المقارنه الشامله بين هيونداى نيو اكسنت و بروتون برسونا (newaccent vs persona )

بسم الله الرحمن الرحيم
طبعا لاحظت شبه اجماع الاعضاء على ان دول افضل عربيتين سيدان فى فئتهم السعرية وسؤال الكثير من الافضل


اولا الموتور والفتيس
1- نيو اكسنت :1600cc dohc cvvt
القدره الحصانيه : 82كيلووات = 110 حصان وأقصى عزم 145 نيوتن عند 4500 لفه
السرعه القصوى : 190 / التسارع (0-100) : 10.8 ثانيه.
يتميز محرك النيو اكسنت بسرعة تجميعه وقوته وبتكنولوجيا cvvt ويعيبه صوته خشن وعالى نوعا ما
الفتيس : مانوال 5 سرعات /اوتوماتيك 4 سرعات

2- برسونا : 1600cc dohc campro
القدره الحصانيه 82 كيلو وات = 110 حصان واقصى عزم 148 عند 4000 لفهى : 190 / التسارع 0-100 : 10.7 ثانيه
يتميز محرك البرسونا بتكنولوجيا شركة لوتس للسيارات الرياضيه الانجليزيه (campro) وصوته الرياضى وسرعة تجميعه على السرعات العاليه
ويعيبه ايضا صوته العالى نوعا ما
الفتيس : مانوال 5 سرعات / اوتوماتيك 4 سرعات (mitsubishi)

ثانيا الكماليات :
النيو اكسنت : زجاج كهربائي-راديو CD-سنتر لوك بريموت كنترول مع جهاز انذار-باور ستيرنج-عدد اماكن التخزين-جراب نظارة- تكييف

البرسونا : باور - تكييف - زجاج كهربا امامى وخلفى - راديو سى دى mp3- سنتر لوك بريموت - 2 ايرباج - مرايات كهرباء - فرامل و ebd Abs - باركنج سنسورز - فوج لايت - طاره ملتى فنكشن - جنوط سبور 15 - تحكم فى اتجاه الفانوس ونور التابلوه

ثالثا : الثبات
1- نيو اكسنت : ثبات متوسط يصل لدرجة مرضى وعفشه رياضيه خشنه لتحقيق الثبات مع وزن قليل وتصميم عالى
2- برسونا : ثبات عالى جدا على السرعات العاليه بسبب العفشه الخلفيه الرياضيه المنفصله متعددة الوصلات ذات تكنولوجيا شركة لوتس لسيارات السباق وايضا خشنه نوعا ما

السعر :
1- اكسنت 78000 جنيه للمانوال و 84000 جنيه اوتوماتيك
2-برسونا 84000 جميه مانوال و 89000 جنيه اوتوماتيك

تقييمى الشخصى :
1- الموتور : متساوى فى السيارتين تثريبا ولكن يتميز موتور البرسونا فى الصوت والطابع الرياضى
2- الثبات : تتفوق البرسونا بفارق كبير
2- الكماليات : فارق واضح لصالح البرسونا
3- وسائل الامان : تتفوق البرسونا بوجود فرامل abs ونضام ebd و airbags
4-تقفيل : لصالح الاكسنت بسبب وجود بعض عيوب التقفيل فى البرسونا فى بعض سياراتها ولكن التفوق فى الصالون الداخلى فقط
5- الوسع الداخلى : متشابه جدا ولكن كراسى الاكسنت اريح
6- قطع غيار : متوفره فى كلاهما ولكن فى الاكسنت ارخص

مين يكسب !!!!!!!! سايبها ليكو

ملحوظه : انا تعبت فى الموضوع ده وياريت لو اتنقل يذكر انه منقول من منتدى نايل موتورز ويتحط لينكه

طبعا اكيد فى معلومات ناقصه لو حد عنده معلومات اضافيه يقولها وان شاء الله يتم التنسيق مع المشرف لتضاف و يكتمل الموضوع

وديه بعض الصور للعربيتين لان الشكل اذواق والحكم ليكو
مستنى تقييماتكو

مميزات وعيوب العربيتين بالكامل من ملاكها :
1- النيو اكسنت http://www.nilemotors.net/Nile/102109-a.html
2- البرسونا http://www.nilemotors.net/Nile/10722-2.html

عشان لازم اللى عايز يشترى يعرف كل حاجه عن العربيتين وبدل الدوخه فى المنتدى كله دى اهم المميزات والعيوب
واى حد عنده اسئله يسألنى وان شاء الله اجاوبو عليها

استاذ ورئيس قسم البروتون والاكسنت

مقارنة رائعة

اقتباس:

---

المشاركة الأصلية كتبت بواسطة hamadamdph

استاذ ورئيس قسم البروتون والاكسنت

---

شكرا على المجامله الجميله دى

اقتباس:

---

المشاركة الأصلية كتبت بواسطة bluemaneg

مقارنة رائعة

---

ربنا يخليك كله لعيون اعضاء نايل موتورز

بس عايز اراءكو ايه احسن ولو بتشترى هاتشترى انهى فيهم وليه ؟؟؟؟؟؟؟؟؟؟

مشكوووووور والله يعطيك الف عافيه

شكرا للمقارنة الجميلة وانا عن نفسي لوهاختار هابقى في حيرة.. الاكسنت اختارها لثقتي في جودة هيونداي وتكاليف التشغيل المعقولة اما البرسونا اختارها لشكلها الجميل ومحركها الرياضي وكمالياتها الكثيرة

اقتباس:

---

المشاركة الأصلية كتبت بواسطة usa_o2000

مشكوووووور والله يعطيك الف عافيه

---

ربنا يخليك ويعطينا كلنا العافيه

اقتباس:

---

المشاركة الأصلية كتبت بواسطة beam28

شكرا للمقارنة الجميلة وانا عن نفسي لوهاختار هابقى في حيرة.. الاكسنت اختارها لثقتي في جودة هيونداي وتكاليف التشغيل المعقولة اما البرسونا اختارها لشكلها الجميل ومحركها الرياضي وكمالياتها الكثيرة

---

ليك حق الاتنين ممتازين فعلا

شكرا يامومو على مجهودك

شكراً يا مومو على تعبك فى اعداد المقارنة ، والحقيقة أنا بناءاً على المعلومات الواردة فى الموضوع الاختيار أصبح محسوم لـ ..
..
..
..
..
..
..
..
..
..
..
نيسان صنى :44:

اقتباس:

---

المشاركة الأصلية كتبت بواسطة hosam_optrawy

شكرا يامومو على مجهودك

---

العفو ياباشا
ولاونى عارف اختيارك
بس ممكن تقولى تفضل انهى و ليه ؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة egyzizo

شكراً يا مومو على تعبك فى اعداد المقارنة ، والحقيقة أنا بناءاً على المعلومات الواردة فى الموضوع الاختيار أصبح محسوم لـ ..
..
..
..
..
..
..
..
..
..
..
نيسان صنى :44:

---

ههههههههههههههههههههههههه ههههههه
حلوه دى انت بتقرا موضوع تانى ولا ايه !!!!
انما لو كنت بتتكلم جد فالصنى الكامله ب 105 فئه تانيه خالص فرق 20 ألف

اقتباس:

---

المشاركة الأصلية كتبت بواسطة momopersona

ههههههههههههههههههههههههه ههههههه
حلوه دى انت بتقرا موضوع تانى ولا ايه !!!!
انما لو كنت بتتكلم جد فالصنى الكامله ب 105 فئه تانيه خالص فرق 20 ألف

---

كنت عايز اضحكك بس ..

بس على فكرة الصنى الكاملة الـ ex-saloon أوتوماتيك تخلص بـ 92 ألف وتزود ألفين لو عايز ABS

الكلام ده كان من شهرين أيام ما كنت باشترى وأعتقد ان الوضع مازال كما كان ان لم يكن أحسن ..

وان جيت للحق أن المشاركة دى كانت تعليق على جملتك :

اقتباس:

---

طبعا لاحظت شبه اجماع الاعضاء على ان دول افضل عربيتين سيدان فى فئتهم السعرية وسؤال الكثير من الافضل

---

وبعدين عندى سؤال تانى بصفتك بروتونى ..
انت بتقول ان الاكسنت والبيرسونا أفضل عربيتين فى فئتهم السعرية ..
طيب ما حطتش معاهم ليه الجين 2 ، والواجا ، ما هم فى نفس الفئة السعرية ؟؟
واللا فيه اجماع بين البروتونيين ان البيرسونا أعلاهم ؟؟

وايه الحكمة ان شركة بروتون منزلة 3 عربيات قريبين من بعضهم قوى فى السعر ..

هل ممكن تفرق بين التلاتة فى عبارة واحدة لكل عربية؟
بيرسونا .................
جين 2 .................
واجا ...................

بينى وبينك انا ماركبش ال ex دى خالص
1- من غير عمود اتزان خلفى : يعنى لو بجرى فوق 100 واتحطيت فى موقف اجيب الدريكسيون يمين شمال اتشاهد وانا باعمل كده بالذات ان العربيه عاليه زياده عن اللزوم
2- شكل تابلوهها وحش اوى
3- والا الاير باج الواحد بس ده : ايه فكرته ان انا اعيش ومراتى تموت ههههههههههههه
والله فكره
4- ال abs وال ebd
5- اساسا تقفيل النيسان وحش اوى شغل المصريين معلملك على كل حاجه وغير ان شكلها قديم موت
6- وديقه اوىىىىىىىى ديه اكتر حاجه مدايقانى منها :
اللى قدام الدوسات قريبه جدا مع ان فى مسافه تحتيها فلازم يرجع الكرسى سنه يبئا اللى ورا لازم يربع على الكنبه
انا رأيى ان العربيه دى موتور يابانى يستحمل وعفشه عاليه ديه ميزيتها غير كده كل حاجه مش تمام

اعتقد لو بختار ممكن اختار البيرسونا و ده علشان غبور باشا مفيش حد بيشكر فيه و عاوز علشان تاخد حقك يكون بالك طوييييييييييييييييييييييي ل و بصراحة انا مش عاوز وجع دماغ
هو اينعم عز العرب مش افضل من غبور بكثير لكن اهو افضل منو حتى لو بشوية صغيرين
+ ان البيرسونا في الامان اعلى و ده اهم شئ بالنسبالي تولع العربية بس يكون اللي راكبين معايا في امان لو لا قدر الله حصلت حادثة و مكتوبلنا النجاة
و شكرا على المقارنة الممتازة دي

اقتباس:

---

المشاركة الأصلية كتبت بواسطة egyzizo

وبعدين عندى سؤال تانى بصفتك بروتونى ..
انت بتقول ان الاكسنت والبيرسونا أفضل عربيتين فى فئتهم السعرية ..
طيب ما حطتش معاهم ليه الجين 2 ، والواجا ، ما هم فى نفس الفئة السعرية ؟؟
واللا فيه اجماع بين البروتونيين ان البيرسونا أعلاهم ؟؟

وايه الحكمة ان شركة بروتون منزلة 3 عربيات قريبين من بعضهم قوى فى السعر ..

هل ممكن تفرق بين التلاتة فى عبارة واحدة لكل عربية؟
بيرسونا .................
جين 2 .................
واجا ...................

---

1- برسونا : احسن عربيه (سيدان) رياضيه فى فئتها السعريه
2-الجين 2 : هى نفسها البرسونا بس ليفت باك يعنى لو بتفكر فيها حط كلمة جين2 بدل برسونا فى المقارنه وكلمة ليفت باك بدل سيدان
3-الواجا : فئه اعلى يعنى ماينفعش اقارنها بالاكسنت ولا الجين2 خالص ممكن تتقارن بالالنترا والسيراتو مثلا

اقتباس:

---

المشاركة الأصلية كتبت بواسطة superiorboy

اعتقد لو بختار ممكن اختار البيرسونا و ده علشان غبور باشا مفيش حد بيشكر فيه و عاوز علشان تاخد حقك يكون بالك طوييييييييييييييييييييييي ل و بصراحة انا مش عاوز وجع دماغ
هو اينعم عز العرب مش افضل من غبور بكثير لكن اهو افضل منو حتى لو بشوية صغيرين
+ ان البيرسونا في الامان اعلى و ده اهم شئ بالنسبالي تولع العربية بس يكون اللي راكبين معايا في امان لو لا قدر الله حصلت حادثة و مكتوبلنا النجاة
و شكرا على المقارنة الممتازة دي

---

يعجبنى تفكيرك اوى فعلا الامان اهم من اى حاجه وفعلا البرسونا من اكتر العربيات الاامنه وبسعر قليل (ثبات وabs وebd و airbags وصاج قوى كمان)

مقارنة حلوة يا مومو .. بس احب اضيف حاجة صغيرة فى كماليات النيو اكسنت الكاسيت mp3 بمخرج usp + اضاءة امامية للقراءة و الموتور 112 حصان . و يا ريت كمان تدخل فى المقارنة الصيانة و قطع الغيار و اعادة البيع عشان دى حاجات تهم ناس كتير فى المقارنة . و شكرا ليك

مقارنة ظالمة للأكسنت
البيرسونا فئة أعلى بدون كلام, حتى لو السعر متقارب

اقتباس:

---

المشاركة الأصلية كتبت بواسطة ezzatfox

مقارنة حلوة يا مومو .. بس احب اضيف حاجة صغيرة فى كماليات النيو اكسنت الكاسيت mp3 بمخرج usp + اضاءة امامية للقراءة و الموتور 112 حصان . و يا ريت كمان تدخل فى المقارنة الصيانة و قطع الغيار و اعادة البيع عشان دى حاجات تهم ناس كتير فى المقارنة . و شكرا ليك

---

ااه سورى انا قرأت الديزل 110 لكن فعلا اللى عندنا 112 بس اقصى عزم 125.1 مش 128 يعنى دى شايله دى وفى رأيى الى حد ما الموتورين متساويين
ااه والكماليات فعلا كاسيت mp3
بالنسبه للصيانه ادخلها ازاى يعنى ؟؟؟؟؟
واعادة البيع لسه مجهوله لان العربيتين لسه جداد بس طبعا اعادة البيع للهيونداى احسن بس الفرق فى الخساره مش هايعدى 5000 جنيه مثلا انا رأيى ان لو انت بتفكر فى البيع قبل ماتشترى يبئا ماتشتريش جديد اساسا وخليك فى المستعمل عشان ماتخسرش وياسلام لو فيات
وقطع غيار البروتون فى التوكيل اهى http://www.nilemotors.net/Nile/73013-a.html
ياترى قطع غيار الاكسنت عند غابور بكام ؟؟؟؟؟؟ وبرده لو تهمك اوى قطع الغيار يبئا خليك فى الشاهين و لادا كده يعنى عشان العربيات الجديده كلها قطع غيارها غاليه حتى هيونداى (القطع الاصليه مش اللى بتبوظ فى يومين)
وشكرا على ردك يا باشا

اقتباس:

---

المشاركة الأصلية كتبت بواسطة hesham_soaida

مقارنة ظالمة للأكسنت
البيرسونا فئة أعلى بدون كلام, حتى لو السعر متقارب

---

بس بفرق صغير والناس محتاره بينهم وشكرا على ردك ياباشا

سورى العزم 145.1 والبرسونا 148 غلطة كيبورد معلشى

اقتباس:

---

المشاركة الأصلية كتبت بواسطة momopersona

ااه سورى انا قرأت الديزل 110 لكن فعلا اللى عندنا 112 بس اقصى عزم 125.1 مش 128 يعنى دى شايله دى وفى رأيى الى حد ما الموتورين متساويين
ااه والكماليات فعلا كاسيت mp3
بالنسبه للصيانه ادخلها ازاى يعنى ؟؟؟؟؟
واعادة البيع لسه مجهوله لان العربيتين لسه جداد بس طبعا اعادة البيع للهيونداى احسن بس الفرق فى الخساره مش هايعدى 5000 جنيه مثلا انا رأيى ان لو انت بتفكر فى البيع قبل ماتشترى يبئا ماتشتريش جديد اساسا وخليك فى المستعمل عشان ماتخسرش وياسلام لو فيات
وقطع غيار البروتون فى التوكيل اهى http://www.nilemotors.net/Nile/73013-a.html
ياترى قطع غيار الاكسنت عند غابور بكام ؟؟؟؟؟؟ وبرده لو تهمك اوى قطع الغيار يبئا خليك فى الشاهين و لادا كده يعنى عشان العربيات الجديده كلها قطع غيارها غاليه حتى هيونداى (القطع الاصليه مش اللى بتبوظ فى يومين)
وشكرا على ردك يا باشا


بس بفرق صغير والناس محتاره بينهم وشكرا على ردك ياباشا

---

اقصى عزم 145 زى ما كنت كاتب فى المقارنة مش 125 ، و فعلا الاتنين قريبين فى قوة الماتور مع اختلاف ان البيرسونا سحبها قليل على السرعات القليلة ا اقل من ار بى ام 3 و بيزيد على على السرعات العالية انما الاكسنت العكس سحبها افضل فى السرعات القليلة لغاية rpm3.5 او لغاية 120كم و بيقل بعد كدة . بالنسبة للصيانة كان قصدى مدى سهولة الصيانة و توافر مراكز الخدمة و قطع الغيار و اسعارها . بالنسبة لاسعار قطع الغيار الاصلية فى غبور بما انى لسة عامل صيانة من يومين و سألت على بعض الاسعار هقوللك اللى فاكرة . تيل فرامل امامى : 210 جنية فلتر بنزين : 130 جنية فلتر زيت : 18 جنية بوجية : 10 جنية

طيب البرسونا :
التيل الامامى 250 وفلتر البنزين 145 يعنى الفروق مش كبيه
وربنا يباركلك فيها
الاكسنت : عربية مدينه ممتازه
البرسونا : عربية سفر وطرق سريعه ممتازه
وكل واحد واحتياجاته

اقتباس:

---

المشاركة الأصلية كتبت بواسطة momopersona

العفو ياباشا
ولاونى عارف اختيارك
بس ممكن تقولى تفضل انهى و ليه ؟؟؟؟؟؟؟؟؟؟؟؟

---

انا أفضل الأكسنت

عشان انا بيهمنى بعض الحاجات

ممكن غيرى يعتبرها عاديه

انا من النوع اللى باغير كل فتره فاعادة البيع تهمنى والبيرسونا لسه عربيه جديده محدش يعرف ايه نظامها

وانتشارها يعتبر قليل مقارنة بالأكسنت

موضوع التقفيل والمشاكل اللى بتحصل فى الكماليات فى البيرسونا من الحاجات برضه اللى بتضايقنى جدا

عشان انا بحب ابقى ماشى مش سامع الهوا ومابحبش اروح التوكيل كل شويه عشان اظبط حاجه حتى لو بسيطه

كفايه قوى مشوار الصيانه

أخر نقطه هى نقطة التوكيل

طبعا أغلب الوكلاء زى الزفت

وانا من النوع اللى باتعامل مع التوكيل طول فترة الضمان يعنى تقريبا طول ما العربيه معايا لانى مابعملش كيلومتر كتير

قتقريبا مابعملش حاجه برا خالص

توكيل بروتون سمعت عنه مشاكل كتير بخصوص عدم توافر قطع الغيار وغالى بعض الشئ

اى نعم غبور برضه زفت بس على الأقل هاتلاقى الحاجه موجوده واسعارها أرخص شويه

دى الاسباب بشكل عام اللى تخلينى أفضل الأكسنت

وان كنت حاليا أفضل الريو الشكل الجديد 1600 بس اما تنزل قريب ان شاء الله

أنا أثق في اسم هيونداي اكثر عشان كده هختار الاكسنت حتى لو البيرسونا متفوقة عليها ظاهريا .

اقتباس:

---

المشاركة الأصلية كتبت بواسطة hosam_optrawy

انا أفضل الأكسنت

عشان انا بيهمنى بعض الحاجات

ممكن غيرى يعتبرها عاديه

انا من النوع اللى باغير كل فتره فاعادة البيع تهمنى والبيرسونا لسه عربيه جديده محدش يعرف ايه نظامها

وانتشارها يعتبر قليل مقارنة بالأكسنت

موضوع التقفيل والمشاكل اللى بتحصل فى الكماليات فى البيرسونا من الحاجات برضه اللى بتضايقنى جدا

عشان انا بحب ابقى ماشى مش سامع الهوا ومابحبش اروح التوكيل كل شويه عشان اظبط حاجه حتى لو بسيطه

كفايه قوى مشوار الصيانه

أخر نقطه هى نقطة التوكيل

طبعا أغلب الوكلاء زى الزفت

وانا من النوع اللى باتعامل مع التوكيل طول فترة الضمان يعنى تقريبا طول ما العربيه معايا لانى مابعملش كيلومتر كتير

قتقريبا مابعملش حاجه برا خالص

توكيل بروتون سمعت عنه مشاكل كتير بخصوص عدم توافر قطع الغيار وغالى بعض الشئ

اى نعم غبور برضه زفت بس على الأقل هاتلاقى الحاجه موجوده واسعارها أرخص شويه

دى الاسباب بشكل عام اللى تخلينى أفضل الأكسنت

وان كنت حاليا أفضل الريو الشكل الجديد 1600 بس اما تنزل قريب ان شاء الله

---

بالنسبه لاعادة البيع لو انت بتغير كتير يبئا حرام عليك تشترى جديد لانك لو قولت يابيع بعد 5000 كم هاتبيع خسران 10000 جنيه مثلا
لو كده خليك فى المستعمل النظيف يعنى حاجات موديل 2007 و 2008 بس تكون كويسه ويوم ماهتقول يا بيع هاتخسر 5000 جنيه بالكتير ولو كده ياريت يبئا يابانى كمان وعمرك ما هاتخسر كتير
لكن كل سنتين تلاته تغير بعربيه زيرو يبئا هاتخسر كتيييييييييير اوى حتى لو اعادة بيعها حلوه اوى
تانيى حاجه مشاكل التقفيل قلت جدا بدايه من موديل 2009 والمشاكل مش لدرجة انها توديك التوكيل كتير
يعنى لو المالتى فاكشن علق مش لازم يتصلح النهارده عادى بتصبر فاضل 2000 كم مثلا واروح الصيانه الجايه وبرده السنتر مثلا وهكذا مشاكل كلها محتمله وماتكرهكش فى العربيه ولا تخليك رايح جاى على التوكيل
التوكيل وحش فعلا بس بعد اللى انا شوفته من باقى التوكيلات وبالذات غابور اقدر اقولك ان عز العرب ممتاز
ومشكلة قطع الغيار الحمد لله اتحلت و كل حاجه بقت موجوده فى فرع ابورواش وكمان بره التوكيل فى محل المدينه و غيره وفى حاجات تايوانى وصينى ورخيصه اوى
بعدين ممكن اسألك سؤال
انت ازاى بتفضل الريو من قبل ماتشوفها ولا تركبها ؟؟؟؟
هى الحكايه اسم شركه بس ولا ايه ؟؟؟؟؟؟
لازم تجرب العربيه عشان تحكم عليها يا حسام باشا ولازم تعرف قطع غيارها بكام كمان وانتشرت ولا لا عشان اعادة البيع (عشان الحاجات دى بتهمك)
الا بئا لو كنت بتخمن
ده انت من قبل ماتشوفها فضلتها على النيو اكسنت والبرسونا طب ازاى ؟؟؟؟؟؟
العربيات مش مواصفات على ورق وشكل بس يا حسام اهم حاجه الواقع والتجربه

اقتباس:

---

المشاركة الأصلية كتبت بواسطة tarekabosdera

أنا أثق في اسم هيونداي اكثر عشان كده هختار الاكسنت حتى لو البيرسونا متفوقة عليها ظاهريا .

---

والله انا شايف ان لحد دلوائتى الواقع فى مصر غير كده خالص
يعنى هيونداى نزلت عربيات تعبانه كتير بداية من الاكسيل وحتى الفيرنا ولسه ماحدش يعرف يحكم على النيو اكسنت
وعربياتها خاليه من وسائل الامان الاهم بالنسبه لاى شخص عاقل وكمالياتها اقل
وفى المقابل بروتون نزلت 3 موديلات بس ونجحو جدا وكسبو ثقة ناس كتير فيهم
بعدين العربيات مش اسامى بس لان الافيو شيفروليه والفيرنا هيونداى ولا ايه ؟؟؟

اقتباس:

---

المشاركة الأصلية كتبت بواسطة momopersona

بالنسبه لاعادة البيع لو انت بتغير كتير يبئا حرام عليك تشترى جديد لانك لو قولت يابيع بعد 5000 كم هاتبيع خسران 10000 جنيه مثلا
لو كده خليك فى المستعمل النظيف يعنى حاجات موديل 2007 و 2008 بس تكون كويسه ويوم ماهتقول يا بيع هاتخسر 5000 جنيه بالكتير ولو كده ياريت يبئا يابانى كمان وعمرك ما هاتخسر كتير
لكن كل سنتين تلاته تغير بعربيه زيرو يبئا هاتخسر كتيييييييييير اوى حتى لو اعادة بيعها حلوه اوى
تانيى حاجه مشاكل التقفيل قلت جدا بدايه من موديل 2009 والمشاكل مش لدرجة انها توديك التوكيل كتير
يعنى لو المالتى فاكشن علق مش لازم يتصلح النهارده عادى بتصبر فاضل 2000 كم مثلا واروح الصيانه الجايه وبرده السنتر مثلا وهكذا مشاكل كلها محتمله وماتكرهكش فى العربيه ولا تخليك رايح جاى على التوكيل
التوكيل وحش فعلا بس بعد اللى انا شوفته من باقى التوكيلات وبالذات غابور اقدر اقولك ان عز العرب ممتاز
ومشكلة قطع الغيار الحمد لله اتحلت و كل حاجه بقت موجوده فى فرع ابورواش وكمان بره التوكيل فى محل المدينه و غيره وفى حاجات تايوانى وصينى ورخيصه اوى
بعدين ممكن اسألك سؤال
انت ازاى بتفضل الريو من قبل ماتشوفها ولا تركبها ؟؟؟؟
هى الحكايه اسم شركه بس ولا ايه ؟؟؟؟؟؟
لازم تجرب العربيه عشان تحكم عليها يا حسام باشا ولازم تعرف قطع غيارها بكام كمان وانتشرت ولا لا عشان اعادة البيع (عشان الحاجات دى بتهمك)
الا بئا لو كنت بتخمن
ده انت من قبل ماتشوفها فضلتها على النيو اكسنت والبرسونا طب ازاى ؟؟؟؟؟؟
العربيات مش مواصفات على ورق وشكل بس يا حسام اهم حاجه الواقع والتجربه

---

لا مش لدرجة ابيع بعد 5000 كم

يعنى بعد سنتين تلاته

وأخر عربيه كانت معايا قبل الاوبترا كانت أكسنت الشكل القديم وبعتها بعد سنتين خسران فيها 10 الاف جنيه بس !!

وانا مابجبش مستعمل خالص لأن مبقاش فى امانه ولا ذمه فى الزمن دا والمستعمل مليان بلاوى

________________

اما بخصوص الريو فانا مابحكمش عليها من اسم الشركه وخلاص

ولا باتوقع ولا باخمن

لا طبعا دى مش طريقة تفكيرى

انا حكمت عليها من خلال تجربتى للشكل اللى قبلها

اللى هو نفس العربيه الجديده بس مع اختلاف الفوانيس والشبكه والطاره

انما كعربيه فهى هى نفس العربيه

والعربيه موجوده بقالها كذا سنه ونفس قطع الغيار

بس الجديد غير الشكل طبعا انها هاتنزل 1600 مش 1400 ودى نقطه تهمنى وتهم ناس كتير كانت بتفكر فى العربيه وصرفت نظر عنها بسبب انها 1400

ماتخافش انا عمرى ماهاحكم على عربيه وهى مواصفات على ورق

طيب انت شايف ان 10000 جنيه فى سنتين قليل ؟؟؟ بالنسبه لعربيه تمنها 50 الف وكمان من اعلى العربيات فى اعادة البيع
لو انت كنت اشتريت كسر زيرو وكشفت عليها كويس او خدت ميكانيكى فاهم معاك كنت هاتخسر 5000 مثلا وانت اولى بالفرق ولا ايه ؟؟
وبعدين طيب الجين2 موديل 2006 بتتباع ب 60-65 مثلا وهما ساعتها كانو شاريينها بأقل من 80 وقعدت معاهم 4سنين كمان وخسرو 15 او 20 فى عربيه ب80 مش 54 موديل 2005
والصراحه انت غير الناس غالبية الناس بتجيب تحويشة العمر وتحطها فى عربيه عشان تعد معاها 10 سنين على الاقل او بتجيبها تقسيط على 5 سنين مثلا وبيبئو تعبو فى تمنها ومش من السهل يرضو بخساره بعد الاقساط حتى لو 10000 جنيه
والله اعلم بردو الريو هاتنزل عامله ازاى
ما الشيفروليه لانوس المفروض هى هى الدايو لانوس لكن الفرق كبير والافيو المفروض تطوير لللانوس
برده صعب تحكم من قبل ماتشوفها على الواقع وانا اتوقع انها هاتبئا هى نفسها الاكسنت زى الالنترا والسيراتو كده وانا باعتبر ده نظام (كل نفسك بدل ما حد يكلك على رأى حلمى ) نفس العربيه تنزل بأسمين فتاخد جزء كبير من السوق وهما كده كده كسبانين

اقتباس:

---

المشاركة الأصلية كتبت بواسطة momopersona

طيب انت شايف ان 10000 جنيه فى سنتين قليل ؟؟؟ بالنسبه لعربيه تمنها 50 الف وكمان من اعلى العربيات فى اعادة البيع
لو انت كنت اشتريت كسر زيرو وكشفت عليها كويس او خدت ميكانيكى فاهم معاك كنت هاتخسر 5000 مثلا وانت اولى بالفرق ولا ايه ؟؟
وبعدين طيب الجين2 موديل 2006 بتتباع ب 60-65 مثلا وهما ساعتها كانو شاريينها بأقل من 80 وقعدت معاهم 4سنين كمان وخسرو 15 او 20 فى عربيه ب80 مش 54 موديل 2005
والصراحه انت غير الناس غالبية الناس بتجيب تحويشة العمر وتحطها فى عربيه عشان تعد معاها 10 سنين على الاقل او بتجيبها تقسيط على 5 سنين مثلا وبيبئو تعبو فى تمنها ومش من السهل يرضو بخساره بعد الاقساط حتى لو 10000 جنيه
والله اعلم بردو الريو هاتنزل عامله ازاى
ما الشيفروليه لانوس المفروض هى هى الدايو لانوس لكن الفرق كبير والافيو المفروض تطوير لللانوس
برده صعب تحكم من قبل ماتشوفها على الواقع وانا اتوقع انها هاتبئا هى نفسها الاكسنت زى الالنترا والسيراتو كده وانا باعتبر ده نظام (كل نفسك بدل ما حد يكلك على رأى حلمى ) نفس العربيه تنزل بأسمين فتاخد جزء كبير من السوق وهما كده كده كسبانين

---

على فكره انا كمان ممكن أخسر 3500 بس !!!!

هاتقوللى ازاى

هاقولك انا اشتريت الاكسنت موديل 2006 فى اواخر 2006 وكانت خلاص دى اخر دفعات ليها وبعد كدا هاتتوقف

عشان كدا سعرها ارتفاع من 53500 الى 60000

يعنى لو كنت جبتها فى نص 2006 بدل اخر 2006 كنت خسرت أقل

بس دا نصيب بقى

وزى ماقولتلك انا مستحيل اشترى كسر زيرو حتى لو من مين عشان مفيش امانه ولا ضمير الا قليل من الناس

واحساس الزيرو مفيش زيه

ومعاك حق فى موضوع انى باغير كتير

انا باسوق من 6 سنين والاوبترا رابع عربيه ليا

بس انا باحب التغيير طول ما الماديات تسمح وزى ماقولتلك باختار عربيات خسارتها قليله

بس ماتقلقش الاوبترا هاتطول معايا شويه :)

عشان انا حاليا خاطب وداخل على جواز وما ادراك ماهى مصاريف الجواز :)

وبخصوص الريو فهى مفيهاش اى تطوير او تجديد عشان أقلق منها

العربيه هى هى وموجوده بقالها سنين

ومشتركه مع الأكسنت فى العفشه والموتور

يعنى الشكل الجديد مجرد FaceLift مش جيل جديد من العربيه

وعلى فكره الالنترا زى السيراتو الشكل القديم مش الجديده

الالنترا الجديده 2011 هى اللى احتمال تبقى زى السيراتو الحاليه

يعنى انت عايز تقولى انك بيعت اكسنت سنة 2008 موديل 2006 والشكل القديم ب50000 جنيه!!
مش كتير شويه اكيد حد كان حبيبك اللى اشتراها ده بالسعر ده كان ممكن يشترى فيرنا 2004 مثلا او كريستاله او كورولا عيون
وبينى وبينك انا طول عمرى بشترى عربيات كسر زيرو وأعتقد لو العربيه مرشوشه مثلا الميكانيكى اللى معاك بيعرف ولو فيه مشكله عفشة بتبان ولو الموتور باكشف عليه قبل ماشترى واى مشكله بعد كده محتمله وفى الغالب مابيبقاش فى مشاكل لانى باشترى فرق سنه واحده مثلا وبيتبئى ماشيه 10000 كم ولا حاجه
واذا طلعت وحشه وده احتمال صعب بيتبيها خسران بالكتير 2000 جنيه
وانا لولا اقتناعى بالبروتون وانى عارف انى مش هاغيرها بسرعه وحتى لو عوزت اغير هاديها لاخويا الصغير مثلا كنت فضلت فى كسر الزيرو اليابانى
الالنترا ال 2011 هى اللى زى السيراتو هو فعلا نظام كل نفسك ههههههههههه والله اذكيه وعارفين يدحكو على المستهلك
طب الاكسنت والريو زى بعض يبئا الاكسنت احسن عشان الانتشار واسعار قطع الغيار وسعر اعادة البيع
ازاى بتفضل الريو عليها وانت الحاجات دى بتهمك اوى ؟؟؟؟
وحاول ماتغيرش عربيات كتير عشان بجد كمان 10 سنين مثلا لو اتذنقا فى 50000 ولا حاجه هاتيجى تحسب هاتلائى نفسك خسرت كتيير اوى وهاتندم
زى دلوائتى مع الجواز ال 40000 جنيه اكيد كانو يفرقو معاك دلوائتى كده
حاول تجيب احسن عربيه ترضيك وتعد معاك عشان حرام عليك فلوسك حتى لو معاك غيرها كتير بس عشان ربنا يباركلك فيها
وخلاص بئا الاوبترا حلوه وماتفكرش فى تغييرها حتى لو نزلت حاجات احلى بكتير عشان اى 10000 انت وبيتك هايبئو اولى بيه

اقتباس:

---

المشاركة الأصلية كتبت بواسطة momopersona

يعنى انت عايز تقولى انك بيعت اكسنت سنة 2008 موديل 2006 والشكل القديم ب50000 جنيه!!
مش كتير شويه اكيد حد كان حبيبك اللى اشتراها ده بالسعر ده كان ممكن يشترى فيرنا 2004 مثلا او كريستاله او كورولا عيون
وبينى وبينك انا طول عمرى بشترى عربيات كسر زيرو وأعتقد لو العربيه مرشوشه مثلا الميكانيكى اللى معاك بيعرف ولو فيه مشكله عفشة بتبان ولو الموتور باكشف عليه قبل ماشترى واى مشكله بعد كده محتمله وفى الغالب مابيبقاش فى مشاكل لانى باشترى فرق سنه واحده مثلا وبيتبئى ماشيه 10000 كم ولا حاجه
واذا طلعت وحشه وده احتمال صعب بيتبيها خسران بالكتير 2000 جنيه
وانا لولا اقتناعى بالبروتون وانى عارف انى مش هاغيرها بسرعه وحتى لو عوزت اغير هاديها لاخويا الصغير مثلا كنت فضلت فى كسر الزيرو اليابانى
الالنترا ال 2011 هى اللى زى السيراتو هو فعلا نظام كل نفسك ههههههههههه والله اذكيه وعارفين يدحكو على المستهلك
طب الاكسنت والريو زى بعض يبئا الاكسنت احسن عشان الانتشار واسعار قطع الغيار وسعر اعادة البيع
ازاى بتفضل الريو عليها وانت الحاجات دى بتهمك اوى ؟؟؟؟
وحاول ماتغيرش عربيات كتير عشان بجد كمان 10 سنين مثلا لو اتذنقا فى 50000 ولا حاجه هاتيجى تحسب هاتلائى نفسك خسرت كتيير اوى وهاتندم
زى دلوائتى مع الجواز ال 40000 جنيه اكيد كانو يفرقو معاك دلوائتى كده
حاول تجيب احسن عربيه ترضيك وتعد معاك عشان حرام عليك فلوسك حتى لو معاك غيرها كتير بس عشان ربنا يباركلك فيها
وخلاص بئا الاوبترا حلوه وماتفكرش فى تغييرها حتى لو نزلت حاجات احلى بكتير عشان اى 10000 انت وبيتك هايبئو اولى بيه

---

اه والله هو دا اللى حصل فعلا

بعتها ب 50

ومش لحد حبيبى ولا حاجه بعتها لواحد عادى مش تاجر يعنى

والعربيه كانت عامله 15000 او 20000 كم مش فاكر بالظبط

وبعدين الراجل اللى اشتراها كان جايبها لمراته

ايه اللى يخليه يجيب عربيه قديمه يقعد يصرف عليها

عيون ايه وكريستاله ايه

العربيه موديل 2006 وكانت كأنها جديده وكل الصيانات معموله فى التوكيل

فاكيد هايختار الجديد عشان يريح مراته

وشكرا اوى على نصيحتك وانا فعلا هاعمل بيها

وانا واخد قرارى من الأول مش هاغير قريب لان فى اولويات كتير هاتبقى اهم وهايبقى فى بيت ومسئوليه

والحمد لله ان حظى جه فى الأوبترا والعربيه ممتازه ومريحانى

وربنا يباركلك فى البيرسونا يامومو

طب بئولك ايه ماعندكش زبون حلو كده يشترى منى ماروتى موديل 2007 ماشيه 19000 كم فابريكه بالكامل وبحاله كويسه
انا كنت شاريها ب 36 وكمان ركبتلها فى التوكيل سنتر وزجاج كهرباء قدام وكاسيت وسماعات كلفو 2000 جنيه وعايز فيها 26000 جنيه بس؟؟؟؟

اقتباس:

---

المشاركة الأصلية كتبت بواسطة momopersona

طب بئولك ايه ماعندكش زبون حلو كده يشترى منى ماروتى موديل 2007 ماشيه 19000 كم فابريكه بالكامل وبحاله كويسه
انا كنت شاريها ب 36 وكمان ركبتلها فى التوكيل سنتر وزجاج كهرباء قدام وكاسيت وسماعات كلفو 2000 جنيه وعايز فيها 26000 جنيه بس؟؟؟؟

---

لا والله ماعرفش

بيتهيألى المفروض تتباع سهل بالسعر دا

هو انت مش لاقى حد ولا ايه ؟

اقتباس:

---

المشاركة الأصلية كتبت بواسطة hosam_optrawy

لا والله ماعرفش

بيتهيألى المفروض تتباع سهل بالسعر دا

هو انت مش لاقى حد ولا ايه ؟

---

ااه والله جابتلى 23 بس مع ان مافيش حد طلع فيها عيب غير التجار طبعا
يقولك فى نقره هنا والاكصدام متكحت يبئا هاتتكلف كذا قومت قايلو لا ماهو انا مابابيعش اساسا رجعت فى كلامى خلاص
قام قايلى يعنى انت جايبنى مشوار عشان تقولى كده لا لازم طالما جيت المشوار قولتلو خلاص هات 30000 وخدها يلا خلاص كده انت اشتريت تمام قالى لا خلاص انا اللى مابشتريش ورجعت فى كلامى ودحك قومت قايلو يعنى منزلنى من البيت وفى الاخر لا لا لازم تاخدها خلاص وقعدنا ندحك ههههههههههههه
وقعد يقولى اصل انا اساسا تاجر وبقلب فيها لقمة عيش قولتلو انا كمان تاجر عرف ان مافيش فايده ومشى
بس خلاص خليها اساسا انا صعبان عليا اخسر فيها وهى لسه بحالتها كده بس كان نفسى فى عربيه اكبر

اقتباس:

---

المشاركة الأصلية كتبت بواسطة momopersona

ااه والله جابتلى 23 بس مع ان مافيش حد طلع فيها عيب غير التجار طبعا
يقولك فى نقره هنا والاكصدام متكحت يبئا هاتتكلف كذا قومت قايلو لا ماهو انا مابابيعش اساسا رجعت فى كلامى خلاص
قام قايلى يعنى انت جايبنى مشوار عشان تقولى كده لا لازم طالما جيت المشوار قولتلو خلاص هات 30000 وخدها يلا خلاص كده انت اشتريت تمام قالى لا خلاص انا اللى مابشتريش ورجعت فى كلامى ودحك قومت قايلو يعنى منزلنى من البيت وفى الاخر لا لا لازم تاخدها خلاص وقعدنا ندحك ههههههههههههه
وقعد يقولى اصل انا اساسا تاجر وبقلب فيها لقمة عيش قولتلو انا كمان تاجر عرف ان مافيش فايده ومشى
بس خلاص خليها اساسا انا صعبان عليا اخسر فيها وهى لسه بحالتها كده بس كان نفسى فى عربيه اكبر

---

فعلا حرام تخسر 13000 فى عربيه ب 36000 اصلا

يعنى أكتر من تلت تمنها

غير انك صارف عليها ومركب حاجات وفى التوكيل

خليها لحد ماتجبلك السعر اللى انت عايزه ان شاء الله

وجرب اعملها اعلان فى الوسيط او الاهرام او مجلة عربيتى مثلا

ربنا يوفقك

ان شاء الله وقت ماعوز ابيعها اوى هابئا اعمل لها اعلانات بس
وربنا يوفقنا جميعا