الموضوع: عايز انضف التابلوه

المشاركة الأصلية كتبت بواسطة crazylambada

ازيك الاول و حشتني جدا
فيه غسيل كيميكال بعمله عند كار كير بيرجع التابلوه زي ما كان نضيف
تختمه بملمع كيميكال يظبطلك الليله كلها
و اي خدمه

المشاركة الأصلية كتبت بواسطة motorizer

هقولك حاجة كويسة جداَ بما إنك مش عايز التابلوه يلمع.

إنت تجيب المالتي بربوس كلينر ده و ترشه عالأماكن اللي إنت عايزها .. و تنضف الفوم بفوطة مايكروفايبر .. و تسيب الحاجة تنشف .. بعد كدة أرمور أول عاملة وايبس للتابلوه هتلاقي منها إتنين ... Dashboard - gloss finish و ده لونه أصفر .. و dashboard - matt finish و ده لونه أخضر .. هتجيب الأخضر و كل فترة تمسح التابلوه و الأبواب بالمناديل دي هتلاقيها نضيفة و مش بتلمع.

المشاركة الأصلية كتبت بواسطة أبو صلاح

لسه جليب ملمع تابلوه من سبينس رائع جدا وعليه عرض 3 اكيا *24 منديل ب 12 جنيه ورائع جداااااااااا
كنت بدور عبيه اصلا لغلية لما لقيته بالصدفه
نوع رائع جدا

المشاركة الأصلية كتبت بواسطة أبو عبدالله

أيوه المناديل دي بتوصل لأيم مكان لأنها بتبقى مبلله وطريه في نفس الوقت

المشاركة الأصلية كتبت بواسطة razor_2004

بص يا خالد باشا فيه مناديل armor all و دى امريكى و فيه مناديل كتييير لكل شئ فى العربيه واحده للعجل واحده للفرش و هكذا
التابلوه فيه نوعين واحد بيدى لمعه و التانى بينضف و بيدى ريجه لكن مش بيلمع و اعتقد ان ده اللى انته عايزه

سعرهم 17 جنيه فى كارفور 15 منديل
ممكن تجيب الاسبراى بس مش عارف بكام و تجيب سفنجه كده armor all برضه ب اربعه جنيه و تدعك و انته بترش لحد ما توصل تحت
اتمنى اكون قدرت افيدك

متشكر جدا يا جماعه ..
و اسف على التاخير ...
انا شايف ان المناديل دى كويسه و سهل اجيبها ...(عشان فى المحله هنا مش كل حاجه موجوده)..:b4_592:
فالمناديل هجيبها بقى وا نا مسافر من امارات مصر مثلا ..؟؟
او لو روحت كارفور ..
صح كده ولا ايه ..؟؟