السلا عليكم ورحمه الله
تحياتى لكم جميعا
نخش ف الموضوع
كان يوم جميل ف اسكندريه مفيش بعد كده
مروح على القاهره الزراعى ونازل على ملف دفره وانا مش واخد بالى خالص
ببص ف الامبير 140
اتشاهدت على نفسى
المهم ربنا ستر ودخلت بجمب العربيه ف الطبان وخدتلى قلبتين
قدر الله وماشاء فعل
دلوقت انا محتاج كبوت ومحتاج رفرفين واكصدام امامى ونص امامى الكامل عفشه كاااااااااااااااااامل
وطبعا اربع فوانيس واتنين شبوره كمان وشبكه اماميه وريداتير
والله اعلم الموتور سليم ولا فيه ايه
وعاوز اغير سقف لانه اتدعك خالص ومرايتين
بس شكل العربيه ميطمنش
انا قولت استشير العصابه يقولولى اعمل ايه ف المصيبه دى
والله يسامح اللى اخترع الملف واى حد يمشى بسرعه
ايه رايكم ؟؟؟
عموما قبل ما حد يقول رايه
فأحنا نستبعد البيع لانى بحب العربيه دى جدا وعمرى ما هستغنى عنها
هيا فيكترا بى 1996 شكل جديد 2000 سىسى اوتوماتيك لون ابيض
اجيب نص امامى كامل وانقله فيها ولا ايه
واخبار الاسعار ايه واعمل عند مين
مع العلم انى ف الشرقيه (بلبيس)
لان معظم اللى بتعامل معاهم حراميه من يوم ما ربنا ابتلانى بالاوبل وحب الاوبل
وربنا يارب يبعد عنكو شر الاوبل
المفضلات