نصيحة عن فورد إسكورت

**TaoTao** · 17-01-2010 08:18 PM

المشاركة الأصلية كتبت بواسطة ahmed73

سيدى الفاضل بعيدا عن سمعة فورد السيئة فى السوق المصرى النابعة من الوكيل السابق الذى أجاد إهانة السيارة الفورد اطلع على الموضوعات الموجودة بقسم الفورد ثم احكم على السيارة وإن شاء الله ربنا هيوفقك للخير والصالح

طب ماتدينا الخلاصة وتجاربك مع السيارة ينوبك ثواب .. لأن سمعة السيارة مش كويسة في السوق للأسف !

**Ahmed_Gadalah** · 18-01-2010 12:27 AM

اضافة للي قالوه الاعضاء , مش اي ميكانيكي يشتغل فيها

**ahmedsamir79** · 18-01-2010 10:28 AM

المشاركة الأصلية كتبت بواسطة ahmed_gadalah

اضافة للي قالوه الاعضاء , مش اي ميكانيكي يشتغل فيها

فعلا
بس يستحسن انك تفتح الموضوع ده في قسم الفورد

**super_waves20** · 18-01-2010 10:24 PM

واحد صاحبى كانت معاة العربية كانت بسم الله ما شاء الله ولكن عندما اراد انه يطلع مفتاح كمان للعربية احطياطى يعنى داخ واطر انة يطلعة من التوكيل فى اكتوبر وبعد فترة عرف ان فى واحد بيطلعة من المهندسين تقريبا هوه قال ان سعر المفتاح من التوكيل كام 180 تقريبا على ما اعتقد
وداخ علشان يركبلها سير للمكنة والاخر ركب سير بيجوا 504
يا جماعة احزروا من السيارة هية جميلة بس لو فتحت بقها فى حاجة خلاص
انا ركبتها وكانت جميله والله بس الحلو مايــــكملش
ابعد عنها نصيحة

**ahmedrashaad** · 19-01-2010 11:04 PM

انا كان عندى العربية دى وكنت بعملها صيانة عند الوكيل الجديد وقطع غيارها متوفرة واسعارها معوقلة وعلى فكرة كنت بسافر بيها ابوعيا لشارم الشيخ مرة والغردقة مرة على سرعة 160 وكانت العربية ثابتة تماما وممتازة جدا

**wkisho2005** · 21-01-2010 07:55 AM

معايا الاسكورت ال1300 طبعا مفيش كلام بعد اللي قالوه الناس المحترمة اللي هنا بس بالنسبة لقطع الغيار دلوقتي بئي في اختيارات كتير يعني قطعة الغيار بينزل منها الالماني والفرنساوي والتركي وفي فروق في السعر بينهم طبعا لكن انت المفرود متسالش علي سعر قطع الغيار لانها بصراحة بتعوض سعرها والقطعة اللي تقعد في عربية تانية شهرين (علي سبيل المثال)تقعد في الفورد 4
لو العربية داخلة دماغك توكل علي الله وهاتها بس اهم حاجة اهم حاجة تكون حالتها تمام وفي عضو في قسم الفورد حاطط في توقيعه جملة عاجباني اوي
(الفورد عربية بشوات متركبهاش من ورا شحات) يعني لازم اللي هتشتريها منه يكون واخد باله من العربية في صيانتها