السلام عليكم , اولا كده انا معايا برسونا 2010 لسه جايبها من اسبوعين تقريبا و هي دلوقتي عاملة 1600 كم , المهم , السبت اللي فات عملت صيانة الالف , كلمت رقم الصيانة ورحت يوم السبت الساعة 1 و العربية كان فيها المشاكل دي
1- تزييق الكنبة
2- تكتكة في الدركسيون لما اجيبه يمين
3- فيه زي بووش كده في فبر الدركسيون
4- درج التابلوه لما بأفله بيكون فارق من ناحية عن التانية
5- فيه حدفة واضحة شمال , مش الدركسيون اللي بييجي شمال , لا , الدركسيون بيكون في النص و يحدف شمال ( زوايا تقريبا )
6 - لمبة الاستوب اللي فوق , اللمض محروقة ( مش كلها )
المهم رحت علي 1 و نفس الكلام فيه واحد جالي كده قلتله علي المشاكل و طبعا قفشت عليه علشان كل لما اقله علي حاجة يقولي لا لا لا دي مش مهمة دي ممكن مانعملهاش ( كأنها عربيته هو ) المهم طبعا كتبنا كل اللي انا عايزه و كله تمام و طبعا صيانة الالف معاهم
المهم من 1 و نص كده لغاية 4 و نص استلمت العربية و كله تمام و طبعا كروتوني علشان كانو عايزين يمشوا , خدت العربية و مشيت ألاقي العربية بتحدف يمين جامد اوي لدرجة ان انا كنت هخبط في عربية علي الصحراوي و صوت تكتكة الدركسيون دي زادت اوي وبقت يمين و شمال , تاني يوم الاحد رحت تاني و من غير معاد و دخلت علطول و عملت مشكلة كبيرة اوي معاهم و لدرجة ان مدير الصيانة طلع معايا يشوف العربية و يجربها , طبعا قالي عندك حق و هنعملها و بتاع و احنا اسفين , من الساعة 9 لغاية 4 و العربية بتتعمل و كل نص ساعة نطلع نجرب و يقنعوني ان العربية اتظبطط و انا اقول لا , فين و فين لما لقيت العربية بقت سيف علي الطريق و اقتنعت بيها , طبعا عملوا الصوت اللي في الدركسيون , ومادفعتش حاجة و مشيت , و انا مروح زرار الانتظار فصل !!! المهم قلت ده فيوز , تاني يوم رحتلهم تاني غيروا مسطرة كاملة ! دفعت 15 جنيه و مشيت و الحمد لله لسه ماحصلش حاجه تاني