ليه كده بس يا عم هتقلقني عليك......
انا مليش دعوة و ما شفتش حاجة و على فكرة هأقول كده في التحقيق كمان.........
عرض للطباعة
الحكاية فعلا من قديم الأزل..
بالرجوع الى البرديات الفرعونية القديمة اكتشفوا ان اول مسئول باشمهندس فرعونى اصدر اوامره بحفر الشوارع كان السيد المحترم "شا..رع.....مح..فور" و قد تم ذلك بتكليفه للمقاول الشهير "جا..روف....مك..سور" و بالأستعانة بالخبير "بلا..ليع....مف..تو..حة" من عصور ما قبل الأسرات.. و الذين تم على ايديهم حفر كل شوارع طيبة و منف و غيرها و عدم ترك شارع او حارة او زقاق الا و فيه حفرة او نقرة او بلاعة مفتوحة..
و للأسف تم طمس اعمالهم الباهرة من الحفر و النقر بواسطة مجموعة من الحاقدين و الحاسدين المتطلعين للأعلى الذين ابتدعوا العادة السيئة من بناء المعابد و الأهرامات و المسلات ... و التى استمرت لقرون طويلة .
لذلك جاء هؤلاء العباقرة فى زمننا الجميل لإحياء ذكرى اجدادهم القدماء.. و العمل على احياء تلك الذكريات الفرعونية الخالدة...
هو مش احنا فراعنة برضه ؟؟؟
لكل مبهور بالسعودية تعالى جدة ( غير ) اللى بيقولوا عليها وشوف الشوارع المكسرة والحفر اللى لا يمكن تلاقيها فى مناطق كتير من مصر
غير موضوع الصرف الصحى اللى مش موجود اصلا وبالتالى فى آبار للصرف امام كل بيت وفيلا وقصر وانا ساكن فى شارع فى حى السلامة فى شمال جدة يعنى ارقى منطقة
وهناك كل يوم تقريبا بير طفحان من المجارى ( اسف للتعبير ) بس والله كل ما اشوف المناظر المقززة دى ااقول عمار يا مصر اللى فيها كل قرية دخلها صرف
مش جدة ثانى مدن المملكة اللى بلا صرف والدليل السيول الاخير اللى كلها لاتتعدى مطر ساعتين فى اسكندرية بلدى وحبيبتى هذه السيول اللى قتلت حوالى 200
والله يا جماعة بلدان بخير واللى ما يعرفش وما سافرش وما اتغربش يقول اللى يقوله بس لازم تجرب بنفسك انا عشت فى قطر والسعودية ومش كل المناطق كويسة لان فى مناطق لا تتخيل انها فى هذه البلاد وهما بيكونوا مبهورين بمصر لما بيزورها وكفاية جلد للذات
حيسرقوا ازاى طيب لو عملوا كده ؟؟؟؟؟:049:
جده زيها زي مصر وبيقولو عليا حته من مصر في الاهمال
أختلف معاك....جدة اجمالا في مستوى أقاليم مصر...الشوارع الرئيسية في جدة محفورة و مكسرة و مشاكر الصرف و الروائح و حتى البحر مش نضيف و ريحته أجارك الله عالزفارة ما تقدرش تقعد شوية عالكورنيش تشم هوا و أسأل مجرب زار جدة وقعد فيها مدة بسيطة بس شافها على حقيقتها.......
و لو نزلت جدة القديمة (حي البلد) و الله انه أسوأ من القاهرة الفاطمية و الجمالية و الباطنية و الخليفة و عالأقل احنا نعترف ان دي و غيرها مناطق شعبية لكن هناك أحياء البلد القديمة و مناطق السود فعلا تخاف تمشي فيها بعربية و انسى تماما كلمة نظام أو أسفلت نضيف أو شوارع عدلة.....جدة لا علاقة لها بمدن الخليج الحديثة و عواصمه و ده رأيي بعد ما لفيت معظمها ...........
لكن الرياض تختلف تماما في الشوارع و التخطيط و الزرع و النظافة و الالتزام و التقاطعات و البيوت و الخدمات و عشرات الأنفاق و الكباري و الطرق الحرة المفتوحة بلا تقاطعات و 4 طرق دائرية و كل شيء.........الرياض فعلا مدينة كبرى مخططه تخطيط حديث شوارعها واسعة و ممهدة مفيهاش غلطه لا في البلاعات ولا الأرصفة حتى المناطق العتيقة زي البطحاء و المنفوحة و ديرة و الشفا و غيرهم في قديم الرياض نضيفة جدا و مصروف عليها............
أنا اللي أعرفه ان شركة (من..غير..ذمة..أو..ضمير) كانت ماسكة المشاريع أيام المقاول (بلا..ليع..مس..رو..قة) و الدكتور ( حا..را..مي) كانوا عاملين شغل جامد أيامها......ولا ايه؟؟
كلام صحيح مية في المية.......بس زي ما نص الكوباية بيكون فاضي برضه نصها بيكون مليان...و لما الواحد يشوف شيء كويس يتمناه لبلده ...يعني مثلا في الرياض كل يوم في تمام الساعة الثامنة عربية الزبالة بتفضي الصندوق اللي قدام بيتنا و الكناسين ما بيمشوش الا لما ينضفوا اي زبالة انشالة ورقة مرمية في الشارع.......ده مثلا شيء اتمنى اشوفه في مصر...و غيره كتير من الصور الحلوة...
مش معنى اني أقول عنك مثلا انك محترم أو ذكي انه كل الأعضاء التانيين عكس ذلك بالعكس لأن الموضوع مش مقارنة....الموضوع انه أي صورة جميلة نتمنى تكون عندنا في بلدنا.........اللي حتى البحر الاسكندراني بيطلعوا منه أثار غرقانة تدل على عظمة ماضينا و اللي للأسف تغير في حاضرنا.....
و تقبلوا تحياتي جميعا............
من اكتر الحاجات الملفتة في السعودية جودة الطرق
ربنا يهدي الي عندنا في مصر
اللهم امين
الموضوع مش امكانيات . الموضوع عندهم استشاريين وبيوت خبرة من الخارج كل فترة يتم تجديدها باخرى لفرض نظم الحداثه على البلد بافكار جديدة . ودة غير التنافس النظيف فى المناقصات ووضع خطط واسباب عرض السعر والمميزات وخطط العمل الفنيه والزمنيه والمواد والعدد المطلوبه . المشكله فى مصر الاعتماد على جهات عفى عليها الزمن اذا كانوا كليات الهندسه ولا غيرها ويكفى من يرى كوبرى الخليج وطريق الملك فهد وشوارع الرياض واليفط فى كل مكان وعلى مداخل المدن والكبارى والانفاق والشوارع بحيث لاتجد واحد علشان يروح مشوار محتاج يسآل حوله ولا المطار واسلوبه الزكى وتجد او يافطه توجيه ( مغادرة - وصول ) وبعدها ( طيران داخلى - دولى ) بعدها ( دولى خطوط سعوديه ) وبعدها ( دولى طيران اجنبى ) يعنى لو سعاتك راكب سيارتك مش محتاج تسآل طوب الارض لمجرد الدخول لمبنى الركاب . دة غير المواقف الانتظار تجدها تحت صالات السفر والمغادرة والموضوع تترك سيارتك وتركب اسانسير او سلم متحرك مش محتاج لاتوبيس تسافر بيه داخل المطار . يا اخونا الموضوع هو بيوت خبرة مستوردة تضع كل ما لديها من خبرات لتطوير البلد مش موظفين همهم الاكبر السرقه والبلد تضيع