للاسف يا استاذ غازى صعب اوى يكون فى مواصفات قياسية فى مصر ..
لان احنا هنا بلد فقيرة .. و مش كل الناس بتفهم فى العربيات زاى اعضاء المنتدى هنا ..
فتلاقى ان لو حضرتك صاحب معرض مثلا و بتكلم مشترى تلقيه بيقولك .. "ايرباجز ايه بس البتقول عليها يا بيه .. خليها على الله .. معندكش واحدة من غير ايرباج و تكون ارخص شوية" ..
او واحد تانى يقولك .. "طب مانا اوفر و اجيب الفاضية و مش مهم الabs و الايرباجز ولا حتى الاوبشنز .. دى حتى بتخسر فى سعر اعادة البيع "
فطبعا المستوردين و التوكيلات بيلاقوا نفسهم مضطرين يجيبوا الفاضية خالص اهم من الفول اوبشن ..
حتى تلاقى فى التوكيلات اول عربيات بتتسلم هى اقل فئة و الهاى لاين بيبقى تسليم بعد فترة ..
طبعا الموضوع اكبر من كدة بكتير لما يبقى شركة من شركات العربيات دى ميزانيتها اكبر من ميزانية بلدنا اصلا .. فحتى مش بنبقى موضع اهتمام