السلام عليكم ورحمة الله وبركاته.....
ازيكم يا جماعة عاملين ايه..... ايش لونكم.......كيف الحال.
المهم انا طالب في معهد العبور العالي....المشكلة بأختصار ان ابن صاحب المعهد اللى هو امين المعهد وعضو هيئة تدريس واستاذ مساعد(المفروض علي الألقاب دي صورته تنزل علي الجنيه)
من السنة اللى فاتت وهو عامل كورسات انجليزي وكمبيوتر وعاملها اجباري علي الطلبة....السنة اللى فاتت كان رابط الموضوع بدفع المصاريف يعني مفيش دفع مصاريف غير لما تدفع الكورس وانا تقريبا الوحيد اللى مدفعتش اشتراك الكورس بعد شد وجذب مع عميد المعهد....السنة د بقي رابط الكورس بالكارنيه مش عايز يدي الكارنيهات لحد مع اني دافع المصاريف من اول السنة وكل الطلبة اللى دخلوا السنة اللى فاتت رافضين يدخلوا السنة دي واللى دفع دفع علشان يريح دماغه.....تطورات الموضوع وصلت النهاردة انه منع الطلية من دخول المعهد للي معاهم الكارنيه والناس اللى كانت بتخش بأيصال المصاريف والكارنيه القديم اخدهم منهم وعملهم تصاريح دخول وواحد من اصحابي امبارح زعق شوية راح الأمن شايله وطلعه برة وبيقولي زراير القميص اتقطعت وبعد كده بعتوله قعد مع ابن صاحب المعهد شوية وقالوا انا هميزك عن بقية الطلبة بس متقولش لحد انا هعفيك من مصاريف الكورس بس تحضر المحاضرات بتاعته....انا مرحتش المعهد من بعد العيد غير النهاردة ورحت متأخر فدخلت عادي....وقررت انا ومجموعة من الأصدقاء نروح نشتكي لمدير التعليم الخاص بالوزارة بكرة الصبح فواحد صاحبي قالى بكرة نحاول معاهم مرة واحدة علشان منصعدش الأمور ولو مرضيوش يدونا الكارنيهات نطلع علي الوزارة علي طول....فأيه رأيكم نعمل ايه في هذه المعركة.
وحسبنا الله ونعم الوكيل.
المفضلات