جميع مشاكل نيسان صنى....

**wounded** · 16-12-2009 04:32 AM

السلام عليكم جميعا.
تسهيلا لمالكى سيارة نيسان صنى (اللى منهم انا ) عملت الموضوع ده علشان نعرف عيوب العربية دى ونتناقش فى حلها مع اهل الخبرة فى المنتدى.
فياريت اى حد يواجه اى مشكلة فى سيارته النيسان يعرضها فى هذا الموضوع.

**wounded** · 16-12-2009 04:45 AM

وانا اولكم ححط مشاكلى فى العربية دى ...
1-نيسان صنى 2010 منذ 3 شهور وعامله 2000 كيلو.
2-مشكلة كبيرة فى صوت الموتور عند التسارع.(تخيلو مش بوصل عداد ال rpm لحد 2000 لفه علشان الصوت المزعج).
3-دواسة البنزين حاسس انها بطيئة الاستجابة فى التسارع .(واحد صحبى بيفهم فى العربيات قالى ان الدواسة فيها هوا.وبصراحة مفهمتش).
4-رعشة كبيرة فى الفتيس .والرعشة متكنش ظاهرة على الفتيس بس بتحسها عند مسكه سواء كنت ماشى بالعربية او ممور.
5-الصالون الخلفى ضيق شويتين.بس الصالون الامامى كبير ومريح جدا.
دى بقى المشاكل اللى وجهتنى وطبعا مش كلها ينفع تتحل لكن اللى يعرف حلول لاى مشكلة يكتبها واهو كلة يستفيد.
وشكرا مقدما.....

**ahmed_aly78** · 16-12-2009 03:24 PM

السلام عليكم ورحمه الله وبركاته
انا بعانى من نفس المشكله زى سيادتك بالضبط وهى صوت الموتور عالى جدا فوق 120 كيلو وكذلك رعشه بالفتيس المانيوال وخصوصا لو اخدت مطب يهتز جامد جدا الفتيس واحيانا صوت تزييق فى الكرسى ال بجانب السائق لو احد قعد تخيين شوى

**roffa1** · 16-12-2009 09:12 PM

انا معاا 2010 اوتوماتك علمل بيها 4000 كم ليهامعايا شهرين-- العيب اللى واضح فيها و مضايقنى فعلا تزييقه فى الكرسى بتاعى ( السائق) و وزنى 100 كج بصراحه عامل زى المزيكه(زباله) مش مخلينى احس انى راكب عربيه زيرو --- العيب التانى اللى لاحظته انى لما اكبس بنزين مره واحده علشان اتخطى عربيه تانيه - العربيه مبتعملش كيك داون ومبتستجيبش بسرعه( بالمقارنه بالفيرنا الاوتوماتك اللى كانت معيا قبل كده ) وباحتاج كبسه اكبر على البنزين

**mohamedhamam** · 16-12-2009 10:52 PM

هل معنى كده أن النيسان الصنى عربية تعبانة زى الصينى اللى بنسمع عنه هذه الأيام و عليه نصيحتكم لأعضاء المنتدى يبعدوا تماماً عن شراء النيسان الصنى نريد التوضيح بأمانة علشان جميع أعضاء المنتدى يستفيدوا و هذا هو الهدف الأسمى من المشاركة بأى موضوع

**WalidAdel** · 16-12-2009 11:58 PM

المشاركة الأصلية كتبت بواسطة mohamedhamam

هل معنى كده أن النيسان الصنى عربية تعبانة زى الصينى اللى بنسمع عنه هذه الأيام و عليه نصيحتكم لأعضاء المنتدى يبعدوا تماماً عن شراء النيسان الصنى نريد التوضيح بأمانة علشان جميع أعضاء المنتدى يستفيدوا و هذا هو الهدف الأسمى من المشاركة بأى موضوع

هو اكيد المعني مش كده مش علشان عيوب بسيطه لاتقلل من شان العربيه اقارنها بالصيني اللي الواحد لما بيركبه تاكسي بيقول يارب اوصل المشوار سليم

صوت الموتور عالي علشان الكاتينه جنزير مش جلد زي بقيت العربيات و اللي بتخالي صوت الموتور هادي اوي و رعشة عصاية الفتيس دا طبيعي في الصني اما بالنسبه للكرسي دا حضرتك بتقولهم في التوكيل بيربطوت مسامير القعده بتاعة الكرسي من جوه مانفعش تربيط بيتغير الكرسي كله و في عضو هنا معانا غير الكرسي و انا مثلا الموضوع مش مركز فيه اوي فسايب الكرسي بيزيق عادي

**Karim_Mohy** · 17-12-2009 12:53 AM

المشاركة الأصلية كتبت بواسطة mohamedhamam

هل معنى كده أن النيسان الصنى عربية تعبانة زى الصينى اللى بنسمع عنه هذه الأيام و عليه نصيحتكم لأعضاء المنتدى يبعدوا تماماً عن شراء النيسان الصنى نريد التوضيح بأمانة علشان جميع أعضاء المنتدى يستفيدوا و هذا هو الهدف الأسمى من المشاركة بأى موضوع

لست من ملاك الصني ولكن اعرفها لان احد الاصدقاء بمتلكها........ولا يوجد وجه مقارنة بينها وبين الصيني

التشابه فقط في ( الصني ) وال ( صيني ).فقط حرف الياء

وهذا ليس تقليل من شان الصيني لحسن حد يزعل ولكن مينفعش نقول الصيني كله ولكن عربيات قليلة اثبتت كفاءة

**K_Morsy** · 17-12-2009 02:19 AM

قربت أكمل ال 2000 كم ومفيش تزييق في الكراسي (يمكن مش باحس بيه لان غالبا بأكون مشغل الراديو او السي دي بصوت عال) لكن صوت الموتور عالي شوية بس مش مزعج .. اهم حاجة ما تخليش ال rpm تزيد عن 3000-3500
رعشة الفتيس موجودة بس بسيطة جدا ومش محسوسة او مزعجة
ودي عيوب ثانوية لا تؤثر على كونها سيارة محترمة ماشاء الله وفي هذه الفئة السعرية
ربنا يبارك لكل اصحابها وللجميع ويكفيهم شرها