يا جماعة ايه رايكم فى تنظيف الكربراتير بالمنتجات الحديثة ؟

**khmonir** · 16-08-2010 03:33 PM

سؤال للأخوة الأفاضل
أنا عربيتي بولونيز وبتعمل 120 كم في الصفيحة واتقالي إنها مفروض تعمل من 170 - 180 في الصفيحة ، يا ترى تنظيف الكاربرتير بالطريقة المذكورة يحل المشكلة ، والا لازم أوديها لواحد بتاع كاربراتيرات

شكراً

**good09** · 16-12-2010 10:02 AM

شكله عاوز يتصلح

**benmatar** · 16-12-2010 02:01 PM

السلام عليكم ورحمة الله وبركاته،،،
من تجربة تكررت موضوع الكربريتور ونظافته وضبطه يعتبر روح الموتور التقليدي.. أنا شخصيا كنت بفكه مع الميكانيكي بتاعي وننظفه ببنزين ونغسله لغاية مايبرق.. ونركبه جزء جزء.. الموضوع عاوز صنايعي نظيف وروقان وطول بال

**mbx4e** · 16-12-2010 03:13 PM

المشاركة الأصلية كتبت بواسطة khaled_sabry

ياريت حد يساعدنر بجد
انا امبارح روحت عند الميكانيكي علشان يظبطلي العربيه
المهم قالر ان الرشاشات بتاعت الكربراتير مسدوده من جوه و عاوزه تتسلك ... و ان المفروض اروح لحد بتاع كربراتيرات علشان يسلكهولي
المهم هو ظبطه و ظبطلي الكهربا حلو اوي
و انا روحت بيها و الدنيا وردي
و اول لما طفيت العربيه قومت فكيت العمه و جبت شويه بنزين و دلقتهم جوه الكربراتير
و سبت العربيه و تاني يوم الصبح العربيه مش راضيه تدور نهاي
اشتريت منظف الكربراتير من البنزينه اللي جنبنا و ماعملشي اي تآثير
و المشكله كمان ان الناهرده الاحد و مافيش ميكانيكي ينجدني
ياريت حد يساعدني بدل بهدله المواصلات

الرشاشات؟؟؟؟؟؟؟
بس دي بتتغير لو بايظه او تنظيفها بس داصعب ومفعوله مش مؤثر ( بس جرب يمكن تزبط الكلام ) التسليك بسلك بيبوظ الرشاشات وبيغير من طريقة شغلها (بيوسعها ) الصح انها تنظف باسبراي الكربراتير او سرنجه فيها بنزين نظيف ( مذيب قوي 92 او 95 مثلا ) والاسبراي يتنظف بيه البيكات والرشاشات

شويه بنزين و دلقتهم جوه الكربراتير؟؟؟؟؟؟؟؟؟
ياراجل دا كلام حرام علييييييك انت كدا مش شرقتها انك خليت البنزين يسد مجاري الهوا اللي في الكاربرتير الحل انه يتفكك حته حته و يتنشف ياما تجيب بلاور او سشوار وتشغله على السخن والسرعه البطيئه وتوجه بحذر عشان تبخر البنزين وتخلي بالك لو شغال بسشوار سخن عشان مايولعش البنزين تعامل بحذر ومن بعيد ( بالبلدي ياتنشفه ياتهويه ) ويستحسن لو معاك طفايه حريق خليها جنبك وتجربها قبل ماتشتغل وخلي حتة فوطة جنبك برده عشان لو عطلت تكتم الهوا عشان لاقدر الله مايحصلش ولعه

اشتريت منظف الكربراتير من البنزينه اللي جنبنا و ماعملشي اي تآثير؟؟؟؟؟؟؟؟؟؟؟
دا شيئ طبيعي لانه بيذوب الترسبات الكربونيه والسخام والهباب والزيوت البتروليه الغير متطايره ( زفت قليل الكثافه وشحم ) مش بيذوب البنزين فطبيعي انه مالوش اي فعاليه خالص نهائي

**mbx4e** · 16-12-2010 03:58 PM

جرب كدا حل البوجيهات الاول مع اني اعتقد انه لا علاقه لها وليس له اي تاثير على شرقان الكربراتير
بقى الكربراتير مجاري الهوا فيه تتسد بالبنزين اللي مفروض يخش فيها هوا عشان يقابل رذاذ البنزين اللي بيتخلطوا مع بعض ويعملو خليط الوقود او ابخرة البنزين (قابله للاشتعال ) يقوم ينط في البوجيهات عجيبة دي ياجدعان لو هي السبب حد يقنعني
دلوقتي اللي عمله المهندس خالد انه بوز مقادير الطبخة بتاعت الكربراتير بانه خلى بنزين سائل يتخلط مع بخار بنزين طب يدخل الموتور ازاي ويتحرق ازاي ومافيش اكسجين اللي هوا جاي من الهوا اللي المهندس خالد خلاه بنزين في بنزين كدا ينفع ولا انا بهذي حد عنده فكره او يفهمني ؟؟؟؟؟؟ وعادي اني اكون غلطان انا بتناقش عادي ياجماعة اختلاف الراي لا يفسد للود قضية وانا بتعلم منكم جميعا وكتر خيركم

**mbx4e** · 17-12-2010 08:34 AM

انا لسه ياجماعة قاري مسج من الباشمهندس خالد
قلي هو عمل ايه بس مالوش علاقة باللي قلتهوله (خلاص مابقتش افهم هههههههههههه انا اعتزلت الهوايه دي خالص )

دلق بنزبن جوه الكربراتير و شد الاكسلرتير و كان نتيجه كده ان البوجيهات غرقت فى البنزين و بالتالى العربيه مادارتش ووداها الميكانيكي
كل اللى عمله فك البوجيهات و سابها ساعه وركبها تانى و بعد كده دور و دارت من اول تكه وخلاص خلصت القصه
و الكربراتير زى الفل مافيهوش حاجه
يعين طلعت باب اكورديون ياجماعه ههههههههههههههههههههههههه ماحدش يسمع كلامي تاني