طنابير وتيل أمامى للميجان 2

**yalahwy2010** · 12-12-2009 05:20 PM

حد يفيدنى يا جماعة؟
انا عايز أغير طنابير أمامية وتيل أمامى
يتكلفوا كام؟...وأشترى منين؟ توكيل ولا مركز خدمة متمد؟
وشكرا لوحوش الميجان

**Ahmed Selim** · 12-12-2009 05:43 PM

العربية فى الضمان ولا لأ ؟

لو العربية برة الضمان ممكن تجيبهم من شارع دمشق فى حدود 500 الى 700 جم حسب النوع.

بس أبعد عن الصينى......فى نوع أسمه رمسا أسبانى و كويس على ما سمعت من ناس كتير هنا.

**Ahmed Selim** · 12-12-2009 06:16 PM

العفو يا باشا

بص أنا فى الفرامل بالذات مش بحب أجرب.....يعنى لو أنت متأكد من التيل و الطنابير اللى هتجبهم توكل على الله.....بس غيرهم عند حد فاهم زى الميكانيكيون العرب أو فرنش موتورز عشان حساسات ال abs

**zkralla** · 12-12-2009 08:29 PM

أنا ليه وجهة نظر اعتقد أن موضوع الطنابير وتيل الفرامل ما ينفعش تجيب قطع غيار من بره التوكيل حتى لو مكتوب عليها فرنساوى برده ممكن تكون مضروبه قطع الغيار الداخليه جيبها من اى حته تعجبك بس طنابير وتيل فرامل يبقى توكيل على طول
أنا واحد صاحبى عنده محل قطع غيار دايو فى اسماعليه لما كنت باروح معاه نجيب بضاعة كنت امسك الاصلى والمضروب وما اعرفش افرقهم خالص رغم أنى كنت باشترى بضاعة معاه مرات كتير جدا
وحماى عنده ورشة ميكانيكية وغير لابنه العفشه كامله وجابها على اساس أنها الاصلى والعربية اكسنت 98 وبعدها ب اسبوع المقص اتكسر منه وهو ماشى على طريق الفيوم والعربية الوش القدمانى راح وهو طلع باعجوبة يعنى غالبا ما عرفش يفرق بين الاصلى والمضروب (ربنا يسترها عليك وعلينا جمبعا ) يعنى اكيد حاجات فى العقشه كانت مضروبة
أسف أنا طولت عليك بس باقولك الى ارضاه لنفسى وباصدقك النصيحة لوجه الله

**ecybrarian** · 12-12-2009 08:48 PM

انا معاك يا استاذ zkralla..هو انا مارضتش اقول الطنابير دي عند مين علشان ما يبقاش إعلان..بس هي عند حد مضمون عند الوحوش (ملاك الرينو)..على فكرة في توكيلات مش بستورد إلا قطع غيار الموديلات إللي لسة نازلة..والباقي قيد موردين يا باشا..بس بشروط ومواصفات التوكيل..التكة بقى إنك تعرف مين الموردين دول

**zkralla** · 12-12-2009 09:00 PM

المشاركة الأصلية كتبت بواسطة ecybrarian

الطنابير الفرانساوي الاصلية انا لسه شايفها من يومين في التوفيقية..الخلفية (باين) 400 والأمامية 300 جنيه..او العكس!!! معلش مش فاكر قوي اصلي ماكنتش مهتم بالطانبير وسألت للعلم ليس إلا

لو عند حد أنت ضامنه 100% ممكن تبعت له على الخاص عشان ميبقاش اعلان ويبقى اى قرش يوفره هو اولى بيه وربنا يجازيك خير

**human** · 12-12-2009 09:17 PM

انا معاكو

**yalahwy2010** · 13-12-2009 07:55 AM

متشكرين يا جماعة جدااااااا.....معلومات 10\10
وانا هطمنكم لما أشترى وأركب ان شاء الله

-

الموضوع: طنابير وتيل أمامى للميجان 2

LinkBack

أدوات الموضوع

عرض

-

-

-

-

المواضيع المتشابهه

طنابير اماميه وتيل

سعر طنابير وتيل البولو

طنابير وتيل سبورت للالنترا

اية افضل نوع طنابير وتيل للسيفيا

استفسار بخصوص تغير طنابير وتيل أمامى لميجان 2005؟

الكلمات الدلالية لهذا الموضوع

المفضلات

المفضلات

ضوابط المشاركة