مشكلة الوقت في تسخين السيارة

**muslim_nsb** · 11-12-2009 08:03 PM

انا عندي زي ما انتو عارفين سيارة شاهين 1400 سي سي موديل 2008 حقن الكتروني ومش هغيرها للظروف المادية
المشكلة انه لما بروح الشغل الصبح لازم طبعا اسخن العربية الاول
والمشكلة في الشاهين انه التسخين لازم يوصل لدرجة 90 وده بياخد من وقت كتييير حوالي من 20 الى 25 دقيقة والشتاء قائم
فهل يوجد حل مثلا مثل العربيات الحديثة انه التسخين مش بياخد 3 او 5 دقائق مثلا تركيب شيء للمحرك واو ما يشبة ؟
:10D5C8~1107:

**thedeveloper87** · 11-12-2009 08:09 PM

المفروض بما إن العربية لسة جديدة حضرتك بتسخن العربية لمدة دقيقة لا أكثر وتمشي عادي من غير قرص لحد مالعربية تسخن لوحدها.
وبعد مالعربية توصل لدرجة الحرارة الطبيعية امشي براحتك

**nourahmed** · 11-12-2009 11:59 PM

انا عندى سيارة دوجان 1600 cc اهم حاجة الصبح انك تتابع عداد الrpm اول لما تشغل العربية صباحاً طبعاً بتكون باردة فى هذه الحالة حتلاقى صوتها عالى و الrpm حيكون على 12 او 11 و ممكن اعلى لحد لما الزيت تبتدى اللزوجة بتاعته تخف و يأخذ دورته داخل الموتور الكلام دة فى الشتاء بيأخذ حوالى 5 دقائق او 6 دقائق على الأكثر و بعدين ال rpm ينزل على 5 او 6 حسب ضبط السيارة وصوت الموتور بيهدى خالص فى الحالة دى تبقى درجة الحرارة الموتور من 60 الى 70 درجة مئوية و العربية تبقى جاهزة للحركة لكن اول مرة اسمع ان درجة الحرارة لازم توصل ل 90 درجة و الله و اعلم.

**muslim_nsb** · 12-12-2009 03:08 PM

المشاركة الأصلية كتبت بواسطة nourahmed

انا عندى سيارة دوجان 1600 cc اهم حاجة الصبح انك تتابع عداد الrpm اول لما تشغل العربية صباحاً طبعاً بتكون باردة فى هذه الحالة حتلاقى صوتها عالى و الrpm حيكون على 12 او 11 و ممكن اعلى لحد لما الزيت تبتدى اللزوجة بتاعته تخف و يأخذ دورته داخل الموتور الكلام دة فى الشتاء بيأخذ حوالى 5 دقائق او 6 دقائق على الأكثر و بعدين ال rpm ينزل على 5 او 6 حسب ضبط السيارة وصوت الموتور بيهدى خالص فى الحالة دى تبقى درجة الحرارة الموتور من 60 الى 70 درجة مئوية و العربية تبقى جاهزة للحركة لكن اول مرة اسمع ان درجة الحرارة لازم توصل ل 90 درجة و الله و اعلم.

موضوع الحرارة لازم توصل ل 90 درجة دة مكتوب في الكتالوج بتاعها
وشكرا على الرد

**nourahmed** · 12-12-2009 09:17 PM

مساء الخير مكتوب فى كتالوج السيارة عند بداية التشغيل الصباحى يجب ان تكون درجة الحرارة 90 صحيح دة فى بلد العربية الأصلى (تركيا) لأن تركيا جوها بارد عن جو مصر هو صحيح العربية اتقفلت مش اتصنعت فى مصر لكنهم نسيوا يعدلوا مواصفات التشغيل للبيئة المصرية و دة عن تجربة على فكرة و الله الموفق.

**SBkr** · 15-12-2009 02:00 AM

اعتقد موش بالضروري تصل لدرجة 90 فهذة الدرجة هي حرارة التشغيل المثلي لأعلي اداء وهي ستصل اليها مباشرة بمجرد التحرك ولكن الهدف الأساسي هو توصيل الزيت لغالبية اجزاء المحرك قبل توصيل الحمل بالتحرك بالسيارة لذلك اكتفي ب6 دقائق مثلا سلانسية بدون تزويد ثم ممكن دقيقة واحدة زود انت حتي 2000 لفة وبعدين تحرك ولا تقلق بس بخصوص الشاهين التسخين مهم جدا لأن بلوك المحرك حديد زهر وبالتالي يستلزم وقت اطول لتسخينة وكذلك لتبريدة لكن السيارات الأحدث غالبا بلوك المحرك او البلوك + وش السلندر بيكون سبيكة الألمنيوم احد مكوناتها وهذا مايجعل امكانية التسخين لدقيقتين فقط وكذلك يساعد علي تبريد السيارة سريعا بمجرد التوقف بفعل معامل التوصيل الحراري الأعلي للألمنيوم
مقترح اخر في الشتاء ضع زيت تخليقي لزوجتة 5 مثل توتال 5-40 او 5-30 ونفس الشئ بالنسبة للموبيل وهو انسب للمحركات خلال الشتاء اما صيفا تحول لزيت لزوجتة اعلي نسبيا اي 10-40 او 20-50 فهو يحقق حماية اعلي في الحرارة المرتفعة

**MMamdouh** · 15-12-2009 10:31 AM

على فكرة التحميل على الموتور هو اللى بيسخن المكنة مش المقص بالتحميل هو انك تطلع مطلع و معاك خمسة فى العربية انما المشى العادى يعتبر حمل و السلانسية يعتبر دون بدون تحميل

دور العربية سلانسية لمدة دقيفة بعد كدة اتحرك بيها بدون حرق... يعنى متزودش عن 3000 لفة للموتور لحد ما توصل للحرارة الطبيعية... حتلاقى العربية سخنت اسرع بكتير

MMamdouh

**HeMa_LanCeR** · 18-12-2009 02:30 PM

علي فكره انا لو سيبتلعربيه توصل لدرجه الحراره المطلوبه
ممكن استني تسخن ربع ساعه
لكن انا بدور العربيه واسيبها دقيقتين بالكتير وبعدها اتحرك بس بهدوء تام يعني الار بي ام مش بيعدي 2 وافضل ماشي شويه
وعقبال ما اطلع اللي الشارع الرئيسي بتكون سخنت وبقت زي الفل
فا حضرتك حاول تسخن شويه صغيرين وبعدها تمشي بس علي مهلك
لحد ما الحراره الطلوبه توصل وبعدها امشي عادي

**HeMa_LanCeR** · 18-12-2009 02:31 PM

المشاركة الأصلية كتبت بواسطة sbkr

بس يا استاذ محمد دقيقة حقيقي للشاهين فعلا في الشتاء دقيقة تسخين قليل جدا لأنها مختلفة عن سياراتنا الدايو احد الزملاء عندة شاهين 2002 وهي كاربيراتير ألكتروني وليس رشاشات زي ما الزميل هنا معتقد ان سيارتة الشاهين 2008 رشاشات والحقيقة انة لو تحرك في الشتاء قبل التسخين الجيد نسبيا السيارة لاتتحرك نهائيا وتكون ضعيفة العزم مع انة المالك الأول و محافظ عليها جدا واحيانا يضطر للتسخين حوالي 10 دقائق بعكس سياراتنا الدايو

علي فكره انا عربيتي استحاله تتحرك وهي بارده
يعني استحاله تدور العربيه وتمشي علي طول وأسأل اي حد معاه كريستاله
لكن انا بسيبها دقيقتين وابتدي اتحرك براحه