المشاركة الأصلية كتبت بواسطة a7med_pharma
على الجانب الشخصي بقا
حبيت ارتبط...اخطب يعني
كانت عنيا شايفاها أجمل بنت في الدنيا..وهيا أكيد كانت أجمل بمنت في الدنيا.
كنت شفتها كام مره قبل كده ..وكانت بالنسبه ليا مجرد بنت حلوه أوي وبس.
هيا من البلد عندنا.
كنت ماشي مره عند كافتيريا تجاره – وعشان انا كنت معروف اوي في البلد بتاعتنا –لقيت صوت انثوي بيقول:" أحمـــــد"
مختش في بالي خالص ان انا المقصود ..ومشيت عادي
لقيت نفس الصوت بيقول:" دكتور أحمد" ساعتها عرفت إن أنا
وقفت وبصيت ورايا
يارب العالمين
الشمس بنورها والقمر بجماله قدامي لابس خمار ابيض وجيبه لونها بني .
وكأني أول مره أشوفها
.
تبارك الله أحسن الخالقين
.
تبارك الله أحسن الخالقين
.
جت وكلمتني ..بقت هيا بتتكلم ..وانا واقف زي الاهبل كده..متنح ومش عارف اقول كلمه واحده على بعضها
هيا بتتكلم ..وأنا متابع حركه شفايفها وهيا بتتحرك
.
تبارك الله أحسن الخالقين
.
ازيك ..الله يسلمك ..ومشيت على كده
وطبعا بعدها ..بقيت مقيم في تجاره على طووووووول
اتكلمنا
واتكلمنا
وبعد شهر واحد ..قولتلها الكلمه الصعبه ..وقالتهالي
.
.
كلمت والدتها في التليفون ..
ووالدتي كلمت والدتها
والموضوع بدأ ياخد شكل رسمي
كنت عايش اجمل ايام عمري..فجأه بجد حسيت ان كل تعبي ده ..ولا حاجه قصاد فرحتي بيها ..
ركانت بجد أول مره قلبي يدق ..ويقول bom bom bom
رسمتها مره ..بالقلم الرصاص
الصوره طلعت حلوه أوي أوي
عشان كانت طالعه بجد من قلب عاشق
فرحت بيها أوي
وأنا فرحت أوي بفرحتها دي
المهم
العلاقه فضلت ماشيه كده بشكل شبه رسمي
والدي أخيرا كلم باباها في التليفون
كنت هموووووووووووووووووووووون من الفرحه يومها
أبوها ماردش علينا غير بعد شهر.
وقال ان شاء الله نعمل خطوبه ف الصيف
كنا ساعتها في امتحانات الترم الاول
قلت عادي
كام شهر يعدوااا هوا
وهيا كانت معايا في الجامعه كل يوم
كنت بحبها أوي
كنت مره سهران ف الصيدليه ..حسيت اني لازم اشوفها حالا
قفلت الصيدليه ورحتلها تحت بيتها ..كانوا اصلا من البلد .بس ساكنين في حته تانيه..المشوار كان ساعه ونص بالعربيه
( زي الافلام العربي) وكلمتها ..طلعتلي في البلكونه ..يارب العالمين
كانت جميله أوي أوي أوي
لما بدأ الصيف يقرب
عرفتني بشروط أهلها قبل مانروح عندهم البيت
.
عاوزين شبكه بـ 30 الف جنيه ..وشقه ف القوميه
.؟.؟.؟.؟.؟.؟.؟.؟.؟.؟.؟.؟.؟.؟.؟.؟. .؟.؟.؟.؟.؟.؟.؟.؟.؟.؟.؟
احنا الحمد لله ماديا كويسين ..لكن عشان اوافق على طلباتهم دي ..وتكاليف الشبكه والشقه والتشطيبات والجواز والفرح ..
كده المصاريف هتعدي فوق الـ نص مليون بشويه
ليه؟؟
قولتلها كتير ..أنا كده هدبح بابا بالحاجات دي
قالتلي كلم باباك ورد عليا
كلمت بابا
قالي إنت شايف إيه؟؟
قولتله :" قسمه ونصيب "
انا مش هكمل الموضوع ده.
.
قولتها غصب عني
كنت بجد عاوزها .. وبحبها
لكن هيا إلي إختارت
.
.
خلاصه المرحله دي
. إشتري إلي يشتريك ..وإلي يبيعك ..متفكرش فيه
الحب صعب أوي ..وجرح القلب ..بجد صعب