-
سؤال ضرورى ياشباب
هاااااااى ازيكم ياشباب انا
member
جديد فى السايت ومعايا هوندا اكورد 83- اوتوماتيك-الاصدار الامريكى
بجد لما اشتركت فى السايت لاحظت انكم ماشاء الله شباب جامد جدا فى كل حاجة عن الهوندا والسيارات عموما
انا كنت عايز اسأل لو سمحتم
ايه هو ال
system
اللى بيعمل على تسخين العربية او بمعنى اصح عمل عملية ادارة للمحرك بكفاءة عالية دون احتياج العربية للتسخين قبل التحرك من السكون
طبعا نظام الادارة العربية بيبتدى من المارش اللى بياخد من كهربا البطارية ومرورا بالفلاى ويل وبعد كده عمود الكرنك ومنها للبساتم بتاعت السلندرات فتسحب الخليط بتاع البنزين والهواء وهكذا
بس احيانا فى الشتا خصوصا فى ايام الباردة قوى مش بتدور العربية من اول مرة
ياترى ايه السبب الاساسى؟؟ تقريبا بيبقى نسبة البنزين فى الخليط مش مناسبة لاتمام عملية الاحتراق؟
وبجد ياريت ياشباب تفيدونى فى تركيب النظام اللى بيخلى العربية تدور من اول مرة دون الحاجة لتسخين
سورى بجد ان سؤالى طويل قوى وشكرا ياشباب
-
اولا اهلا بيك عضوا جديدا فى المنتدى وان شاء الله تقدر تستفيد وتفيد فى نفس الوقت وان شاء الله المنتدى يعجبك
نيجى بقى لسؤالك :
اولا ياباشا المسؤل عن تسخين العربية اتوماتيك بمجرد مابدور العربية هو حساس الحرارة ودة بيشعر ان العربية باردة فبيضطر انة يعلى عدد لفات الماتور عشان السيارة ماتبطلش او ترجرج لحد ماتوصل لدرجة الحرارة الطبيعية بتاعتها وطبعا بينزل مؤشر الار بى ام عكسيا يعنى كل مالحرارة تزيد الاربى ام بينخفض ,لحد مايوصل 850 لفة فى الدقيقة
دة اجابة السؤال الاول
الاجابة التانية :انت عندك العربية لو بتاخد وقت طويل شوية فى الادارة صباحا يبقى حضرتك عندك لائما البوجيهات مش بتلقط كويس ,او الكهرباء مش مظبوطة ,او وجود خلل فى الكربراتير او ضعف فى احدى الحساسات لو السيارة انجيكشن وكل دة بيتحل لائما بتغير البوجيهات او بتنظيف الحساسات او بتغير التالف منها ودة طبعا بتعرفة عن طريق السكانر
وعلى فكرة بردة عشان تبقى عارف ان نوعية زيت الماتور بتفرق من احادى اللزوجة الى متعدد اللزوجة وطبعا كل ماقل الرقم اللى على الشمال بيبقى نوعية الزيت افضل ويقدر يستحمل الاجواء الباردة ويتعامل معها كويس جدا لانة بيبقى خفيف وسهل فى الوصول الى كل نقطة فى المحرك وبالتالى عملية تزييت افضل
وخلى بالك كل كلامى دة على ماتور حالتة كويسة يعنى مش بياكل زيت حالتة كويسة جدا ومافيهوش مشاكل لان غير كدة الوضع بيختلف خالص
-
بجد متشكر جدا جدا على ردك
وفعلا استفدت منه
وبالنسبة للموتور هو عربيتى لسه مكملتش
89000 كيلو متر
وكانت مرفوعة عشر سنين فى الجراج وحالتها حلوة بس يعيبها موضوع التدوير ده احيانا ونفسى اعرف السبب
من وجهة نظرك هل الاقرب ان يبقى عيب بوجيهات وكهربا ولا مشكلة ميكانيكية فى الكربيراتير ؟؟
وبالنسبة فعلا بيبقى فيه ترقيم لانواع الزيوت على حسب فصول السنة بس للاسف فى مصر عندنا مش بنهتم بالموضوع ده وهل تغيير الزيت وتغيير الفلتر ممكن ياثر على الموضوع ده؟
وبالنسبة لطرمبة البنزين ممكن يبقى ليها اى عامل؟؟
-
انت عندك كربراتير يبقى نظف البيجات كويس,واظبط الكهرباء وغير ابلاتين وكوندينسر لو عندك ,وطبعا البوجيهات ودة بيبقى اسمة طقم سيرفيس كامل.
اما بالنسبة للزيوت فدة عادى احنا هنا عشان معدل الحرارة بيبقى اخرها 8 درجة ودة نادرا لما بيحصل فبيبقى احسن زيت تجيبة بتاع شل وهو الاصفر وبيبقى درجة لزوجتة 15w وطبعا بيبقى كويس جدا للظروف بتاعتنا
اكيد طبعا طرمبة البنزين ليها عامل ,لو عندك طرمبة البنزين كهرباء يبقى ممكن يكون الاتوماتيك بتاعها ضعف ,وشوف العربية ماشية معاك كويس مافيش خنقة فى السحب مافيش مرة مثلا علقت معاك ودارت بالعافية كل دة مؤشرات على انتهاء طرمبة البنزين
-
طب وبالنسبة للكشف بالسكانر هل بيبقى فى المحركات الانجكشن ولا مش هتفرق
ولو لاى نوع ياترى اقدر اكشف عليها فين وبتكلفة قد ايه؟
والمحرك عندى سبيراتير مفيش ابلاتين وكوندنسر
-
وياترى تكلفة الكشف بالسكانر كبيرة فعلا و ممكن فى اى نوع محرك ولامحركات معينة؟
معلش انا اساالتى كتير شوية بس بجد عايزاعرف وفين اماكن الكشف عليها بالسكانر
-
السكانر دة للسيارات الانجيكشن فقط
الاسبراتير بيبقى موجود جواة الابلاتين والكوندينسر يبقى اكشف عليهم
-
نسيت اقولك ان السبيراتير عندى الكترونى يعنى مفيهوش ابلاتين وكوندنسر
وشكرا ياباشا بجد على المعلومات دى
Content Relevant URLs by
vBSEO 3.6.0 PL2