الواقعة دي حصلت من اسبوعين تقريبا
و لاقيت انه من واجبي "في ظل ما يجري" اني احكيها
راجع من اسكندرية ساحلي 160-170 (ساحلي و الصبح بدري)
كنت على سرعة 150 تقريبا قبل كوبري البرلس بكيلو تقريبا و الدنيا تمام
قبل طلعة الكوبري لاقيت اتوبيس بيطلع و يمينه فاضي طبعا خدت يمين و دايس عادي و فجأة قبل الطلعة بمسافة مش كبيرة خالص ....
لاقيت (فوجئت تحديد) ببيجو 7 راكب ظهر يمين من قدام الأوتوبيس (كان مخفى عنى خالص)
هديت شوية قول نزلت لسرعة 120 علشان هما شكلهم مهدي
و داخل خلاص عليهم 50 متر او اقل
و فوجئت !!!!!!!!!
البيجو خد يمين لأنه وقف ...وقف تماما و ماعندوش لمبة فرامل
و الأوتوبيس بيطلع الكوبري من على شماله ببطء
المسافة لاتسمح بالتوقف ابدا و كنت فعلا واخد يمين يعني ورا البيجو
استعديت للخبطة بشكل عفوي (مسكت الدريكسيون كويس ورجعت ظهري و راسي لورا) وضربت فرامل بكل قوة
طبعا طقطقة الفرامل كانت عالية جدا و العربية مش هاتلحق تقف و انا رايح للبيجو
والله و الله
في اخر ثانية لاقيت فتحة ظهرت لأن الأوتوبيس مشي لقدام شوية
و كان اخر امل اني اخد شمال عنيف (غرزة اجبارية) و أنا دايس فرامل للآخر
و قلت لو ما جتش يبقى جنب شمال احسن من صدر العربية
......
........
.......
و جت
الصعوبة كانت في تلات حتت
الشيفت من ورا البيجو
و ان ما البسش في اللأوتوبيس
و إني مالبسش في سور الكوبري
و كل ده و أنا دايس فرامل
ماحدش يقول مافيش EBD و ماحدش يقول عربية سكة و منظر بس الله يكرمكو
فيها عيوب؟؟؟ أه
بس بعيده عن الأداء
بعد ستر ربنا طبعا العربية شالتني قوي قوي
اللي عايز يقول مش ثابته يقول
و اللي بيقول بتعوم يقول
ربنا يديمها عليا نعمة و يرزقنى بأحسن منها
أنا مش زعلان و لا مهسهس
المفضلات