الموضوع: مشكله غريبه في فيكترا 2001 عايز مساعده العصابه

المشاركة الأصلية كتبت بواسطة ahmedpharma

ازيكم يا أحلى عصابه
العربيه فيكترا 2001 2000 سي سي cdx أوتوماتيك
أنا عندي مشكله في الفرامل مش عارف أصلها ايه و لا حلها ايه

الفرامل عندي حجرت شويه و بقت ملهاش لازمه و لا فرامل 128 فرحت للراجل اللي بتعامل معاه في الحرفيين قالي نغير السيرفو
و قالي اجيبه استيراد طبعا لفيت الحرفيين كلها على السيرفو ده و فين و فين لقيته عند واحد اسمه اسلام و جبته ب 350 جنيه
غيرت السيرفو الفرامل فكت التحجيره شويه و اتحسنت شويه
و خلي بالكم من كلمه شويه يعني مش هي دي بردو فرامل العربيه اول ما جبتها من شهر

المهم الرجل حط الكمبيوتر و كشف على العربيه قالي حاجه غريبه
قالي الجهاز مش عايز يخش على ال abs
قلتله يعني ده بايظ قالي لأ بس الجهاز مش عايز يقراه قلتله طب و الحل
قالي نغير وحده abs استيراد فيها تراكشن كنترول قلت طيب نسأل عليها رحت و سألت طلع تمنها باكو مقفول ما ينقصش جنيه

و أنا عند هاني العايدي بسأل عليها حكيت لمليجي اللي شغال مع هاني العايدي على الحوار
قالي لمبه ال c بتنور قلتله قصدك لمبه ال tc (تراكشن كونترول) قالي اه
هات العربيه و احنا عندنا هنا جهاز كمبيوترو كلام كتير كده ما فهمتوش
خلاصته انه ممكن يحل المشكله بطريقه غريبه ما فهمتهاش خالص.

عقبال ما خلصت عند الميكانيكي كان الوقت اتأخر تماما فرجعت البيت و ما عديتش على مليجي

الوضع الأن الفرامل مش عاجبني خالص مش دي فرامل العربيه
لمبه التراكشن كنترول منوره بصوره شبه دايمه أحيانا بتطفي
بس لمبه ال abs مش منوره؟؟؟؟؟
و انا مش فاهم حاجه خالص و مش عارف أعمل ايه
افيدوني يا عصابه أنا خلاص هتجنن

هل ال abs شغال؟؟
ال tc او ال abs حتى لو شغال ملوش دعوة باداء الفرامل ... مفيش حاجة اسمها الجهاز مش راضى يدخل على ال abs ونغير الوحدة
غالبا المشكلة دى متعلقة بالسيرفو , فى خرطوم خارج من المانيفولد رايح للماستر العمومى اتأكد انة سليم والبلف اللى فية سليم واكشف عند ميكانيكى تانى

المشاركة الأصلية كتبت بواسطة tananybasha

ما انا بقول ان الشغل ده اشتغاله كبيره

المهم الرجل حط الكمبيوتر و كشف على العربيه قالي حاجه غريبه
قالي الجهاز مش عايز يخش على ال abs
قلتله يعني ده بايظ قالي لأ بس الجهاز مش عايز يقراه قلتله طب و الحل
قالي نغير وحده abs استيراد فيها تراكشن كنترول قلت طيب نسأل عليها رحت و سألت طلع تمنها باكو مقفول ما ينقصش جنيه

يعنى اية !!!
هى بايظة ولا مش بايظة !!!!

شكرا يا شباب على ردودكم

يا ريت لو تدلوني على ميكانيكي فاهم كويس و عنده ضمير اروحله يكون عنده حل للمشكله دي

و بالنسبه لل abs بايظ و لا لأ فأنا مش عارف


اعرف ازاي بايظ و لا لأ اذا كان الميكانيكي اللي أنا رحتله مش عارف

بالمناسبه في حاجه تاني غريبه بتحصل معايا
ساعات و انا مدور العربيه في الأول و سايبها تسخن لما أجي ازود بنزين عداد السرعه بيرفع معايا
يعني كأني ماشي و بيقرا لحد سرعه 30 أو 40 رغم أني واقف بالعربيه على الغيار p

انتوا فين يا عصابه؟؟؟

طب دلوني على الحل تكسبوا فيا ثواب و لا ما حدش عنده حل.

السلام عليكم
ازيك يا احمد
اللى اقدر افيدك بيه تروح على مركز مقار بالدقى و هناك هيقولك العيب اية
و هما على العموم فاهمين اوى
و انت يا محمد طنانى اكتب لاحمد العنوان فى موضوع مستقل علشان كل ناس المنتدى يشوفوة و يبقى كتر الف خير لو بارقام التليفونات او ترفع الكارت بتاع المركز على المنتدى و بكدة نحاول نقلل نعتان الناس و التهييس
و السلام عليكم