لو عايز اجيب مانولمش اتوماتيك وقدامى الاتنين اجيب اللوجان فول اوبشن افضل
لو عايز اجيب مانولمش اتوماتيك وقدامى الاتنين اجيب اللوجان فول اوبشن افضل
استحلفك بالله يا MNBaher تتقبل الراى والراى الاخر علشان بالشكل اللى انا شايفه ده الناس مش هاتشترك فى الحوار وفيه ناس عايزه تعرف كل حاجه وانا واحد منهم واحب اوضح لحضرتك ان الناس كلها بتفكر وبتحكم على الامور بشكل صحيح وزى مقلت فى اول مشاركه مينفعش نقارن اللوجان بالاكسنت لان العربيتين من فئتين مختلفتين زى مينفعش اقارن بين الاكسنت مش مع الكورولا لا مينفعش حتى اقارنها مع اليارس واعتقد ان ده راى معظم الاعضاء فمفيش شك ان فرق السعربين الاكسنت واللوجان بيترجم لافضليه للاكسنت بس ميمنعش اننا نسمع راى بقية الاعضاء
وشكرا على سعة صدر حضراتكم
يااااااااااااااااااااه دة انت قلبك اسود اوى بتكره اللوجان وملاكها ليه يا باشا هى اللوجان دى مركبة اسرائيلية مثلا
يا سيدى تغور العربيات كلها اللى تخليك تكرهنا
اولا شكرا لحضرتك على اسلوبك الراقى فى طرح وجه نظرك بدون تجريح للاخرين
موضوع المقارنة مش غلط انت ممكن تقارن اى عربية بعربية تانية مهما كانت الفئة
بس بصراحة انا نفسى اتسدت لما قريت الموضوع من اسوأ مقارنات المنتدى فى رأى
هو الى حضرتك الى بتقوله ده اسمه تصليح للمعلومات
ده بتقول أنى جاى من المريخ وأنك بتكره كل الى معاهم لوجان وبعدين الراجل غلط غلطه املائيه وداس على حرف فى الكيبورد بقت مشكلة
يا استاذ الحوار كان على عربيات ومهما غلطت فى عربيتك ديه فى الاخر عربيه (ومش أنت حتى الى عاملها عشان تحس بالاساءة وترد الردود ديه ) يعنى أنا مثلا ينفع اقول باكره الاكسنت بس ابقى انسان غبى لو قلت باكره الى عندهم اكسنت
حضرتك سبت العربيات خالص ودخلت فى الناس الى بتتكلم عشان كده بقى استمرار الحوار معناه انى اسيب العربيات خالص وابتدى اتكلم عن شخصيتك أنت وأنا مش باخش المنتدى عشان كده
إييييييييييييه يا رجاله اللي بيحصل ده .. مقارنه بين قطعتين حديد تعمل كده ؟؟؟
العضو MNbahr أرجو عدم الأستهانه بأخيك حتى لو أخطأ
و كمان عرفنا أن معاليك بتعرف english كويس
عايزك تجاوبني على سؤال شييييييك كده .. عمرك شوفت تعليق من أمريكي أو إنجليزي باللغة العربية ؟؟؟؟؟؟؟؟؟؟!!!!!!!!!! أظن قصدي وصل
مره أخرى أرجو منك عدم التسبب في إيذاء مشاعر الاخوة في المنتدى لأن المعظم هنا على درجة عالية جدا من المستوى العلمي و فيه أكثر من عضو يتحدثون أكثر من لغة و لكنهم يتكلمون بلغة بلدهم و دينهم و قرأنهم .. فلكل مقام مقام (تحياتي)
السلام عليكم ...
الموضوع وصل لاكبر من ان يكون موضوع نقاش واستفسار من اخ لنا لافادته عن احسن عربية بين الاتنين ... علشان كده لازم يكون الضمير موجود .. لان فيه ناس بتكلم عن عربية كويس جدا جدا وهى متعرفش عنها حاجة او ان العربية دى بتاعتها علشان كده بيمدحوا فيها ، يرجى المفاضلة بين السيارات ان تكون بين ضمائر الناس ، لان فى ناس كتير اوى معندهاش خلفية عن العربية ويوكن جوابك ده مهم جدا بالنسبة لهم وبناءا عليه بيشتروا العربية اللى انت اقترحتها عليهم ، لان احنا عندما نسأل عن شئ بنكون عندنا ثقة جامدة اوى فى الاجابات.
انا اسف على اطالتى لكم.
لكن انا فى اخر كلامى افضل النيواكسنت لانى جربتها ومع اكثر من صديق لى ولا افضل اللوجان مع اننى جربيتها ايضا ومع 2 من اصدقائى.
طبعا مشكور على النصيحة
كنت عاوز اعرف أنت استقريت على النيو اكسنت وصرفت نظر عن الكيا ريو اصل حضرتك من اسبوع تقريبا كنت بتسأل فى المنتدى تشترى انهى واحده فيهم لما نصحك الاخوه بالدخول الى قسم المقارنات
نصيحتى لحضرتك لو كنت استقريت على النيو اكسنت ما تتسرعش لان الفترة ديه مش كافيه أنك تأخذ فيها قرار شراء حاجة معمرة زى العربية
هذا الموضوع الجديد القديم حول مقارنة السيارات و ايها أفضل من الأخرى يثير فضولا لدي للمشاركة حيث انني لاحظت غياب عناصر مهمة عند الحديث حول هذا الأمر و اود طرح هذه العناصر عليكم و بعيدا عن التعصب :
أولا : حدد اولوياتك ...عند شراء السيارة او اي شيء لابد من تحديد ما هي الأشياء التي تريدها من السيارة... هل تريد سيارة شخصية ام عائلية؟ و هل عائلتك كبيرة ام صغيرة؟ هل انت شاب و تهتم بالمظهر و الاناقة ام ان الشكل لا يمثل لك الأولوية؟ هل انت ممن يسافرون كثيرا بالسيارة؟ ام انك ستستخدمها للتنقلات داخل المدينة؟ ما هي نوعية الطرق التي تسير فيها؟ هل هي سيارتك الوحيدة؟ ام لديك سيارات أخرى؟ ما هو دخلك الشهري؟ هل انت ممن يستبدلون سياراتهم في مدد قصيرة ام لا؟
ثانيا: حسابات الأمان و المغامرة عند الحديث حول السيارة يجب قياسها جيدا عن طريق الخبرات السابقة لم يمتلكون السيارة و كذلك قراءة الوضع الحالي في محاولة لاستشراف مستقبل السيارة في ما يتعلق بالاعطال و توافر قطع الغيار و سعر اعادة البيع و انا اتحدث عن سيارة جديدة او حتى مستعملة.
ثالثا: ماركة السيارة و الحديث حول افضلية الاوربي او افضلية الكوري و الياباني بصفة مطلقة اراه حديثا مغلوطا و لا يجوز و يجب ان يستبدل بمصطلح أدق و أكثر موضوعية و هو (value for money) اي القيمة مقابل السعر.
رابعا: في غياب عيب خطير و واضح في اي سيارة فان (افضل سيارة) سوف يصبح امر شخصي جدا.
و بالحديث عن نفسي فانا قد اشتريت سيارة رينو لوجان منذ 3 اشهر بعد تفكير عميق و طويل و تقبلت نسبة من المغامرة و لكن حسابات الربح و الخسارة كانت لصالحها و حتى الان انا سعيد بالسيارة و قدت بها في مختلف انواع الطرق السيئة جدا جدا جدا