تصليح الفتيس المانيول

**moudy2002** · 29-11-2007 07:25 PM

الاخوة الكرام
الفتيس عندى فية صوت ونه مصحوبة بصوت خشانة والعصايا تقيلة شوية والغيارات بقت بتعض الى حد ما
مع العلم انى مغير زيت الفتيس بشل 80-90 من شهر
فى ميكانيكى قالى دة حاجة اسمها جرابين فتيس ممكن يتغيرة ويبص على رمان بلى الفتيس

انا من النوع الى مش بيحب يصلح الفتيس ويجيب استيراد احسن
بس انا شايف انه ممكن العيب دة يتصلح ومش لازم اغير الفتيس كلة الا لما يجيب اخرة خالص يعنى الغيارات تنطر وكدة ..
اية رأيكم اصلح العيوب دة ولا دة حاجة جوهرية فى الفتيس والاحسن اجيب فتيس استيراد على طول
كمان اية احسن واحد متخصص فى تصليح الفتيس المانيول ويكون مجرب .
العربية اكسنت 1500 موديل 2000
وشكرا يا اخواتى الكرام

**ahmedsrs** · 29-11-2007 11:39 PM

بدل الفتيس فى ونة وخشانة ممكن يتصلح عادى لأن متضمنش الأستيراد جايز يكون فيه عيب ميبنش الأ لما يركب

**Xpert** · 30-11-2007 12:17 AM

هوه هايطلع فيه ياءما غوايش ياءما بلي ... ان ماكانش ال2 .. التصليح او التغيير .. دي حاجه ترجعلك .. بس لو انا .. هارمي و اجيب فتيس ... (نتيجه ان الصين هجمت و احتلت مصر .. قطع الغيار نفسها مابقتش مضمونه ... )

**moudy2002** · 30-11-2007 01:53 PM

شكرا اخوانى
طيب حد يقترح عليا حد يكون متخصص فى الفتيس المانيول ممكن اصلحة عندة ؟؟

**hazem_khidr** · 30-11-2007 02:35 PM

ريح دماغك من الوش دا كله لانك لو فتحت حتصرف علي الفتيس كتير و مش حيرجع زي الاول.
نصيحه هات فتيس استيراد علي تجربه و اول ما يركب حيبان اذا كان كويس و لا لاء و لو وحش رجعه و هات واحد تاني و هكذا و ربنا يوفقك من اول مره و تلاقي فتيس كويس و دا بنسبه كبيره

**piezo** · 15-03-2011 08:41 AM

المشاركة الأصلية كتبت بواسطة hazem_khidr

ريح دماغك من الوش دا كله لانك لو فتحت حتصرف علي الفتيس كتير و مش حيرجع زي الاول.
نصيحه هات فتيس استيراد علي تجربه و اول ما يركب حيبان اذا كان كويس و لا لاء و لو وحش رجعه و هات واحد تاني و هكذا و ربنا يوفقك من اول مره و تلاقي فتيس كويس و دا بنسبه كبيره

+11111111111111111111111111111111111111111

**zastaffa** · 15-03-2011 09:08 AM

طب معلش ياجماعة أنا كمان عربيتي 128 موديل 1988 وعندي متركبلها فتيس ريجاتا 5غيار غير المارشيدير......والمشكلة اللي عندي اني لما باجي أجيب الغيار التاني الفتيس بيزعق جامد كأن الدبرياج واطي....مع العلم أن الدبرياج عندي مضبوط جدا ويكاد يكون عالي..... كل الميكانيكية قاللولي أن في حاجه أسمها فرامل الفتيس ودي اللي بتفصل بين النقلات وبعضيها....وهي دي اللي بتعمل صوت الزعقه بين النقلات وبعضها....لأنه عندي برضوا في التالت والرابع في زعقه بس أقل من لما أجي أجيب التاني.......عاوز أي حد يعرف أي حاجه عن موضوع فرامل الفتيس ده ويقولي هينفع يتصلح ولا لأه؟؟؟؟؟

**moudy2002** · 30-11-2007 03:14 PM

انا كان رأى انه ممكن يكون سبب الونة وصوت الخشونه دة ممكن يتصلح عادى انا فاكر انه عيب بسيط لا يلزم استبدال الفتيس بالكامل .
انا دلوقتى محتار تانى
اعمل اية اغير الفتيس كلة علشان العيوب دة ولا دة حاجة بسيطة ممكن تتعمل بما انا الفتيس مش بينطر النقلات يعنى مش عيوب كبيرة قصدى ؟؟

**BASHAR** · 30-11-2007 03:54 PM

[quote="hazem_khidr"]ريح دماغك من الوش دا كله لانك لو فتحت حتصرف علي الفتيس كتير و مش حيرجع زي الاول.
nice

**HESHAM AMIN** · 01-12-2007 09:34 AM

ااشترى واحد تانى احسن لانة عمرة ما حيرجع زى الاول ابدا

الموضوع: تصليح الفتيس المانيول

LinkBack

أدوات الموضوع

عرض

العرض المتطور

تصليح الفتيس المانيول - انشر الموضوع فى :

-

-

-

-

المواضيع المتشابهه

ايه اللى ممكن يخلى زيت الفتيس المانيول يقل

عقربه الفتيس المانيول 1600 سي سي

الفايظ بتاع الفتيس المانيول فين بالظبط

مشكله فى الفتيس المانيول

الزجاج المانيول

الكلمات الدلالية لهذا الموضوع

المفضلات

المفضلات

ضوابط المشاركة