اخيرا حقيقة السيتي 2010

**sherifab** · 22-12-2009 08:28 AM

السيتي سيارة رائعة بكل المقايس و لكن السؤال هو هل التوكيل في مصر سيقوم باضافة هذه التجهيزات للسيارة ؟؟؟؟؟؟؟

**fedoracore** · 23-12-2009 12:16 AM

التوكيل مالوش دعوة بالحاجة دي
ومعندوش مانع انك تعمل ايا حاجة بس من غير ما يتسبب عنها ضرر للسيارة لانه مثلا ممكن تركب وحدة سنتر وانذار للسيارة بس لو حرقت حاجة غلط في الضفيرة اثناء التركيب يبقى انت المسئول عن تصليحها
انا رحت صيانة الخمسة والعشرة والمهندس شاف الي انا عامله ولم يعلق ابدا
يبقى لازم تشوف حد شاطر عشان يركبلك ويكون فاهم العربية بتاعتك عشان مش يجرب فيك
وانا الي ركبلي ماشاءالله عليه اخطبوط وربنا يباركله

**mohamedhamam** · 24-12-2009 07:12 PM

ربنا يباركلك فيها و بالفعل العربيات اليابانى من الأخر

**fedoracore** · 26-12-2009 07:32 PM

السلام عليكم

بالنسبة لرقم الراجل الي ركبلي اكسسوارات زي السنتر والانذار و الباركيبنج سينسورووحدات الرفع وطبعا انا طلبت منه انه يعزلي الابواب من الداخل عشان صوت السماعات مش تعمل زنة

المهم انه ماشاءالله عارف بيعمل ايه

اسمه ناصر
0108840677

**hesham_tawfiq** · 22-01-2010 09:23 PM

السلام عليكم
انا باذن الله ناوى اشترى سيتى 2010 وهى عربيه فعلا اكتر من رائعه
بس عاوز اسأل حضراتكم هو حجم الشنطه كام لتر تقريبا واخبار وسع العربيه للركاب الخلفيين ايه
شكرا

**spiderbaz** · 23-01-2010 08:31 PM

المشاركة الأصلية كتبت بواسطة hesham_tawfiq

السلام عليكم
انا باذن الله ناوى اشترى سيتى 2010 وهى عربيه فعلا اكتر من رائعه
بس عاوز اسأل حضراتكم هو حجم الشنطه كام لتر تقريبا واخبار وسع العربيه للركاب الخلفيين ايه
شكرا

بص يا باشا سعة الشنطه فى السيتى 506لتراكبر من السيراتوا اللي 415 بس
و العربية من ورا ما شاء واسعة متقلقش يكفي اني اقولك اني بركب 3 صحابي طخان و مليانين اوي فيها هههه متقلقش و اتكل علي الله و ربنا يوفقك ان شاء الله

**Horsepower** · 23-01-2010 01:33 AM

الله ينور ... مشكور

**hesham_tawfiq** · 23-01-2010 09:39 PM

خلاص ياباشا
هذيع اخر الشهر الجاى بأذن الله :)

**fedoracore** · 25-01-2010 03:40 AM

السلام عليكم
اول نصيحة هي لما تركب الباركينج سينسور
ركبه نفس لون العربية يعني مش تجيب لون تاني وتدهنه

ممكن التواصل على الماسنجر
strangewish@hotmail.com
انا انصح الجميع يشوف صرفة ويجنط العربية كوتش اعرض شوية لثبات اكتر
واخر نصيحة عن تجربة والله
انا ركبت زينون لون 6000 لمدة 3 ايام ورجعته تاني للراجل عشان فعلا انا مش كنت شايف ايا حاجة منه واكتشفت السبب لان الفانوس كبير و مفيش عدسة للاسف وده خلا النور يفرش قوي شمال و يمين و في الامام النور ضعيف جدا و فعلا كنت متدايق قوي وانا ماشي على الدائري
قالولي ركب لون 4300 اقل في اللون الازرق لكن اقوى واوضح
بس بجد عن تجربة ونصيحة لوجه الله محدش يركب لون 6000 على الفانوس ده عشان فعلا النور حيبقى اوحش جدا من النور الفبريكة يعني نص وضوح الفابريكة
واخر حاجة نفخت الكاوتش نايتروجين لفوائده من عدم تمدد الضغط مع الحرارة
واخر تجربة انه كل صيانة كان التوكيل يستعمل زيت موبيل وان
بس انا اخدت نصيحة صديق واستعملت زيت شل في اخر صيانة والمفاجاءة انه صوت الموتور انخفض بشكل واضح وانعم

**fedoracore** · 25-01-2010 04:03 AM

حاجة مهمة اكتشفتها
فلتر الهواء في الموتور محطوط عليه زيت علشان ينقي الهواء وينظفه ويحمي الموتور لاقصى درجة
المشكلة انه الفلتر بيتوسخ بسرعة ويتكتم وده بيخلى السحب اقل بتاع العربية ويزود استهلاك البنزين
و مش حينفع تنظف الفلتر بالهواء لانه عليه زيت زي ماقلت

الحل انك تغيره في التوكيل بعد 10 او 15 الف كيلو وثمنه 130 جنيه
او تركب فلتر سبور شبه الفابريكة في الشكل والمقاس بالظبط يعني مش النوع الكبير الي شبه الاباجورة بالماسورة
الفلتر السبور بيجي معاه منظف و زيت وسعر المنظف والزيت 110 جنيه من شارع دمشق بس الفلتر مش فاكر سعره لكن مش اكتر من 250 جنيه و كدة بقى ممكن تنظف الفلتر كل 8 الاف كيلو متر بنفسك و طبعا الفلتر السبور يديلك 5 حصان زيادة للعربية ويبان قوي في السحب