كدبه نوفمبر :D
كدبه نوفمبر :D
انا مستاء جدا من الموضوع ده
فية ناس علشان خاطر تعمل فرقعة وتخلق انتشار لمواضيعها تبدأ تبدأ فى اثارة البلبلة واللعب على وتر مواضيع حساسة تؤثر فى كيان مجتمع متلقى الرسالة
ويحدث شئ من اثنين، اما ان يكون صاحب الرسالة لدية معلومة صحيحة ومؤكدة، وفى هذة الحالة عند تحقيقها يصبح راجل واصل او صاحب كرامات او كلامهما فى نظر باقى المجموع البشرى
او ان يكون مازحا فى قصته كلها او مخدوعا من مصادره
وفى هذة الحالة يحدث شئ من 2 عندما يثبت عدم مصداقية خبره
الشئ الأول لو ان المرسل والمتلقين عبارة عن مجتمع من المراهقين فإن الأمر ينتهى بأن يصبح هذا المرسل بطلا فى عيون مجمتع المتلقين لأنه استطاع ان يخدعهم على طريقة(هيييييييييييييييييه وضحكت عليييييييييييييكووووووووو وو)
اما عندما يكون المجتمع المكون من مرسل ومتلقين هو مجتمع من الناضجين ، فإن المرسل يفقد مصداقيته ولا يعتد المجتمع بأى كلمة تاليه له ، او باللغة الدارجة يصبح( متعلم عليه)
ولا ادرى لماذا يقبل انسان على نفسه المخاطرة بمصداقيته التى تمثل جزء كبير جدا من ثروته فى المجتمع الإفتراضى
اللهم إلا اذا كانت هذة الرسالة هى هدفه الوحيد من التواجد فى المجتمع الإفتراضى، اى ان تكون مخهمة محدودة هدفها نشر اشاعة ما لتهئية الناس نفسيا لما قد يحدث فى المستقبل القريب
أستاذ إبراهيم مع أحترامي الشديد لرأيكاقتباس:
المشاركة الأصلية كتبت بواسطة ibrahimsaad
أنا أختلف معك كليا و جزئيا
أولا ليست الصين موضع مقارنة مع مصر لأختلاف أوجه المقارنة
مساحة الصين 8 .5 مليون كيلو متر مربع أي مثل مصر 8 مرات و نصف ..... لديهم أنهار كثيرة و لا يعانون من الجفاف و قلة المياة ..... ليس لديهم صحراء جرداء أو لديهم القليل منها و أغلبية الأراضي الصينية أراضي وراعية و غابات
و من قال لحضرتك أنهم لا يعانون من الزيادة السكانية ؟؟؟؟؟؟؟؟؟؟ ممنوع الانجاب في الصين أكثر من طفلين لكل أسرة !!!!!!!!!!!!!!!!!!!!! علشان هما عارفين مساؤئ وجود سكان أكثر
العمالة الصينية تعمل في ظروف سيئة للغاية و هناك ملايين يعيشون فقراء و كذلك الهند الفقيرة جدا ( الشعب أقصد )
لما تقارن قارن مصر بدولة شبيهة مثل الدول التي في نفس مساحة مصر
يعني مثلا نقارن مصر بألمانيا........ فرنسا .......... بريطانيا ........... ايطاليا
مع العلم إن مصر مساحتها أكبر من كل الدول دي و لكن هما معنهومش صحراء برضه و لا يعانون من جفاف و قلة مياه
بريطانيا مثلا عدد سكانها 60 مليون نسمة و هذا العدد ثابت منذ 20 عام أو أكثر
لا توجد مشكلة في المواصلات علشان مفيش زيادة سكانية
لا توجد مشكلة في البطالة ........ لأنه مفيش زيادة سكانية
لا توجد مشكلة في توفير الطعام لأن مفيش زيادة سكانية و في زيادة إنتاجية
مفيش تكدس سكاني ....... علشان مفيش زيادة سكانية ( مفيش حرقة دم ... مفيش خناقات مع ناس كتير حواليك )
في تعليم أفضل ....... خدمات أفضل علشان مفيش ضغط عليها بسبب الزيادة السكانية
بنظرة بسيطة لكل الدول اللي عندها معدل نمو عالي للسكان هاتلاقي فيه نسبة بطالة عالية أما الدول المتقدمة حضاريا و صناعيا ليس عندهم زيادة سكانية
أنت تقول أن التعليم حالته يرثى لها ......... لذلك أقول الغاء مجانية التعليم الجامعي كما في الدول المتقدمة
و برضه حال التعليم كحال الخدمات الأخرى في البلد ...... ضغط رهيب عليها لذلك تجد مستوى الخدمة في النازل
يعني مثلا الفصل في أي دولة في أوروبا تلاقي فيه 20 إلى 24 طالب و أحيانا أقل من 20 أما الفصل في مصر أكثر من 60 تلميذ .......
مع إن عدد المدارس في مصر كبير جدا و أكبر بكثير من دول أوروبية
و لكن العدد ليس هو المهم .......... المهم هو الكيفية التي يتم بها تعليم الطلبة
في الأربيعينيات و خمسينيات القرن الماضي كان هناك خدمات أفضل للشعب تقدم و كان هذا راجع لقلة عدد السكان
أنظر إلى مساحة البلد الإجمالية ......... نعيش على 4 % فقط لأن الباقي صحراء جرداء لا زرع بها و لا ماء
4 % كان يعيش عليها 2 مليون أيام الفراعنة و كان يعيش عليها 15 مليون أيام عبد الناصر
تخيل أنت عندك بيت و كنت عايش فيه أنت و مراتك و أولادك الثلاثة مثلا
أي العدد الإجمالي 5
ثم تزوج أبنك و أنجب 3 و أصبح العدد 3 * 3 = 9 + 5 = الإجمالي 14 بعد أن كان هناك 5 فقط تخيل وضع هذا البيت و تخيل وضع الأجهزة الكهربائية التي فيه و الموبيليا ( طبعا سئ لأن ناس أكتر بتستخدمها )
و هذا هو الحال في مصر تماما ...............
نيجي لموضوع الموظفين
في الدول المتقدمة كل شئ محوسب أي بالكمبيوتر و التدخل البشري قليل جدا
يعني مثلا أنا أروح عشان أطلع رخصة
ثم أجد مش أقل من 100 موظف يفعلون لا شئ
تذهب لواحد منهم تقوله أنا عايز أدفع الضرائب بتاعة العربية ...... يروح سعادة البية يكتبلك وصل و يقولك روح أدفع في الخزانة و تقعد تلف و دوخيني يا ليمونة
و مصر لديها 6 مليون موظف حكومي يخدمون 80 مليون نسمة
أما الدول المتقدمة
400 ألف في انجلترا ل 60 مليون
650 ألف في الولايات المتحدة يخدمون 250 مليون
800 ألف في تركيا و يفكرون بتخفيض العدد و يخدمون 70 مليون
طيب أنا كنت لما أحب أبيع عربية و أنا في أوروبا عارف أنا كنت بعمل أيه
نمضي عقد أنا و الشاري و نرسل العقد لإدارة المرور عن طريق البريد
في خلال يومين يتم ارسال الرخصة الجديدة باسم الشاري الجديد و أنتهى الموضوع
هنا في مصر يطلع عين اللي جابوك و خلفوك ( آسف جدا على التعبير و لا أقصد حضرتك ) و يضيع منك من 3 إلى 4 أيام علشان تخلص الإجراءات و لو عايز تخلص بسرعة شوية تدفع رشوة أو يكون ليك نفوذ
في حين في الخارج كل اللي بعمله بأشتري جواب و طابع بريد و أحط الجواب في صندوق البريد من غير ما أتحرك من مكاني
لذلك يجب تقليل عدد الموظفين الحكوميين و رفع مرتباتهم
أصله مش معقول يبقى الموظف بيأخد مثلا 500 جنيه في الشهر علشان الحكومة بالفعل متقدرش تديله أكثر من كدا علشان العدد الكبير اللي شغال في الحكومة
و لو حدث ذلك له عدة منافع
1 زيادة مرتبات الموظف الحكومي
2 الإنهاء على الفساد و تضييع الوقت
3 القيام بعمل فعلي و ليس صوري و كأنهم بيعطوا الناس شغل و خلاص من غير ما يكون فيه شغل فعلي
4 تحسن الحالة المادية و النفسية للموظف مما يعود بالنفع على الموظف و عائلته و المواطنين أصحاب الخدمات
و يجب أن ينظر الناس إلى لب المشكلة و ليس الغطاء الذي حولها
الحكومة جزء من المشكلة و الشعب هو الجزء الأخر و أنا أوزع المشكلة ما بين الشعب و الحكومة مناصفة أي 50 % لكل منهما
انا اضم صوتى لاستاذنا الفاضل سبعاوى
وحقيقه انا اعتقد ان البنمزين مش هيغلى دلوقت تحديدا لكنه سوف سيزيد بالتأكيد لكن متى تحديدا الله اعلم
وللاسف موضوع الاشاعات هذه فى مصر مسيس
يعنى مثلا لما تحب الحكومه ترفع سعر العيش وافتكروا معايا كويس كانت بتسرب الاشاعه على السنه الناس ليتناقلوا فيما بينهم وحتى يحدث تهيئه نفسيه لتقبل الزياده عند حدوثها وحتى لايحدث فوضى ومظاهرات وهذه سياسه امتصاص الصدمه
واللى عايز يتأكد يراجع التاريخ
ولعل اخر اشاعه هى مرض وموت الرئيس اللى اتضح فى النهايه انها اشاعه مسيسه لجس نبض الشارع وكان فى امكان الحكومه قطع الالسنه من اول يوم وتكذيب الخبر بصوره لاتمنع الشك لكنها تغاضت عن ذلك وسمحت للاشاعه بالتغول والانتشار
والنتيجه طبعا جس نبض الشارع وتهيئته للتوريث
والنتيجه الاخرى هى اصطياد بعض الصحفيين بحجه نشر اشاعات كاذبه يعنى عصفورين بحجر واحد
للاسف كل دى مواضيع مفقوسه ومعروفه كويس وللاسف برده احنا بنساعد كثير فى تحقيقها
لذلك ياريت مانسمحش لمثل هذه الاشاعات ان تنتشر
كمان شئ اخر بعض الاخوه الذين اتصلوا بمحطات البنزين هذا ايضا ماكان مفروض ان يحدث لان بكده بنفتح عينهم على رفع البنزين فعلا وبنهيئهم نفسيا لفعله وهم الان مترقبول لساعه التنفيذ
اخى العزيز tutankhamoun
كلامك لايوجد فيه اى خلاف مع كلامى
ولكن الوسيله هى محل الخلاف
نحن فى مصر لدينا من الامكانيات الهائله التى لاتوجد فى دوله اخرى سواء كانت متقدمه او متأخره
لدينا نهر النيل
لدينا ارض خصبه وارض تحتاج للاستصلاح (ثروه زراعيه )
لدينا ايضا ثروه بتروليه
لدينا ثروه سياحيه
لدينا قناه السويس وماأدراك ماقناه السويس لو استغلت كما ينبغى
لدينا ثروه عماليه
كان لدينا افضل ثروه على مستوى العالم كله ولكن اضعناها (القطن المصرى)
لدينا افضل انواع المحاصيل (كالارز )
لدينا مساحات شاسعه من الاراضى الجديده لو تم فعلا توزيعها على الخريجين لاتت ثمارها ولكن مايحدث هو العكس يتم توزيعها على كبار لصوص الدوله والكل عارف ده
لدينا ثروه سمكيه ممتازه
لدينا ثروه مائيه بحريه يمكن استخدامها لحليه مياه البحر
لدينا المواد الخام لعمل مشاريع توليد الكهرباء والطاقه من مياه البحر ومن الرياح بالصحراء ومن الشمس
لدينا علماء من افضل مايكون بالعالم ولكن لانسمح لهم بعمل شئ
لدينا كل مقومات التقدم ولكننا لانريد ان نتقدم
للاسف كل هيكل الحكومه بحاجه للتغير بناس شرفاء قلبهم على البلد مش مصالحهم الشخصيه
وحتى لاتظن ان الشعب مالوش دور لا بالعكس مع الخطوه السابقه ايضا للشعب دور هام فيجب على كل فرد ان يراعى ضميره ويبدأ بنفسه ولاينتظر الاخرين لاننا بكل اسف شعب سلبى جدا ومفرط بحقه
وكل واحد بيقول وانا مالى هو انا اللى هاصلح الكون طيب ماهو انا وانت وغيرنا فى المحصله هو الشعب اذن لابد من تلاحم قوى الشعب ولن يحدث هذا بين يوم وليله ولكن يحتاج لعده سنوات يحتاج الى جيل جديد
فو كل رب اسره ربى ابنائه على تحمل المسؤليه وعلى عدم التفريط بحقه والى زرع قيم الحق به وعدم زرع قيم السلبيه به سيكون النتيجه جيل على قد المسؤليه وهذا الجيل هو الذى سيكون ماسك زمام الامور لان اللصوص هيكونوا خلاص راحوا فى ستين داهيه
اذن الخلاصه مطلوب تربيه جيل جديد هدفه التغيير الحقيقى لان بصراحه الجيل الحالى سلبى جدا ومش ممكن هيغير شئ لانه اصلا اتربى على الجبن
والحمد لله انا بدأت بنفسى واربى اولادى على ذلك وعلى مافشلت انا فى تحقيقه وربنا يحقق امنى وامانى كل مصرى للنهوض ببلدنا بلد الحضارات
دكتور أبراهيم ..... شكر على حسن الحوار
أنا أتفق معك ........ و لكن
مشكلة مصر تتمثل في
الزيادة السكانية الرهيبة ............. النظام الإداري الفاشل الذي يشجع على الفساد
و هذا بإختصار
فحتى لو جاء ناس عندهم ضمير و بيشتغلوا صح .......... النظام الموجود لا يساعدهم على التقدم و الأبداع
لذلك يجب تغيير النظام الحكومي بالبدء بتقليل عدد العاملين في الحكومة و تفعيل دور الحاسب الآلي و إعطاء الفرصة كما حضرتك ذكرتك سلفا للمتخصصين و تدريبهم باستمرار تدريب حقيقي و فعلي
و شكرا مرة أخرى
اشكرك اخى العزيز tutankhamoun
اختلاف اوجه النظر لايفسد ابدا للود قضيه بالعكس ربما يكون سبب فى ايجاد حلول
لى تعليق فقط على حكايه المشكله السكانيه وانا اقول لك انها ابدا ليست مشكله ربما هى الان فقط مشكله لاننا زياده بلا عمل ومعظمنا مالوش اى فايده علشان كده بتشعر بانها سبب المشكله
لكن العكس هو الصحيح يمكن استثمار هذه الزياده فى ان تكون مصدر انتاج وليس عاله على المجتمع والوسائل كثيره جدا والشباب لديه الاستعداد لكن محتاج فقط لمن يأخذ بيده بدلا من استقطاب الشباب الى اشياء تافهه وتقليد الغرب فى مساوئهم فقط
لعلك تذكر قول رسول الله صلى الله عليه وسلم عندما قال تناسلوا تكاثروا فانى مباه بكم الامم
وقد وصف الله تعالى نبينا بانه لاينطق عن الهوى وان كل كلمه ينطقها هى وحى من الله
اذن لامجال ابدا لان تصبح كلمه نبينا محل خلاف وتشكيك
فقد كان رسول الله صلى الله عليه وسلم نبى وقائد وزعيم ورجل تجاره واقتصاد ورجل سلم ورجل حرب ورجل انسان بمشاعر ورجل رحيم وكريم ورجل عالم والدليل على ذلك انه بنى حضاره امه اسلاميه متقدمه وصلت الى مشارق الارض ومغاربها ولكن للاسف مابناه هو هدمناه نحن احفاد احفاد احفاده
لذلك اقول لك عمر ماكنت زياده السكان مشكله ابدا واوعى تصدق كلام الصحف والتليفزيون والكلام الفارغ ده اللى عايزه الحكومه توصله لينا وتحسسنا اننا السبب فى فشلها
دكتور ابراهيم
الرسول عليه الصلاة و السلام أمرنا بالتعقل أي التفكر ثم التوكل على الله عز و جل
و لي سؤال .......... هل الرسول مباهي الأمم بالمسلمين الموجودين حاليا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
و أعتقد أن الحديث هو تناكحوا تناسلوا و حتى لو كان بنفس كلمات حضرتك تناسلوا تكاثروا ......... التناسل و التكاثر ليس معناه العدد و لكن المعنى الحرفي له هو التكاثر فقط و ليس العدد
ليس معنى ذلك أن نتكاثر مثل الحيوانات ( آسف جدا على التعبير ) أريد إن حضرتك تفهم مغزى كلامي
العدد ليس مهم الأهم هو الكيفية
يعني الزيادة السكانية في مصر مشكلة
تسبب تكدس سكاني مما يخلق مشاكل بين الناس لم تكن موجودة منذ 20 أو 30 عام مضى
عندما تحدث المولى عز و جل في القرآن عن ذي القرنين كان يقول
و أتخذ سببا
أي أخذ بالأسباب
لذلك يجب أن نحلل مشاكلنا تحليل موضوعي و شامل قبل أن نحكم عليها
نحن نعيش على 4 % فقط من مساحة مصر و نحن مجبرون على ذلك بطريقة أو بأخرى
المهم أن الزيادة في هذه المساحة الصغيرة مؤذية أكثر منها إيجابية
أنظر إلى اسرائيل على سبيل المثال .......... هم 6 مليون فقط .......... و لكن لديهم جيش قوي لأنهم لا يعتمدون على العدد و لكن على القوة ....... ( هذا مثال فقط و لا أقصد مثلا أنهم أقوى منا )
أتعرف جيش بريطانيا لا يتعدى 350 ألف مقاتل و لكنه جيش من أقوى الجيوش العالمية ليس بالعدد و لكن بالعتاد و العدة
................................
أحاديث الرسول الكريم على عيني و على رأسي و لكنه هو أيضا من أمرني بالتفكر في أمور ديني و دنيايي
و سامحني يا دكتور ......... أنا لا أتفق معك في هذه النقطة
و لك في الدول المتقدمة خير مثال ( لأنهم أخذوا بالأسباب التي أنزلها الله )
يبقى مقصد كلامي هو الأخذ بالأسباب التي خلقها المولى عز و جل و التوكل على الله و الإعتماد عليه قبل كل شئ لأنه خالق الأسباب و هو من وضع فيها خواص العمل و الفاعلية
أرجوا أن تفهمني جيدا و لا تسوء فهمي
و ألف شكرا على الحوار الممتع المحترم مع حضرتك
اخى العزيز tutankhamoun
انا ذكرت ان مصر بها موارد لاحصر لها ولديا اكبر صحراء وانت بنفسك ذكرت ان كل المصريين يعيشون على 4% من مساحه مصر فأين باقى المساحه ؟
اليست تعتبر مورد استثمار ولديك الكثره السكانيه فلما لايتم ازاحه تلك الزياده ونشرها فى باقى المساحه وكما ذكرت توجد المقومات والموارد التى تسمح بذلك عندئذ ستجد ان مصر تستطيع استيعاب كل سكانها واكثر ولن تشعر ابدا ان لديك اى زياده
وهذا ماأريد قوله من البدايه الزياده ليست هى المشكله بل طريقه استثمارها
بمعنى اما ان تكون عاله او تكون منتجه
فلما لايتم توزيع هذه المساحه التى تشكل 76 % من مساحه مصر على الشباب
لما لايتم نقل جزء من المؤسسات الحكوميه والمصانع مثلا من القاهره الكبرى الى مدن جديده لتخفيف حده الزحام والضغط ونشر السكان فى الاماكن الجديده
ولكن مايحدث هو العكس الكل عايز يعيش على بقعه صغيره جدا ويترك باقى بلده لمن لااعرف
اخى الاتعلم ان معظم مؤسسات مصر الحكوميه تم بيعها للاجانب بابخس الاسعار
يعنى بعد كام سنه ستجد ان مصر محتله اقتصاديا ثم فعليا وستجد كل من اشترى شئ بمصر يقوم بطرد المصريين منه وهنا ستزيد الطامه الكبرى ستشعر فعلا بحجم المأساه
عندما يتحكم فيك وفى بلدك المستثمر الاجنبى واخشى ان نتحول مثل فلسطسن
لذلك الحل الوحيد هو اعاده الانتشار فى كافه ربوع مصر وتخفيف حده الزحام والتكدس بالمدن الكبرى
وطبعا لن يحدث ذلك بسهوله لابد من ان توفر الدوله اساسيات الحياه بهذه المناطق الجديده والبنيه الاساسيه وعندها صدقنى ستجد ان الناس ستقوم بالانتشار وانا شخصيا مستعد لذلك رغم انى اعيش فى الوجه البحرى يعنى لااشعر بحجم المشكله التى يشعر بها اهل القاهره مثلا ولكنى اتكلم للصالح العام وصالح مصر
صدقنى هذه الزياده السكانيه لها حاجه لتعمير هذه المساحات الشاسعه لدينا وليست كما تقول لكن فقط مانحتاجه هى زقه من الحكومه ومساعده بسيطه
أتفق معاك 100 %اقتباس:
أولا ليست الصين موضع مقارنة مع مصر لأختلاف أوجه المقارنة
مساحة الصين 8 .5 مليون كيلو متر مربع أي مثل مصر 8 مرات و نصف ..... لديهم أنهار كثيرة و لا يعانون من الجفاف و قلة المياة ..... ليس لديهم صحراء جرداء أو لديهم القليل منها و أغلبية الأراضي الصينية أراضي وراعية و غابات
بس حضرتك نسيت كمان ميزة تمتاز بها الصين و هي إن كل خير الصين محمي من السرقة و النهب و يكفي ان سعادتك تعرف إن كل مسؤول صيني تثبت عليه تهمة الفساد بتكون العقوبة إعدااااااااااام مهما كان منصبه و دي مسألة مفيش فيها هزار في الصين
و شوف في العشر سنين اللي فاتوا كام مليار دولار اتنهبوا من مصر و طلعوا الى الخارج و شوف المبالغ دي لو كانت موجودة في مصر حاليا كانت ساهمت في إيجاد فرص عمل لكام الف شاب و ساهمت في حل كام الف مشكلة بنعاني منها
طبعا مع إحترامي لوجهة نظر سعادتكاقتباس:
لما تقارن قارن مصر بدولة شبيهة مثل الدول التي في نفس مساحة مصر
يعني مثلا نقارن مصر بألمانيا........ فرنسا .......... بريطانيا ........... ايطاليا
مع العلم إن مصر مساحتها أكبر من كل الدول دي و لكن هما معنهومش صحراء برضه و لا يعانون من جفاف و قلة مياه
بريطانيا مثلا عدد سكانها 60 مليون نسمة و هذا العدد ثابت منذ 20 عام أو أكثر
لا توجد مشكلة في المواصلات علشان مفيش زيادة سكانية
لا توجد مشكلة في البطالة ........ لأنه مفيش زيادة سكانية
مستحيل طبعاً اقارن دول تختلف مع بعضها في العادات و التقاليد و الدين فكل بلد و ليها ظروفها و طبعا غني عن التعريف إن مفيش زيادة سكانية هناك بسبب إنهم و بكل بساطة أخر حاجة بيفكروا فيها هي الزواج و كل شاب و فتاة بيعيشوا مع بعض كأنهم أزواج و بدون زواج و بالتالي بدون أولاد و طبعا الزيادة السكانية هتيجي منين ؟؟؟؟؟
إنما في مصر يا سيدي العزيز الوضع مختلف فنحن ديننا و أخلاقنا و ثقافتنا ترفض مثل هذا الوضع
و بعدين ألا يكفي يا سيدي العزيز ان في مصر حوالي 9 أو يقال 10 مليون عانس ( من الجنسين ) ؟
و حتي اللي متزوج مش عارف من الغلاء يخلف اكتر من طفلين
بالله عليك ما هو المطلوب من الناس تاني يعملوه عشان عددهم يقل ؟؟؟؟المليارات التي نهبت من مصر في العقد الأخير لو كانت اتصرفت على التعليم كان زمان عندنا تعليم أفضل بكثير من التعليم الحالياقتباس:
في تعليم أفضل ....... خدمات أفضل علشان مفيش ضغط عليها بسبب الزيادة السكانية
و شكراً مقدما على سعة صدر جنابك