتم في خلال 30 دقيقه وكانوا بيغسلوا السيارة كمان ,,,, ربنا يهدي ويصلح احوال الناس

---

فعلا موضوع المواعيد الخاصه بالصيانه موضوع مهم جدااااا كما اشرت حضرتك ... انا مره كنت بشتكى ان سحب العربيه بقى ضعيف وحجزت موعد للصيانه والكلام ده كان بعد صيانه ال 30 الف روحت تانى يوم وكنت اول عربيه داخله مركز الخدمه كانت الساعه 7 ونصف صباحا .... تخيل حضرتك طلعت الساعه 3 ونصف علشان البهوات نسيوا العربيه واللى دخلها الصيانه رماها فى اى حته ومحدش قرب منها .... وعارف كان الشغل اللى فى العربيه ايه ؟ كان مجرد تغيير فلتر الهواء والبوجيهات !!!! يعنى شغلانه ماتخدش من اى صنايعى صغير اقل من 5 دقائق :dzey:..... وفى الاخر موظف الاستقبال يقولى معلش حصل خير وكأنه مافيش واحد اتحرق دمه 7 ساعات ...( اهى كلمه معلش دى هيا اللى جايبانا ورا )
فيها ايه ان يظبطوا المواعيد وزى ماحضرتك قلتك يبقى عدد معين هو اللى يدخل مركز الخدمه كل يوم على قد الناس اللى شغاله جوه علشان مايبقاش فيه زحمه

على رايك يا استاذ mada كلمة معلش دي هي الي جايبانا وراء وخد عندك بقى في كل حاجة واحد كسر عليك فجاة يقوم رافع يده من الشباك ويقولك معلش واحد اخرك في الحساب ولا حاسبك اساسا غلط يقولك معلش وهلم جرا

اقتباس:

---

على رايك يا استاذ mada كلمة معلش دي هي الي جايبانا وراء وخد عندك بقى في كل حاجة واحد كسر عليك فجاة يقوم رافع يده من الشباك ويقولك معلش واحد اخرك في الحساب ولا حاسبك اساسا غلط يقولك معلش وهلم جرا

---

طيب مهوه اكيد اللى كسر عليك هيقولك معلش اومال عايزه يعمل ايه :)
ودا يعتبر احترام منه مش بدل ميكسر عليك ويقلك انته رايح فين ولا ينفض ولا كانه عمل حاجه

اما بالنسبه لموضوع عدم ظهور التوكيل لمتسوبيشى على المستوى المطلوب فكل التوكيلات فى مصر تقريبا فيها مميزات وعيوب فمش فارقه

اقتباس:

---

المشاركة الأصلية كتبت بواسطة zoro007

طيب مهوه اكيد اللى كسر عليك هيقولك معلش اومال عايزه يعمل ايه :)
ودا يعتبر احترام منه مش بدل ميكسر عليك ويقلك انته رايح فين ولا ينفض ولا كانه عمل حاجه

اما بالنسبه لموضوع عدم ظهور التوكيل لمتسوبيشى على المستوى المطلوب فكل التوكيلات فى مصر تقريبا فيها مميزات وعيوب فمش فارقه

---

ويكسر عليا ليه اصلا يا بشمهندس وبعدين احنا بنقول بيكسر مش مدي اشارة مثلا زي الناس المتحضره والي بتفهم والمحترمه لا ده بيكسر لمجرد انه شايف قدامك مساحه ممكن يخش فيها او فجاه افتكر ان يلف والملف كان هيفوته ,,, ربنا يهديهم

بجد حاجة تضايق فعلا

ههههههههههههههه ايه يا جماعه الميتسوبيشي احنا هنحسد ولا اييييييييه
اهو عشان كده بقه مخصوص انا بعت اللانسر وجبت السيريون هههههههههههه

التوكيل ماشي بمبدأ كله تمام طالما في حاجه ماليا جيبنا
اعتقد ان مركز خدمه قليوب ده أثري المفروض يعملوه متحف ميتسوبيشي
والله انا رحت غبور اتحسرت مع انه حرامي بس مركز الخدمه نضيف وكبييييير جداً
مش فاهم ايه المشكله لو عملو مركز محترم وكبير في ابو رواش زي كل التوكيلات ومش هتفرق معاهم لان ارباحهم خياليه

ياريت حد يفيدنى
ما هو افضل مركز صيانة للمتسوبيشى ( الرواس ) ؟
تحديدا ً انا بروح مركز الصيانة بعد سفر يتجاوز 10 ساعات نظرا ً لبعد مكان اقامتى عن القاهرة واريد ان اعمل صيانة 10.000 إن شاء الله فالتوكيل مع العلم انى رحت مركز صيانة المهندسين لكن لم يعجنى
حسيت انى فى ورشة بس كبيرة شوية ومنظمة اكتر
ومعلش لانى بقارن بينة وبين مركز صيانة غبور بابو رواش زرتة اكثر من 30 مرة بعربية اكسنت وشايف انة فخم جدا ً بالنسبة لوصفكم لمراكز ميتسوبيشى مع العلم انى كنت فى غبور اعرف ناس هناك يعنى موضوع الوقت ودقة الصيانة حتى عمل خصم كان كلها اشياء محلولة
ودى مراكز الصيانة من واقع الضمان وفاتورة صيانة الالف ( اشتريت منهم زيت موبيل 1 وفلتر زيت فقط لكنى لم اقوم بعمل الصيانة )
فأى تلك المراكز افضل ؟ مع الشكر .
*- كيلو12 طريق مصر اسكندرية الزراعى - قليوب

ت 42155098 - 42151570 - 42140116 - ف 42158155

*- 5 شارع النيل - المهندسين بجوار نفق العجوزة

-ت 33472396 - 33475992 ف 33444016

*- 12شارع عبد الخالق ثروت بجوار السفارة السويسرية

ت 25785130 ف 25796266

*- 120شارع بور سعيد غمرة ت 24830754 ف 24830728

بتاع قليوب طبعاً لان هو الفرع الرئيسي
ومن ناحية تعرف ناس فاحنا عندنا بشمهندس طارق بيقوم بالواجب وزياده وهيتعملك خصم كمان لو معاك الاستيكر

السلام عليكم
انا لسه كنت بعمل صيانه ال10000 كم فى التوكيل فرع جسر السويس ، بس انا حجزت قبلها بحوالى اسبوع ورحت الساعه 10 ص واخدت العربية بعد ساعتين تقريبا ( يعنى مكنش تأخير كتيير ) ، لكن فعلا المكان محتاج شوية اهتمام وتوضيب يعنى مثلا فى توكيل رينو بالمقطم تلاقى موفرين wi fiواجهزة كمبيوتر
ولازم فعلا يكون هناك غسيل للسيارة وتلميعها بالبولش ، وجزء للكماليات الاصليه للسيارات

اقتباس:

---

المشاركة الأصلية كتبت بواسطة mostafa_elhussain

بتاع قليوب طبعاً لان هو الفرع الرئيسي
ومن ناحية تعرف ناس فاحنا عندنا بشمهندس طارق بيقوم بالواجب وزياده وهيتعملك خصم كمان لو معاك الاستيكر

---

شكرا ً اخى على ردك السريع
وموضوع اعرف ناس دة كان فى غبور ايام الاكسنت والفيرنا وانا فالمنتدى لسة جديد وياريت تقولى المهندس طارق فى اى فرع لانى بعمل عالاقل 1500 كم للذهاب والعودة لعمل الصيانة واية موضوع الاستيكر واجيبة من فين ؟
مع شكرى لاهتمامك

عندك حق في كل كلمة قولتها بس المشكله الي حضرتك بتتكلم عنها ليست فقط في المركز الخدمة الرئيسي لمتسوبيشى ولكن الكلام ينطبق على معظم مركز خدمه متسوبيشى

اقتباس:

---

المشاركة الأصلية كتبت بواسطة el931

شكرا ً اخى على ردك السريع
وموضوع اعرف ناس دة كان فى غبور ايام الاكسنت والفيرنا وانا فالمنتدى لسة جديد وياريت تقولى المهندس طارق فى اى فرع لانى بعمل عالاقل 1500 كم للذهاب والعودة لعمل الصيانة واية موضوع الاستيكر واجيبة من فين ؟
مع شكرى لاهتمامك

---

البشمهندس طارق في فرع قليوب والاستيكر عنده
بس انا شايف انها مسافه كبيره عشان تعمل سيرفيس وخصوصاً ان العربيه دي سهله واي حد يعرف يتعامل معاها
فمن وجهة نظري (لوالعربيه معليهاش ضمان) ان حضرتك تشوف جدول الصيانه الدوريه وتعمل السيرفيس في اي مركز خدمه قريب من حضرتك ما عدا زيت الفتيس لو هو cvt ممكن تخلي اي حد في مصر يبعته لحضرتك عشان زيت الاوتوماتيك العادي مش كويس للـcvt

اقتباس:

---

المشاركة الأصلية كتبت بواسطة el931

ياريت حد يفيدنى
ما هو افضل مركز صيانة للمتسوبيشى ( الرواس ) ؟
تحديدا ً انا بروح مركز الصيانة بعد سفر يتجاوز 10 ساعات نظرا ً لبعد مكان اقامتى عن القاهرة واريد ان اعمل صيانة 10.000 إن شاء الله فالتوكيل مع العلم انى رحت مركز صيانة المهندسين لكن لم يعجنى

---

هو حضرتك منين اساسا
التوكيل عنده مراكز معتمدة في مدن كتير دلوقتي منها اسوان وقنا جنوبا واسكندرية والمنصورة شمالا والاسماعيلية والغردقة شرقا

http://www7.0zz0.com/2010/01/26/11/319216504.jpg

اقتباس:

---

المشاركة الأصلية كتبت بواسطة mostafa_elhussain

البشمهندس طارق في فرع قليوب والاستيكر عنده
بس انا شايف انها مسافه كبيره عشان تعمل سيرفيس وخصوصاً ان العربيه دي سهله واي حد يعرف يتعامل معاها
فمن وجهة نظري (لوالعربيه معليهاش ضمان) ان حضرتك تشوف جدول الصيانه الدوريه وتعمل السيرفيس في اي مركز خدمه قريب من حضرتك ما عدا زيت الفتيس لو هو cvt ممكن تخلي اي حد في مصر يبعته لحضرتك عشان زيت الاوتوماتيك العادي مش كويس للـcvt

---

شكرا ً اخى مصطفى على اهتمامك وردك

العربية هى لانسر 1600 اتوماتيك 2010 وهى بالفتيس الجديد ( ستريبترونك ) وهى بضمان حتى 60000 كم اوثلاث سنوات بضمان الرواس وانا ذهبت الى مركز صيانة المهندسين بمجرد ان اشتريت السيارة من فرع الرواس برمسيس ولم تكن السيارة معى واخبرتهم انى لا يمكن عمل صيانة ال 1000 كم لان المسافة من القاهرة الى مكان اقامتى تتجاوز 1500 كم ذهاب وعودة واعطونى الزيت موبيل 1 وفلتر زيت وكتيب الصيانة وكتبوا على الفاتورة ان العميل سيقوم بتغيرهما بمعرفتة ( حت لا يسقط حقى فالضمان كما اخبرونى )
اما عن وجود احد قريب منى لعمل الصيانة فلا يوجد واقرب مكان يمكن ان اثق بة ( باسيوط ) وتبعد عنى فى حدود 250 كم ذهاب واعتقد ان هذا يسقط حقى فالضمان لانة ليس وكيل معتمد بل مجرد ورش عادية

طلب من المهندس / طارق ،، يا ريت يكون فى فرع او مركز صيانه معتمد فى اسيوط خاصة اللانسر بجميع فئتها وخاصة البومة عددها كبير جدا وكمان موجود باسيوط اكبر مستورد سيارات وهو ناشيونال موتورز وطبعا بيبعها بدون ضمان
فاتمنى ان يكون فى مركز صيانه معتمد باسيوط خصوصا وانها فى موقع متوسط بمحافظات الصعيد

اقتباس:

---

المشاركة الأصلية كتبت بواسطة hatemmohsen

طلب من المهندس / طارق ،، يا ريت يكون فى فرع او مركز صيانه معتمد فى اسيوط خاصة اللانسر بجميع فئتها وخاصة البومة عددها كبير جدا وكمان موجود باسيوط اكبر مستورد سيارات وهو ناشيونال موتورز وطبعا بيبعها بدون ضمان
فاتمنى ان يكون فى مركز صيانه معتمد باسيوط خصوصا وانها فى موقع متوسط بمحافظات الصعيد

---

اضم صوتى للأخ حاتم و يا ريت يا اخى يكون شىء ممتاز