الموضوع: تصليح الفتيس المانيول

ما تحاولش تصلحه و هات فتيس استيراد يكون راكب على موتور عشان تضمن انه ما اتفكش قبل كده انا لسه مغير الفتيس بتاعى من اسبوع و الاستيراد كان فارق عن فتيسى بمراحل انا كان عندى مشكلة ونة و تسريب زيت رهيب من قلب الفتيس نفسه و هاصلح بتاعى و اخليه احتياطى لكن اسلم حل الاستيراد و توفر الوقت و المصاريف و العطلة بتاعت تصليح فتيسك القديم و المشاكل اللى هاتنتج من التصليح مع الميكانيكية المحترفين بتوعنا

السلام عليكم
بالصدفه البحته
كنت رايح اعرض الفتيس على عفشجي اخير غير العشره اللى شافوه وقالولى لازم يتغير
لقيت ده بيقولى هغيرلك البلي وباذن الله مش هيرجع تانى واخليهولك حرير
ولقيتني بقوله اعمله بس طبعا ما كررت عليه
ان مصنعيتك محفوظه ونغيره وخلاص افضل وأأمن
قالى لا
وهتتكلف 250 بالمصنعيه
وقد كان
....*والحمد لله عمله والاصوات والخشونه راحت ويبقي صوت فوووووو خفيف جدا جدا لما العربيه بتهدا اوى
قالى ده طبيعي ( وده كنة الفتيس مع المكنه ) هل هذا حقيقي ؟؟؟؟؟؟
وكشفلى ع الديسك والاسطوانه والبليه وقالى كويسين الحمد لله وجداد متغيرين قريب
وغيرت سلك الدبرياج والدبرياج الحمد لله بقا خفيف
بالنسبة لتقل العصايا بقا
فك القنصوه وزيتها وزيت السست اللى فى الفتيس من بره والعصايا ار تاحت شويه
وقولتله الوايرات اللى راحه للفتيس من العصايا متتغيرش عشان تخف شويه
قالى ب 150 ج ومش هتحس بفرق برده وصوت العصايا ده طبيعي صوت الترابيس والصواميل ان تحس بتعشيقة النقله تحت ايدك
ايه رايكم
ولكم جزيل الشكر

.......* ايه رايكم فى تطورات الفتيس بتاعى وايه المطلوب فيه بعد كده ( حطتله زيت موبيل 90 علبته بيضا والعفشجي قالى امشي عليه شهر ونزله وحط زيت تانى كغسيل للفتيس )) ابقا احط شل ولا اكمل على موبيل للفتيس ........*
وشكرا جزيلا

المشاركة الأصلية كتبت بواسطة ahmed_h_g

مش عارف أنا مش مستريح للعضه مع تعشيق الغيارات
العضه بتحصل مع كل الغيارات ولا غيارات معينه ؟

الاول والثانى اكتر
هى الوايرات ( هما سلكين شوفتهم عاملين زى سلك الدبرياج)اللى رايحه من العصايه للفتيس دى ليها دخل ولا لا
هل دول بيتغيروا ويفرقوا فى الموضوع ولا ايه ؟
العفشجي بيقولى مش هيفرقوا فى حاجه وده الموديل ده كده طبيعي؟
مش عارف ده طبيعي ولا هو كسلان او مش عارف يعملها
وايه رايكم فى الصوت ده :-
....*والحمد لله عمله والاصوات والخشونه راحت ويبقي صوت فوووووو خفيف جدا جدا لما العربيه بتهدا اوى
قالى ده طبيعي ( وده كنة الفتيس مع المكنه ) هل هذا حقيقي ؟؟؟؟؟؟
معلش تاعبكم معايا كتير
جزاكم الله خيرا

المشاركة الأصلية كتبت بواسطة ahmed_h_g

الصوت الخفيف اللى بيظهر هل بيختفى لما بتدوس دبرياج ؟
ثانيا" العضه الخفيفه ممكن تكون من الوايرات وممكن من غوايش الفتيس للغيار الأول والتانى فقط
جرب دوس دبرياج كويس وأنت بتنقل

مجربتش ادوس دبرياج بصراحه
بس هو موجود والعربيه ماشيه ومعشقه
ولما تهدى قرب ما تبطل مثلا بحاجه بسيطه كده
بس وهى واقفه مفيش صوت خالص زى الاول كان فى صوت واضح ولما ادوس دبرياج يروح
بالنسبه للوايرات دى بتتجاب منين وهل فعلا ب 150 ج وياترى هتجيب نتيجه ولا لا
طب لو غوايش بتتكلف كام ؟
والسؤال الحيوي والملح على تفكيري دلوقت
هو انا لو كنت جبت فتيس استيراد العصايا كانت هتتحل اتوماتيكيا ولا ملهاش علاقه وكانت هتفضل كده برده لانها وسيلة فقط لتنفيذ امر النقل داخل الفتيس ( اقصد ان العصايا خارج الفتيس مش من مكوناته )
متابع حضرتك باهتمام
معلش ايه حكاية ان اخد بوش دواسة الدبرياج ( او الريجلاش ) هل المقصود منها مستوى نقطة الفصل ولا شئ اخر
وشكرا جزيلا

السلام عليكم

واحد عنده اكسيل برده وعامل كده بيقولى حط لتر زيت تقيل 140 من الطبه اللى فوق اللى فى نص الفتيس هتلاقي العصايا نعمت والونه الخفيفه اللى شبه صوت العربيه وهى راجعه لورا راحت
ايه رايك يا بشمهندس
هو عاوزنى احط لتر 140 فوق 90 اللى موجود بس من الطبه اللى فوق
ولا بلاش
وفى واحد بيقولى دور على زيت اقل من 90 كمان
وشكرا جزيلا