-
اقتربت ساعه الصفر .........يا خوفى ليحصل زى 18 و 19 يناير 1981
-
يا جماعه البنزين هايزيد هايزيد.....لومش النهاردة ....هايبقي خلال السنة دي...وغالبا دة هايكون مصاحب التخفيض الجمركي علي السيارات من 1600 وحتي 2000 CC...
الدليل علي كدة....كل التصريحات الحكومية....بتلمح مليون مرة...علي الدعم ايلي بتقدة الدولة للمحروقات بجميع انواعها...
دة غير ان المعونة الامريكية ايلي كانت بتدعم سعر السولار.....خلاص اتخفضت واحتمال كمان تتلغي خالص....
المهم بقي .....يارب الناس ايلي بتخطط دي...تكون مجهزة حلول بديلة....علشان الناس ما تموتش من الحسرة....
-
هيرو باشا أطمن
أكيد أكيد الناس هتموت من الحسرة سواء غلى أو لأ
حسبنا الله ونعم الوكيل
-
-
أكيد البنزين هيغلى ياجماعه ده شى متوقع إمتا بقى تحديدا مش فارقه المهم كل واحد يخلي باله من اللعبه اللي أسمها تخفيض الجمارك وميجريش يشتري عربيه 2000 سي سي حتى لو كانت ببلاش زي ماتخبطنا في العربيات ال 1600 وكله جري أشتراها وبعدين هببب البنزين غلي
حسبي الله ونعم الوكيل
-
أنا شايف إن حلول مشاكل مصر يتمثل في الآتي
1 - الحد من الأرتفاع الجنوني في عدد السكان و التكدس السكاني الرهيب الذي يعاني منه الجميع
2 - تقليل عدد الموظفين الحكوميين من 6 مليون إلى 1/2 مليون فقط مع حوسبة النظام الحكومي كما في أوروبا مما سيقلل الفساد الإداري الحكومي الحالي
3 - التوسع في زراعة الصحراء و بناء المدن الجديدة بعيدا عن القاهرة مع بناء و توفير الخدمات كاملة فيها
4 - العمل على بناء شبكة مواصلات محترمة ( آدمية ) للمواطنين لتشجيعهم أستخدام المواصلات العامة
5 - إلغاء مجانية التعليم الجامعي و قصره على المتفوقين ( و بذلك تحصل على خريج جامعي تم تدريبه جيدا ) كما يحدث في أمريكا و أوروبا أما في مصر فالعدد في الليمون و شهادتنا غير معترف بها في الخارج ( نبلها و نشرب ميتها )
6 - التوسع في الأبحاث الخاصة بالطاقة عموما و أشعة الشمس و الموارد المتجددة لتوفير استهلاك البترول و الغاز الطبيعي
7 - تحسين النظام المروري المصري ( اللي هو أصلا غير موجود ليه نظام = عك * عك = الشارع المصري )
البنزين و البترول أسعارهم أسعار عالمية و لا يصح أن تدعم الحكومة هذه السلعة إلى الأبد
-
اخى العزيز tutankhamoun
زياده السكان عمرها ماكنت مشكله سيبك من كلام الحكومه اللى بتعلق خيبتها القويه على شماعه العدد
طيب شوف الصين عدد سكانها كام واديك شايف بضاعه الصين رغم عدم جودتها الا انها مغرقه السوق المصريه
بالعكس دى نقطه فى صالحنا لكن احنا اللى مش عارفين نستغلها
بخصوص تقليل عدد الموظفين برده مش معاك فيها لكن نقول وضع الرجل المناسب بالمكان المناسب مش يبقى بتاع هندسه واحته فى الزراعه او الزراعه احته فى المرور وهكذا ...........
التوسع فى زراعه الصحراء معاك فيها لكن اللى بيحصل ايه ؟
كل واحد كبير فى البلد بيجى يحط ايده على افضل اراضى زراعيه بتزرع بالفعل ويروح مبورها وطالع بيها مشروع او ابراج واسألنى انا اقول لك عليهم بيبوروا الارض المزروعه بالفعل ويروحوا يحتوا ملايين فى الصحراء بحجه الاستزراع ويبقى ايه اللى عملناه ؟
اما بناء شبكه مواصلات محترمه فده حلم الكل لكن ازاى دول بيرصفوا الشارع وقبل مايكمل بيفحروه تانى قال ايه علشان يحطوا مواسير مش عارف ايه وطب ليه ماتتحطش من الاول ؟
الغاء مجانيه التعليم طيب هو فيه تعليم اصلا علشان يتلغى اسألنى على التعليم اقول لك عليه
اما بخصوص التوسع فى الابحاث فدى بقى اقول لك عليها الدوله لايهما ابحث ولا زفت انا شخصيا تم اضطهادى واجبارى على ان افشل مشروع بحثى فيه خير للبلد وبالفعل للاسف تم الاجهاض عليه وهدمه تماما واحسرتاه عليكى يابلد
اما تحسين النظام المرورى فده الحكومه لم تقصر فيه وهو بالفعل تم تحسينه حتى انك دلوقت بتلاقى عسكرى المرور بياخد منك المعلوم اجبارى ماذا والا انت عارف 0000000 ولما تيجى تطلع الرخصه برده عارف ازاى ...... والا بلاش اكمل
عايز تحسين اكثر من كده
انا بقى عندى اقتراح جميل جدا وفيه الخلاصه
احنا المصريين نسيبلهم البلد ونرحل ونهاجر فى بلد اخرى ان شاء الله حتى جزر القمر ونسيبهلهم يخربوها اكثر ماهر مخروبه
-
إبراهيم باشا عمر الهروب ماكان حل
الحل أن كل واحد فبنا يقدم حاجه لبلده علشان يفيدها وساعتها حتى لو الحكومه بقى قصرت فأكيد هتلاقي الحال أحسن من كده بكتيرررررر أوي يعني أحنا نصلح من نفسنا
لما تيجي تبيع عربيه وفيها عيب ماتحولش تغش اللي بيشتريها ، لما تشتغل في مكان راعي ضميرك وربك اللي شايفك ، لما تمسك منصب مهم أو سلطه ماتستغلهاش لمصلحتك أو تضر بيها الناس
وأخيرا ماتسمحش للمجتمع أو الظروف أو أي شي كان أن يحولك لنسخه من الناس اللي أحنا بندعي عليهم النهارده واللي بهدلوا البلد
-
اخى باسم يبدوا انك لم تفهم كلامى انا لست ابدا مع الهروب انما كلامى هو تهكم وسخريه
اما بخصوص كل واحد لازم يقدم لبلده فانا معك فى ذلك ولكن انت لاتعلم اللى بيحصل
انا بقول لك انا قضيت حياتى كلها فى العلم والبحث العلمى وانفقت كل مااملك من مال فى سبيل العلم وزملائى فى السن اللى سلكوا طرق اخرى مش عايز اقول لك دلوقت حالهم ايه وانا حالى ايه ربنا يباركلهم
لما البلد تجبر احمد زويل على ترك مصر رغم ماكان يريد عمله تسمى ده ايه ؟
لما يتم محاصره احمد زويل فى الحرم الجامعى وهو جاى يعمل ندوه ويحاصر الامن المركزى الحرم ويمنع الطلاب والاساتذه من الحضور تسمى ده ايه ؟
لما يجى علماء مصر من الخارج وفى جعبتهم مشاريع بحثيه للنهوض بمستوى مصر وجايين كلهم نشاط وحيويه ويلاقوا البلد بتسخر منهم وتعقدهم فى عيشتهم وتحط لهم كل العراقيل فما كان منهم الا رجعوا بخفى حنين الى بلاد الفرنجه لتستقبلهم بكل حفاوه وتنفذ هذه المشاريع عندها تسمى ده ايه ؟
لما تحارب الدوله علماء مصر اللى بينادوا بمنع استخدام المبيدات المسرطنه واستخدام بدائل امنه وطبعا علشان مافيا المبيدات تسمى ده ايه ؟
لما واحد زى حلاتى بعد ان يصرف من جيبه ويتعب ويقوم بعمل مشروع بحثى لو تم تنفيذه يمكن ان يشغل الاف بل ملايين من العاطلين ويدخل ثروه قوميه لمصر يتم تهديده واجباره على هدم المشروع تسمى ده ايه ؟
لما تلاقى الدوله بتنادى بالتوسع فى الصحراء وبنفس الوقت تهدم المساحه الخضراء تسمى ده ايه ؟
بالله عليك بعد كل ده وتقول لى ابدأ بنفسك امال كنت بادى منين ؟
اخى تقدر تقول لى ليه العقول المصريه كلها بتهاجر بره وليه معظم المصريين بالخارج ناجحين ومش ناجحين بس بل يترأسوا اللى بالخارج مين السبب فى هجرتهم ؟
للاسف وبكل صراحه احنا محتاجين الاول لكيان يحتوى الشرفاء وكل من يريد ان يخدم بلده لكن للاسف هذا غير موجود
-
حسبنا الله ونعم الوكيل
يمهل ولا يهمل
جى رايح منه له
Content Relevant URLs by
vBSEO 3.6.0 PL2