مشكوووووور والله يعطيك الف عافيه
عرض للطباعة
مشكوووووور والله يعطيك الف عافيه
فاكر النكته بتاعة السبعة الصعايدة اللي اشتروا تاكسي بيجو و ركبوا فيه على طول علشان السواق ما يسرقهوش و كانوا مستغربين ان العربية ما بتكسبش!!
مش قريبهم حل المشكلة بأنهم يغيروا السواق..........
أهو احنا برضه لازم نغير السواقين علشان الأسفلت يعيش!!!
خلينا نجرب مش هنخسر حاجة!!!
في اوائل التمانيات لما ابتدوا يدخلوا الغاز الطبيعي مدينة نصر كانوا بيحفروا الشارع بآلة غريبة الشكل كانت عبارة عن حاجة صفراء شبة المجنزرة بس فيها جنزير تالت رفيع عن العادي (حوالي 20-25 سم) راكب في النص وواقف مايل لفوق شبة منشار الاركيت و هي ماشية الجنزير التالت دة بينزل و يلف بسرعه و يحفر في الارض و يطلع بالتراب يرمية خلف الماكينة في عربية نقل ماشية وراها و كانت النتيجة حفرة على شكل مجرى شبة اللي انت مصورها دي بالضبط و بدون اي تراب عالارض, الكلام دة كان سنة 82 يمكن
ما هية دي المشكلة إن الموضوع مش موضوع هما معاهم فلوس وإحنا لأ ....
الموضوع موضوع ضمير مش أكتر لأن المكن اللى هما شغالين بيه ده عندنا وموجود بس ماحدش بيستخدمه
ولما حد بيستخدمه بيستخدمه بغشومية مع إن هو هو اللى ممكن يكون كان شغال عليه في السعودية !!!!!!!!!!!
ماتفهمش المشكلة في الأرض ولا في النيل ولا إيه
ده الراجل بيقوللك إن الحفر ده كان بالدريل !!!! ... مش مكن جبار يعني ولا حاجة
يا جدعان لا تكتئبوا و تقلبوا على نفسكم المواجع
احنا لما نحب نحفر علشان كابلات او اى حاجه بنشيل اسفلت الشارع كله
علشان حاجه بسيطه جدا
ان ان اللى بيحفر مايعرفش اللى حاط الكابلات حاطها فين
شوفتوا بقى انتم ظلمتم الناس اللى بتحفر عندنا ازاى
دى عقلية جبارة ورثوها من قديم الازل
ههههههههههه ماشافوش الى فى مصر الطبيعى يكسب ههههههههه
ابتسم انت فى مصر :ma:
على فكرة الحفر ده طلع مش تبع الحكومة!!!!!!!!!!!!!!!
ده طلع مشروع كده كابلات اتصالات و انترنت و كلام من ده تبع شركة ((موبيلي)).....يعني هيه عاملاه على حسابها و مدياه لشركة مقاولات خاصة
يعني دي مش أمكانيات الحكومة و البلدية و وزارة الأشغال و الذي منه !!!
يارب صبرنا................
المشكلة اننا في مصر مش مصدقين ان كل واحد ممكن يعمل حاجة و يغير الواقع........
يعني الراجل اللي بيحفر و يردم ده مسؤول عن شارع لو سابه خربان ناس بالألاف هتمر منه و تتضر منه على مدى السنين و هوه مش حاسس بيهم
مع ان تلاقي شارعهم برضه جه واحد زيه كسره و سابهوله و هوه بيدعي عليه!!
الكناسين لما بيسيبوا الشغل و يقفوا يشحتوا ولا يرغوا مع بعض مش متخيلين ان البلد هتخرب و لو انه فعلا الزبالة هتتكوم و الحشرات هتكتر و المنظر هيبئى سيء.......
بس ارجع تاني و أقول مقدم الخدمات و مستقبلها في مصر الأتنين وحشين الا ما رحم ربي.....يعني مثال بسيط
الجزيرة اللي في نص شارع فيصل عندنا يوميا على أخر الليل كده بقدرة قادر و بتكاتف قوى الشعب المصري بتتملي زبالة و زبالة من اللي بالك فيها كمان بواقي أكل و قشر بطيخ و بلاوي!!!!!جت منين!! الكناس اللي معندوش ضمير هوه اللي رماها!! يا قلبك يا أخي!! ازاي حد يقدر يؤذي الناس للدرجة دي و مش مكسوف لما نزل عدى الشارع و رماها!!
و ييجوا الكناسين الصبح يشيلوا بلاوي من الرصيف ده على امتداد الشارع
يا جماعة كلنا غايب عنا قيمة انفسنا و اننا جزء و جزء كبير كمان من بلدنا و عمرها ما هتتغير الا لما نراعي ربنا في بيوتنا و عيالنا و شارعنا و جيرانا و شغلنا.........و الله المستعان
انا لو إنتحرت هيبقي بسبب التلات مواضيع بتوعك.