بص ياباشا انا سوقت ال3عربيات دول
بس معرفش حضرتك بتتكلم على الاكسنت ولا النيو اكسنت
الانوس حلوة جدا وقعدتها كويسة وبتجرى وناعمة ومكنتها على قد جسمها .
الفيرنا محستش فيها غير انى راكب متور بس كا عربية مقتعتش بيها ومكنتها عفية اوى على جسمها.
الاكسنت عربية حلوة بس اقل رفاهية من الانوس والفيرنا كا صالون ومفهاش كونصول مع الطابلوة يعنى حاسس انها لادا بس انسيابية وناعمة .
النيو اكسنت اكيد كا تكنولوجيا اعلى منهم وشكل عصرى اكتر وكماليات اكتر مكنتها قوية ومناسبة مع جسمها غير الفيرنا
بس لما سوقتها حسيت انها خفيفة اوى بعد ال110 .

طبعا دة رأى الشخصى لتجربتى للعربيات دى وممكن يكون حد لية رأى اخر
وارشحلك من( الانوس والفيرنا والاكسنت ) الانوس
ولو (لانوس وفيرنا ونيو اكسنت) نيو اكسنت
وربنا يوفقك فى الاختيار الانسب والافضل لأحتياجك
بس نصيحة بلااااش فيرنا بجد صفقة خصرانة هيا فعلا فيها مكنة عفية جدا وتطلع من اى عربية بس العربية مش مكنة بس
وكتير جابوها وندموا على اخيارها وواحد صحبى قالى باللفظ دى عربية تلبيسة