الموضوع: بيان 1 قررت اعمل انقلاب........علي المعهد.

ربنا يوفقك و يقويك .. و ما تسكتش على حقك أبدا

بس انا كنت معتقد إن حضرتك راجل متجوز و مخلف :10d5c8~1107:

انت تروح انت والرجالة المعهد وتقولوا احنا عاوزين كارنيهاتنا ومش هاندفع الكورسات ولو ما اخدناش الكارنيهات هانطلع على الوزارة ونعمل شكوى وشوفوت هايقولوا اية

(بس تصدق انى كنت فاكرك فوق الاربعين ومتجوز ومخلف مش عارف لية )

المشاركة الأصلية كتبت بواسطة ksa2011

طول الوقت عامل مشاكل وبعدين انت لسه بتدرس وانا مفكر انك مخلص دراسه و متجوز كمان
على العموم انا ممكن اكلملك هانى صاحبى وحبيبى من زمان و محترم اوى
بس انا رايى من رأى صاحبك و الافضل بقى انك تكتب شكوى و تكتب فيها كل الى قلته وتمضى كل زمايلك عليها واوعى تعمل اى حاجه لوحدك لازم مع الجميع عشان ساعه ما بيحصل حاجه انت عارف الرجاله مش هتلاقى ولا واحد
وربنا يعينك يا عم و اطمن ماحدش ولا فيه اى قوه تقدر تمنعك من دخول المعهد او الامتحانات او المحاضرات بغض النظر عن انك اخويا

معرفش انت جايب الثقة دي منين .....انت ليك قرايب في اليمن.
كتبنا قبل كده ورقة وكتبنا عليها اسمنا نفر نفر وحاورناهم بالذوق والأدب وبعد كده ييجوا يكلمونا كأننا عيال صغيرة ويحاولوا يقنعوا فينا اننا نخش وبتاع شؤون الطلبة يقولي (ماينفعش اسيب طالب يسوء سمعة المعهد لما يروح يشتغل وهو ماعهوش انجليزي زي ما يكون هو اللى هيعينا مثلا وكله بيطبل لأبن صاحب المعهد.....السنة اللى فاتت لما دخلت لعميد المعهد فضل يمدح فيا ويقولي انا بافرح لما اشوف طالب محترم زيك في المعهد وعمال يغني عليا ولما اضطريت اني يكون كلامي حاد معاه اتضايق وكمان هددني بأسلوب غير مباشر انه هينزلني في الدرجات وقعد يقولي عيب يعني واحد زيك يكلم كده ويشاور علي دقنه علشان انا مربي لحيتي قلتله حضرتك انا بكلم في حقي وانا مغلطش في حد قال طب لما تتطلع النتيجة متسألش عليها رحت سايبه وماشي.

المشاركة الأصلية كتبت بواسطة relentless_mayhem

ربنا يوفقك و يقويك .. و ما تسكتش على حقك أبدا

بس انا كنت معتقد إن حضرتك راجل متجوز و مخلف :10d5c8~1107:

ما هو انا لازم اعمل احتياطاتي يعني انا لو كتبت اسمي وبعد كده اتجوزت وخلفت مش هعرف اغير اسمي وارجو ان اكون عند حسن ظنكم بي.

ده مش انا لوحدى بقا اللى كنت فاكرك كبير ومتجوز وعندك اولاد كمان :)

على فكره الجماعه بتوع الخاص بيخافو جدااااااااا من الوزاره علشان بتوع الوزاره عندهم 1000 طريقه يضايقوهم بيها

المشاركة الأصلية كتبت بواسطة eng.octooo

انت تروح انت والرجالة المعهد وتقولوا احنا عاوزين كارنيهاتنا ومش هاندفع الكورسات ولو ما اخدناش الكارنيهات هانطلع على الوزارة ونعمل شكوى وشوفوت هايقولوا اية

(بس تصدق انى كنت فاكرك فوق الاربعين ومتجوز ومخلف مش عارف لية )

ما انا فعلا اتفقت علي كده مع اصحابي ...احتمال بكرة تلاقي علي طريق بلبيس قطع غيار بني ادمين .....وبالنسبة لموضوع ظنكم اني سني كبير فده اكيد ليه علاقة بالأسم بتاعي علي المنتدي والأسم ده ليه قصة طويلة هبقي احكيهالكم بعدين.

المشاركة الأصلية كتبت بواسطة ahmed0nouh

ده مش انا لوحدى بقا اللى كنت فاكرك كبير ومتجوز وعندك اولاد كمان :)

على فكره الجماعه بتوع الخاص بيخافو جدااااااااا من الوزاره علشان بتوع الوزاره عندهم 1000 طريقه يضايقوهم بيها

ما هو انا برده خايف لحسن يكونوا بيدفعوا لحد في الوزارة علشان يعملوا اللى هم عايزينه يا اما هم مستغلين ان معظم الطلبة من الشرقية ومافيش حد هيفكر انه يخبط مشوار للسيدة زينب وهو مش عارف هي فين .
وعلي فكرة يا استاذ احمد انا سلمت عليك في المقابلة بتاعت افطار رمضان كنت لابس تي شيرت ابيض وكنت قاعد جنب احمد كمال لما كان بيكلم مع استاذ كريم علي موضوع الأوفر بريس.

المشاركة الأصلية كتبت بواسطة ابو الوليد المصرى

ما هو انا برده خايف لحسن يكونوا بيدفعوا لحد في الوزارة علشان يعملوا اللى هم عايزينه يا اما هم مستغلين ان معظم الطلبة من الشرقية ومافيش حد هيفكر انه يخبط مشوار للسيدة زينب وهو مش عارف هي فين .
وعلي فكرة يا استاذ احمد انا سلمت عليك في المقابلة بتاعت افطار رمضان كنت لابس تي شيرت ابيض وكنت قاعد جنب احمد كمال لما كان بيكلم مع استاذ كريم علي موضوع الأوفر بريس.

بتتكلم بجد !!!

انت اكيد سلمت على ومقولتش ابو الوليد او قولت ومشيت على طول لأنى سلمت على ناس كتير فى الاخر وكلهم مشيو :)

الزهايمر قاتل بعيد عنك , بس المقابله الجايه ان شاء الله لازم نقعد مع بعض