[/img][/list][/b]
[/img][/list][/b]
:eek:
طب وضح شوية ،،،
عشان نقدر بفيدك
جديده !!!!!!!!!
من الواضح إن صاحب الموضوع أكتفى بعنوانه و لم يكتب أي محتوى له !
:? :? :?
و لكن سأرد على العنوان و أقول
لو إمكانياتك المادية تسمح بشراء جديد بالقسط طبعا أفضل من المستعمل أما لو لم تسمح لك إمكانيتك بشراء بالقسط ........... فعليك بسيارة مستعملة حالة جيدة
الحقيقة الموضوع ده يختلف من شخص للتانى، فيه واحد تلاقيه يكره القسط او انه يبقى عليه ديون وفيه ناس تانية بالنسبة ليها عاادى
ده من الناحية النفسية
لكن من ناحية المصاريف والصيانة طبعا الجديد انت بتريح دماغك 3 او 4 سنين لقدام ويدوبك بتعمل الصيانة الدورية لكن المستعمل انت وحظك وحسب حالته.
الجديد ليس هو الأحسن دائما..يعني BMW دبانة مستعملة ولا ميتركس زيرو (بشرط الحالة) ؟؟؟ أكيد الـBM طبعا..وبعدين الواحد(الكلام على نفسي وإللي زي) ما يعرفش يركب زيرو إللي ها يركبه مستعمل..يعني انت تقدر ب 86,000 تركب بي ام بس عمري ما هاعرف اركبها زيرو
في حالتي انا راكب عربية إللي زيها جديد بيزيد عن تمنها 50,000 جنيه ..يعني ابيع وخش في ديون وورق ووجع قلب وفي الآخر أركب عربية زي إللي معي...طب ليه بقى؟؟ وعلى فكرة ما فيش عربية مش محتاجة مصاريف صيانة حتى الزيرو وإلا ها تحافظ عليها إزاي؟؟؟
الميزة في الجديد ان العربية مضمونة يعني مش راكب لها نص ولا ربع ولا أي مصيبة من دول..والعيب في المستعمل انك ممكن تلبس عربية من دول (حوادث يعني)
والله أعلم
أنا متشكر ليكو بس الموضوع فعلا محير يعني أنا معيا مبلغ ميجبش زيرو كاش بس ينفع مقدمة لسيارة جديدة وهادفع قسط هو إلى حد ما مش كبير وكمان مع تامين علشان لقدر الله إنتوا عارفين خطأ الغير , وطبعا المستعمل إرتفع سعره ومصاريفه دوريه ومتعب ....وهل هناك تامين شامل على العربية يعني لاقدر الله لو حصل حاجة مدفعش حاجة فيه سواء المحضر لصالحي او العكس..... :(
لو من سكان القاهره او اي مناطق مزدحمه و في امكانك انك تضغط نفسك و تجيب زيرو ما تترددش
ليه بقي؟؟
اولا حتبقي لسه عربيه ناعمه و سهله في السواقه في المناطق المزدحمه.
غير كده فيها تكييف جديد و مش حياثر علي العربيه و يسخنها و الافلام دي
كمان من المستبعد انها تعطل منك وسط الزحمه و تعملك مشاكل
ف انا رايي ان الجديد مفيش احسن منه لو في مقدره الواحد
طيب بس وضح شوية
المبلغ ده كام .......... من غير حسد
يمكن الخبراء هنا ينصحوك بحاجة مستعملة نظيفة بدل الأقساط أو حتي حاجة زيرو بس أقل شوية
لأنك كاتب موضوعك في الياباني العام ،،، ممكن يكون يجيب كوري أو ماليزي زيرو بسعر الياباني المستعمل
شكل المبلغ اللي معاك 300 الف و عايز تقسط بقية ثمن الباجيرو ...........
:mrgreen: :mrgreen: :mrgreen:
جدييييييييييييييييييييييي ييييييييييييييييييييد وبدون تردد طالما معاك تدفع القسط
المستعمل مش مضمون ومشاكلة كتير
الجديد على الاقل 3 سنين قبل ما يقولك هات وهات
شوف في حكمه أنجليزيه بتقول
واحد قال لواحد صاحبه باركلي مش جبت عربيه قاله : ألف مبروك مستعمله؟ قاله: مستعمله ليه ياعم هو أنا غني.....
العربيه المستعمله عايزه مصاريف مهما كانت حالتها والميكانيكيه في مصر ماشاء الله أحسن منهم في النصب مفيش أتوكل على الله لو معاك تدفع القسط وهات جديد إن شالله ماروتي....
انا عامة المبلغ مش كبير حوالي 25 ألف واقدر اقسط 1600 يعني المبلغ ده يجيب 128و132.....يعني مستعمل قديم كمان 0000 وانا مختار ياباني عام لأن الحالة دي منطبقة على عربية تويوتا يارس وانا شفت المنتدى والمشاركات إلي فيه ترشح اليارس ....بس المهم هنا يا جماعة موضوع التامين الشامل على العربية زي ماوضحت قبل كده لأن لسعة الجديد جامدة شوية 0000 والمستعمل بالحالة دي مصاريفة كتير ودوريه000000000اقتباس:
طيب بس وضح شوية
المبلغ ده كام .......... من غير حسد
يمكن الخبراء هنا ينصحوك بحاجة مستعملة نظيفة بدل الأقساط أو حتي حاجة زيرو بس أقل شوية
لأنك كاتب موضوعك في الياباني العام ،،، ممكن يكون يجيب كوري أو ماليزي زيرو بسعر الياباني المستعمل
gإيه ياجماعة مفيش رد يعني أديكم عرفتم مشكلتي هو إنتوا بتزهقوا بسرعة كده ولا مشغولين ...........
انا رايي تشتري جديد احسن طبعا لأنه لا يحتاج مصاريف الان خالص
اما المستعمل فده مصاريفه لا تعلم
المستعمل مش مضمون ومشاكلة متير
والقسط خنقة يعني لازم تكون ملزوم كل شهر ان انت تدفع مبلغ معين
علشان كدة انا رأية انك متجبش عربية خالص
انا شايف تشترى عربية مستعملة بحالة جيدة وسيبك من القسط ووجع القلب محدش عارف المستقبل فيه ايه
بردو الناس ماردتش عليا في موضوع التامين ده ياجماعة في حالة الخطأ مني أو من غيري وإيه أحسن تامين في مصر أنا سمعت إن التامين في كونتاكت كار أفضل واحد وناس محترمة........