طالما الrpm بيوصل 6500 يبقى معندكش مشكلة غير تنضيف البوابة والمانيفولد
عرض للطباعة
طالما الrpm بيوصل 6500 يبقى معندكش مشكلة غير تنضيف البوابة والمانيفولد
دول كلمتين أنا أقتبستهم تانى من كلامى ياسامحاقتباس:
دا غير عنصر الأمان
مع السرعه الأقل بيزيد
ودول أهم حاجه فى الموضوع كله
طالما العربيه بدور وبتوصلك لمكانك اللى أنت عاوزه فى أمان
هو ده المطلوب
العربيه حتة حديده ولا تعقل
والسواقه مش بس الضغط على دواسة البنزين علشان
أسبق اللى جنبى
والناس يقولوا
ياه ....جيمس بوند أهو
لا ميهمنيش الفيلم دا كله
كل اللى يهمنى الوصول بأمان تام
وعاوز أقولك أنك مجرد مابتعدى ال 120 السكينه بتسرقك
فخليك عامل حساب النقطه دى
ممكن تفسير لهذة المصطلحات
سحب = بنزين+ شرارة + هواء
ممكن تقلى اعمل اية باظبط علشان اعرف بنزين+ شرارة + هواء
علشان العربية تسحب كويس لازم:
1-بنزين (طلمبة بنزين +وصلات البنزين+فلتر +رشاشات)
2-شرارة (موبينة+سلوك بوجيهات+بوجيهات)
3-هوا (فلتر +بوابة+مانيفولد)
وكل حاجة من دى ليها اختبار لقياس الكفاءة بتاعتها
عندى تصقيف بسيط ياجماعه
شاكك فى الطرمبه او الرشاشات
ازاى اقدر اعرف العيب من فيهم ؟
لو فعلا شاكك فى دول بالتحديد
يبقى الرشاشات على طول
والله ياهندسة كلامك مقنع جدا
بس هو اللى جاننى لية الصبح السحب بعد ال120 كان تعبان وباليل وانا راجع اتظبط واختلف
تعرف ياهندسة انا فى العيد على البحر على ملف ستانلى اللى هو قصاد الكوبرى واحد بعربية سوزوكى سويفت
كان ماشى واخد الطريق مقصات اخد غرزة من قدامى بعرض الطريق من اول حارة لأخر حارة كأن واحد يقطع الطريق وبيعدى السكة ......... حضرتك متخيل .. انا شوفت الموقف دة قولت دة يامشبيعرف يسوق يا اما مجنون ولقيت العربية اللى جانبى سخن معاة وجرى هما الاتنين مفيش ملفين لقيت العربية السزوكى راكبة عمود نور والتانية واكلة تلات عربيات
فا لو حتى الواحد اتجن فى لحظة وجرى ديقتين بيفتكر الحاجات دى وبيلم نفسة
يعنى حضرتك شايف ان مفيش مشاكل عندى
طيب موضوع ان لما بكبس الغيار بيقفل على 4.5 ولازم اشيل رجلى عشان يسحب من جديد؟
انا مستنى الجو يتعدل بس عندنا وانزل اشوف الموضوع بتاع تنظيف ماسورة البنزين اللى عند الطرمبة زى ماقالى الاخ الغالى استاذ حسام
بسيطه ياسامح باشااقتباس:
بس هو اللى جاننى لية الصبح السحب بعد ال120 كان تعبان وباليل وانا راجع اتظبط واختلف
أيه الفرق بين الصبح وبالليل
اليومين دول .....البرد ( درجة الحراره ياعنى )
بالليل الجو تلج اليومين دول
وده بيساعد على تقليل عملية تبخير البنزين
دا غير أن كثافة الهواء بتزيد
يعنى تحسن السحب
وأحنا ياسيدى مش عاوزين سحب ولا عاوزين سرعات
عاوزين بس الجو ينظبط
بدل التكتكه اللى أحنا فيها
عارف ياسيدىاقتباس:
تعرف ياهندسة انا فى العيد على البحر على ملف ستانلى اللى هو قصاد الكوبرى واحد بعربية سوزوكى سويفت
كان ماشى واخد الطريق مقصات اخد غرزة من قدامى بعرض الطريق من اول حارة لأخر حارة كأن واحد يقطع الطريق وبيعدى السكة ......... حضرتك متخيل ..
الشباب الروش ده
هما دول (جيمس بوند المصرى )
نعماقتباس:
يعنى حضرتك شايف ان مفيش مشاكل عندى
تصدق أنا مبسوط من المكنه عندك عامله كده معاكاقتباس:
طيب موضوع ان لما بكبس الغيار بيقفل على 4.5 ولازم اشيل رجلى عشان يسحب من جديد؟
وأنا شخصيا بأفرح لما ألاقى العربيه بترغمنى على عدم تزويد السرعه
وبتقوللى أنا مش حنولك اللى فى بالك
يمكن يكون ده خير ربنا رزقنى بيه
علشان الواحد السكينه متسرقوش ويزود سرعه
ويحط نفسه فى مخاطرات الله أعلم بيها
وده فضل من ربنا الصراحه
يا استاذنا الفاضل سمير انا مش من هواة السرعة
بس لازم العربية تكون طبيعية
لما تكون مواسير البنزين مكتومة ممكن تحرق الطلمبة مش اكتر من كدة
هههههههههههه .......... والله حضرتك زى العسل
بس متخافش عاليا انا مشى الطبيعى بنقل على 3000 لفة كدة تمام اوى
وحالات ال4000 وال5000 لفة دة لما بكون عايز اجرى العربية بس بعد ما احس انها اتخنقت من المشى فى الزحام ومن كتر الدبرياج والتحميل على التانى وكدة
حضرتك قولى على الفولة واطمن اخوك مش متهور ومحافظ على حتة الحيدة اللى معاة عشان ربنا يعلم هيا جيا ازاى اصلا