السلام عليكم انا ياجماعة كنت فى التوكيل بتاع النزهة و اتفرجت على العربية دى و فعلا الكلام زى ما ناس بتقول هنا بالضبط بالنسبة للسيلز فعلا الراجل اللى كنت معاه كن كويس جدا و شرحلى كل حاجة عنها و فعلا المميزات كلها زى ما باقى الاعضاء قالوا و انا معاكوا انها كمواصفات و تفقيل و شكل حلوة و قطع غيار رخيصة انا متفق كل اللى تقال و انا ليا ملاحظات على التعليقات احب اقولها

بالنسبة للتوكيل انا لما كنت هناك ماحدش قال انها موتور ياريس و عفشة بيجو و فتيس رينو و الكلام ده زى الاخ اللى كان بيقول كده جايز كان بيهزر بس هى فعلا موتورها نفس تكنولوجيا الياريس لكن كله صينى زى كل مكونات العربية و ده من كلامى مع راجل السيلز يعنى هما بيقولوا اهو ان كلها صينى

بالنسبة لان الشنطة ضيقة صح بس الميزة ان الكانبة اللى ورا ممكن تتنى و تزود شوية مساحة الشنطة

بالنسبة للسعر غالى زى الاخ اللى كان بيقول ارحمونا انا احب اقول حاجة هى بالمواصفات دى سعرها احسن من كتير زيها و كمان هى اعلى منهم فى حاجات كتير و لا خى لازم تكون كورى و مواصفاتها اقل من كده بكتير و نجى نقول عن سعرها اشعار انا شخصيا كنت هاشترى بيكانتو بس بصراحة انا شايف ان الباندا افضل فى حاجات كتير و اكيد ارخص فى السعر