إن شاء الله هتلاقي مقاسك .. و هم عندهم ترزية في المعارض عشان لو في اي تظبيط انت عايزه في البدلة
و تحت امرك
عرض للطباعة
استاذ لورد
ياريت تجاوبنى
طب اخبار اللبس الكاجوال ايه؟
وماحدش قالنا رينج الأسعار لكل توكيل من دول
انا حاجى من الإسماعيلية المنطقة التالته والتانية دى ع يمينى ولا شمالى ف اول البلد ولا اخرها؟
اسمحوا لي أحد تجربتي في موضوع العاشر ..
* العاشر و اكتوبر علي قدم المساواة في موضوع شراء الهدوم .. اللي موجود هنا موجود هناك
*كونكريت و براندز... الاتنين شركة واحدة .. لكن فيه فرق في الخامة و جودة التصنيع ... بدل كونكريت غالية شويتين .. البدل من 800 و انت طالع .. و بيبقي فيها حوالي 15 او 20% عن المحل ...
و عموما كونكريت اللبس ( الاولي ) بيقي فيه حوالي 20% عن المحل .. و الفرز ( الديفوه ) بيكون فيه حوالي 35- 40 % عن المحل
* جولدن تكس .. في الشارع اللي ورا كونكريت مباشرة ... دورين .. الدور العلوي بدل و قميص و جاكيت و بالطو رجالي .. الدور السفلي تيشرتات و مفارش و بيجامات و ملابس داخلية رجالي
البدل هناك في متوسط 450-650.. و عندهم ماركات زي بيير كاردان و غيرها .. و بصراحة مش عارف حقيقة هذه الماركات و كونها اصلية او لأ
* عرفه جروب.. بعد النساجون الشرقيون امام محطة الكهرباء ... يشمل اديداس و ديادورا .. و الدور السفلي فيه هوا هوا منتجات جولدن تكس .. و بعض الماركات الاخري...
*دايموند تكستايل ( لورنزو ) .. و ده تخش كأنك داخل العاشر و تاني ميدان يمين .. خلف كادبوري ... فيه 3 محلات .. محل للسمارت كاجوال ( قميص و بنطلون و جينز و جبردين .. و محل للبدل ( الدرجة الاولي ) و فيها حوالي 20% عن المحل ( البدل هناك في معدل ال 450 - 650 برضه ... و عنده ماركتين : لورنزو .. و فان روسي و دي اغلي شوية من لورنزو لفرق الخامة فقط.. و محل للفرز و البواقي ( بتبقي ارخص من المحل
عندهم ترزي يظبطلك اللي انت عايزه .. و يديهولك في نفس الساعة .. و كله بتمنه
*داليدرس... ده محل جوه العاشر .. ادي ظهرك لموقف الميكروباص ( الاردنية ) و امشي طوالي حتلاقي صيدناوي .. هو خلف صيدناوي و بي تي ام.. حتلاقي فيه بلوفرات كويسه و سويت شيرت و بنطلونات مش بطالة ... و فيه جزء حريمي كمان
-----
عذرا للاطالة .. و اتمني ان اكون قد أفدت
انا اسف على التأخير في الرد
بالنسبة للكاجوال اسعاره مش مختلفة كتير عن القاهرة لغير التوكيلات
التوكيلات هتلاقيهم ارخص شوية بس اليومين دول مفيش اي تخفيضات
لو حضرتك جاي من اسماعيلية في اتجاه القاهرة
يبقى على شمالك المنطقة الصناعية التالتة و دي هتدخلها من تحت اول كوبري يقابلك
و على يمينك المدينة السكنية و داخلها المنطقة الصناعية التانية اللي فيها Loranzo & BTM & Dalydress
انا معظم بدلي من لورينزو
لانها الوحيدة اللي بتريحني وبعرف اشتغل بيها
خصوصا لو شغلك بيجبرك انك تلبس بدل كذا ساعة في اليوم
المكان كويس في العاشر من رمضان بس على حظك ممكن تلاقي مقاسك وممكن لأ
كمان لو ملقتش في العاشر حتلاقي في معرض لورينزو في ميدان روكسي ادام السينما
بس اسعاره اعلى من مصنعه !!!
المهم تاخد طريق الاسماعيلية
الكوبري الاول عند العاشر تطلع
الكوبري الثاني تنزل من تحته (يعني من تحت طريق الاسماعيلية) وتدخل شمال
انت كده دخلت العاشر اول ميدان لأ
ثاني ميدان ادخل يمين
آخر الشارع حتلاقي مصنع بيسموه مصنع بم بم (فاكر بم بم بتاع بم بم بيقدم جوايز)
حتلاقي المصنع عليه علامة كادبوري
خش من جنبه شوية وحتلاقي مصنع دايموند تكستايل (اللي هو مصنع لورينزو)
عندك اوضتين
اول واحدة وانت داخل على اليمين فيها البدل الحرير بيسموها درجة اولى
ما بحبهاش عشان بتحر في الصيف وتسقع في الشتا
ثاني اوضه فيها بدل قطن (بيسموها درجة ثانية)
مريحة جدا وناعمة
بصراحة مش عارف اوفيكم حقكم شكر
طب معلش طلب بقى من الرجالة اللى سكانة هناك ممكن بس بعد أذنكم أى رقم موبيل نقدر نتصل بأى حد من حضراتكم علشان مثلا اللى رايح ممكن يتوه
انا من العاشر
وممكن اكون رحت بعض الاماكن دي
لكن للاسف مفتكرش منها ولا مكان
وبجيب اللبس من القاهره
علاقتي بالعاشر البيت فقط !!
بس اكيد هدور على الاماكن دي واعملكو تقرير قريب
شهر كدا ولا شهرين