تمام كده وربنا يبارك فيكم جميعا
عرض للطباعة
تمام كده وربنا يبارك فيكم جميعا
انا عندي حدفة شمال اروح ابو رواش ؟
طبعا الشكر و كل الشكر للاستاذ كريم منير (اخويا الكبير طبعا) على توضيح الكثير من الامور بحكم خبرته الطويله... على حد تجربتي, العربيه بالجنط الـ17" بالفعل ثابته (لحد 160كم) بعد كده بيقل الثبات (مش عيب ده), و الفرامل فعاله, بس والله العظيم محتاجه esp... و نفسي حد فاهم يبص على العربيه و يقوللي ايه رأيه في جودة الخامات او في نظام التعليق؟؟؟؟ و الله العظيم نفسي ارتاح من اللي انا فيه
و انا اخترت من التعليقات كلام الاستاذ كريم هشام لأنه قال كلام مظبوط جداا و هو ان العربيه بتحقق المبدأ value for money... ده حقيقي لما في السياره من كماليات هايله فعلا... و ده اللي خلاني اشتري و ناس كتيييير غيري اكيد
لكن عندي سؤال واحد بس (هل لو زاد على كماليات العربيه نظام esp الهااام جداا, هيزود فلوس كتيير على المستورد و يقلل من مكسبه؟؟؟)
طيب مش يمكن نقص عامل او تجهيز اساسي في العربيه زي esp أو tcs هو اللي مغير من اداء العربيه.!!!
علما بأن العربيه فيها ba (النظام المساعد في زيادة قوة الكبح في وقت الحاجه) لو الناس ماتعرفش ان النظام ده في العربيه, و انا جربته كتييير بنفسي...
سؤال كمان... مش مصيبه ان مصر ملهاش مواصفات خاصه قياسيه نستورد بيها السيارات من الشركات الأم على مستوى كل الماركات (منهتمش بمجال السيارات اللي بيطلع دول و بينزل دول في العالم و نسيب الموضوع يبقى بيزنس و لعب تجار و مستوردين..!!!! انا مقولتش نصنع بس نعمل مواصفات تحكم التجار و ترحمنا من الجشع و اللعب بالمستهلك..!!!)
اخيرا, في انتظار التقرير المفصل عن العربيه من ناس انا عن نفسي واثق فيهم جداا و في خبرتهم... و نتمنى كل الخير ان شاء الله
طبعا ده يدل على ثقل وزن نيل موتورز فى مصر و اهميته و اتمنى من جميع التوكيلات السير على نفس خطى توكيل كيا .
و لا ننسى تقرير د/أحمد سامى و أتمنى من السادة الزملاء الذين تشرف التوكيل بقيامهم بتجربة السيارة باستكمال ما وقف عنده د. أحمد و ضم التقارير و التجارب الى بعضها و الخروج بتقرير نهائى جازم و موضوعى عن كافة جوانب السيارة.
و تمنياتى دائما بالرفعة لاعضاء نايل موتورز
كلام سليم وعقلانى جدااا
اولا : شكرا على الموضوع القيم
ثانيا :- ننتظر التقرير بفارغ صبر وخصوصا من يفكرون في امتلاك السيارة وارجو ان يكون التقرير حيادي جدا
ثالثا :- امنيه حياتى ان يتم عرض مواصفات كل فئة من تلك السيارة بجانب عرض سعرها التسوقي لانى بجد بجد نزلت معارض كتير وكل واحد يقلي حاجة شكل فحاسس انى تايه وكمان الفرق في السعر عالى جدا
رابعا :- الأستاذ غازي ارجو ان تكون في تمام الصحة والعافية واعلم جيدا على قدر حب الله للعبد على قدر ابتلاه وربنا يوفقك ويديك خير منها إن شاء الله
ونفسي اطلب من حضرتك طلب تقيل شوية لو مش هيريحك بلاش منه ؟
نفسي انك تعرض موقف شركة التأمين مع حضرتك وخصوصا انى عرفت من خلال كلامك انك مأمن مع كونتكت واعلم ان معظم أعضاء المنتدى مأمنين مع كونتكت وان يتم عرض الموضوع في ساحة التأمين
اسف على الإطاله ولكم منى جزيل الشكر والتقدير
طبعا تروح ابو رواش
بدون نايل موتورز وبدون اي واسطة انت معاك ضمان ولازم تطالب بحقك
ومهندس خالد فاروق هايكون في انتظارك ما عدا جمعة وسبت
هنا نيجي لصوت العقل زي ما بتقول ان مهندس كريم هشام قال
ان العربية بتساوي القيمة مقابل السعر
اما عن مشكلة اساسيات الامان فده عيب في نظام البلد اللي بيفترض ان الوسادة الهوائية كماليات وبيخلي كتير من التوكيلات يطلب من غيرها
لكن بعض الماركات لا تتنازل عنها مطلقا
ولو متابع شركة زي تويوتا لا تخلو اي سيارة من 2 وسادة هوائية من اول موديلات 2005
حتى ولو العربية مفيهاش زجاج كهرباء او حتى سنتر لازم تلاقي الوسادة الهوائية تجهيز اساسي
ولو تشوف شركة زي هيونداي كانت بتنزل الالنترا اللي فيها وسادة هوائية في اعلى فئات الاوتماتيك
وكأن راكب المانيوال لا يستحق الامان له ولاسرته
ملحوظة كمان
بعض انظمة الامان يسهل وضعها ونزعها من السيارة
وبعض انظمة الامان الاخري يتم احتسابها اثناء تصميم السيارة نفسه على حساب الكتلة ووزنها وحجمها وايروديناميكة السيارة وغيرها من المعادلات التي يعرفها اي هاوي لتصميمات السيارات
بجد كلامك صحيح 100%... فعلا كأن اللي ( بيدفع اكتر ) هو اللي ياخد وسائل امان, اما اللي شاري اول فئه مانيوال ( لأ )..!!!! ربنا هو الضامن في كل الأحوال
علشان كده بقول ليه مصر مافيهاش مواصفات قياسيه ثابته على الكل نستورد بيها..!!!
مش واحد ينزل 2 اير باج و واحد 6 و واحد مينزلش خالص اصلا.... و غيره
شكرا يا استاذ كريم, و لنا الله, و ربنا يهدي تجار و وكلاء السيارات في مصر...
يا استاذ احمد مفيش تعب خالص, و اطلب اللي انت عايزه و انا تحت امرك... ده واجبي تجاه المنتدى و اعضائه الكرام..
بالفعل انا كتبت اخر الاخبار مع التأمين في الموضوع بتاعي, و فيه كل شئ بالتفصيل جداا و هتلاقيه في اللينك ده...
http://www.nilemotors.net/Nile/109619-a-30.html
و شكراا يا استاذ احمد على ذوقك...